“Invest Gobi 2023” буюу Өмнөговийн хөрөнгө оруулалтын чуулган болж өнгөрлөө

“Invest Gobi 2023” буюу Өмнөговийн хөрөнгө оруулалтын чуулганд гадаад, дотоодын 550 гаруй зочин, 10 ҮЦК оролцсон юм.
2010-2021 оны хугацаанд Монголын ДНБ 4.5 дахин өссөн бол Өмнөговийнх 4.8 дахин өсөж ₮1.1 их наяд болжээ. Улмаар улсын ДНБ-ий 2.6%-ийг дангаар бүрдүүлж буй. Тиймээс Өмнөговь аймаг нь хөрөнгө оруулалтын халуухан бүсэд тооцогдож байна.
Тиймээс орон нутагт бонд гаргах, санхүүгийн хувьд боломжтой аймаг нь Өмнөговь аймаг болж байгаа юм. Улмаар тус аймгийн иргэд энэхүү бондод хөрөнгө оруулж өгөөж хүртэх боломж ирээдүйд гарч ирэхээр байна.
Уг хөрөнгө оруулалтын чуулганд “Өмнөговь аймагт хөрөнгө оруулах нь”, "Өмнөговь аймгийн бизнесийн орчин" зэрэг хэлэлцүүлгүүд өрнөснөөс гадна ҮЦК-иуд ААН, бизнес эрхлэгчдэд ХЗЗ-д хэрхэн оролцож, яаж хөрөнгө оруулалт босгох талаар мэдээлэл өгсөн юм.
Эцэст нь... Өмнөговь аймагт хөрөнгө оруулсан, хөрөнгө оруулахаар сонирхож байгаа бизнес эрхлэгч, гадаад дотоодын хөрөнгө оруулагчдад нэгдсэн мэдээлэл хүргэсэн, тодорхой асуудлыг хэлэлцэн гарц, гаргалгаа хайсан үр дүнтэй чуулган болж өнгөрлөө.