89 выпуск. Мин көлүөнэм/Мое поколение/ Мэхээс Сэмэнэп т., м.

1989 с. выпускниктара Мэхээс Сэмэнэп, Чыскыырай, Василий Кривошапкин, Эрхаан.
Дьалхааннаах кэмҥэ киһилии сиэри тутуспут, быыһык кэмҥэ киил эттэммит, уустук кэмҥэ төлөннөөх сүрэхтэммит көлүөнэҕэ -- 1989 сыллаахха оскуоланы бүтэрбит дьоһун дьоҥҥо ананар
МИН КӨЛҮӨНЭМ
Олохпор аргыс доҕотторум,
Уолаттарым, кыргыттарым,
Үтүө кэмҥэ күнү көрбүппүт,
Үтүөх кэмҥэ тэҥҥэ үүммүппүт.
Оҕо саас ордугун билбиппит,
Чэчирии сайдан испиппит,
Дьалхааннаах кэмҥэ улааппыппыт,
Быыһык кэм уоҕар кытааппыппыт.
Хос ырыата:
Төһө да улахан уларыйыы
Саамай ыар охсуутун ылларбыт,
Син биир биһиэхэ күндүлэр
Олорон ааспыт сылларбыт.
Биһиэхэ бу үйэ аҥаара
Баар этэ эгэлгэ барыта:
Охтубут дабайан барыыта,
Охсуһан хотторбут сайдыыта.
Үөлээннээх көлүөнэм, мин дьонум -
Быыһык кэм, дьалхаан кэм сорҕото:
Ытаабат, суламмат, кыраммат
Маннык кэм дьоһуннаах оҕото.
Мэхээс СЕРКАН. 09.11.2022. Сунтаар. Добун Уораҕай

[@ТоляЭльгяй]

Эҕэрдэ Мэхээс ! 👍👍👍✊🏻

[@mekheesserkan9855]

Махтал !

[@ЛюдмилаПустолякова]

Олус табыллыбыт ырыа.