23 сентября 2024 г.

Qaraqalpaq mámleketlik quwırshaq teatrı Azerbayjan Respublikası Baku qalasında gastrol saparında bolıp, Azerbayjan mámleketlik quwrshaq teatrında azerbayjanlı kishkene teatr ıqlasbentleriniń itibarına Nasiba Genjebekova avtorlıǵı hám saxnalastırıwındaǵı “Saray ishindegi sıyqır” teatrlastırılǵan tamasha baǵdarlamasın inam etti hám tamashagóylerdiń alǵıslarına sazawar boldı.
Gastrol saparı dawamında Qaraqalpaq mámleketlik quwırshaq teatrı direktorı Mambeyaliev Usmanatdin Qaziyatdinovich hám Azerbayjan mámleketlik quwırshaq teatrı direktorı Resad Rufat Axmed-zade arasında dóretiwshilik ushırasıwı bolıp ótti. Ushırasıw dawamında eki teatr dóretiwshileri quwırshaq teatr tarawına baylanıslı jańalıqlar hám jetiskenlikler boyınsha hikir almastı. Sonıń menen birge ushırasıw juwmaǵında Qaraqalpaq mámleketlik quwırshaq teatrı hám Azerbayjan Respublikası Azerbayjan mámleketlik quwırshaq teatrı arasında memorandum dúzildi.
👉 @Karakalpak24