حامل تبحث عن جثة زوجها المهشمة❗️كيف اكملت الجامعة بعد عمر الاربعين؟قصة نجاح ندى البصام
HTML-код
- Опубликовано: 14 окт 2024
- ايبك كاست هو البودكاست الاول في عالم النتوورك ماركتنك العربي بقيادة ايبك تيم هو فريقنا التسويقي الاول في العراق على مستوى شركة فريق النخبة للتدريب والتطوير وتعليم التجارة الالكترونية
سنأخذك في رحلة واضحة لتفهم كل جوانب وحقائق التجارة الألكترونية والتسويق الشبكي
وتتعرف على قصص نجاح افراد وقادة ايبك تيم وغيرهم من رواد اعمال على مستوى الوطن العربي
للتواصل معنا : راسلنا عبر صفحة ايبك تيم على الانستكرام
www.instagram....
للتواصل مع د.مينا خان
www.instagram....
للتواصل مع الست ندى البصام
www.instagram....
الله يحفظج الي ويبارك بعمرج وينطيني القوة حتى اسعدج يا حبيبتي♥️♥️
جنت منتظرتها كلش فرحت +امج كلش لطيفه ربي يحفظها❤
دكتورة مينا اني جدا فخور بيج وكأنو انتي اختي او كرايبي وانتي من الاشخاص القلائل الي احب اتابعهم وانتي جدا ناجحة وان شاء الله يجي يوم والتقي بيج+خالتي صوتها ميشبه شكلها مادري ليش هيج حسيت
فدوة كليبي ونور عيني❤❤❤
@@BbbbB-fk9pjفدوووة لعمركم حبايبي
انشاء الله لان امج تستحق كل شي حلو بهالحياة ف يارب ينطيج القوة ❤
هاي الحلقة المفروض يشوفوها الأهل مو احنة الأبناء 😃
احنا هم رح نصير اهل بالمستقبل 🤍
فدوةةةة لعمركم حبايبي
لا احنا حتى انصير اهل واعيين
@@ليلى-م3ز حنكون احسن جيل بتربية الأطفال اني واثقة ♥️.
@@ليلى-م3ز بالضبط
نبدي المحاضرة بالصلاة على النبي صلى الله عليه وآله وسلم ❤
ادعوا بِمعدل ٩٩ لـرقية، لُطفاً .
اللهم صلب على النبي
اللهم صلي على محمد وال محمد
يارب إن شاءالله معدل الهااا
@@Li-tp4jw قلبي
@@الستندىالبصاماللهم صل على محمد وال محمد
تم حفظ الحلقة اخلص سادس واشاهد
ادعولي مأجله 6مواد 😔
ربي يوفقكم حبايبي
@@الستندىالبصام امي حبيبتي ربي يحفظج ❤️
❤الله يسهلج يارب وتجيبين معدل يفرحج
ابن خالي مأجل ثلاث مواد ومو گايل الاهله وهسه خاتل يم خالتي 😂
++++
اني هم 6والله
دائما جنت اكول مينا ورة حياتها قصة
و اليوم عرفت انو مينا وراها ام و اعظم ام بالكون
ربي يحفظكم لبعض
و اتمنى من كل قلبي من ام مينا اذا تشوف تعليقي تدعيلي يالتوفيق و احصل الي اريدة🥹🫂🩷
ربي يوفقكم ويسعدكم وينجحكم وتحققوون كل اهدافكم يااارب حبايبي
الأهل الداعمين نعمة من الله ومحد يحس بهلشي غير الي اهله ضده وهمه سبب تعاسته والحمدلله والشكر على كل حال.
ربي يسعدكم ويهدي اهلكم عليكم ياارب...
رحمه الله من قراء سورة الفاتحة لروح امي زهراء بت عطيه خادمه أبا عبدالله الحُسين تسبقها الصلاة على محمد وآل محمد اللهم صل على محمد وآل محمد الطيبين الطاهرين خلو لايك حتى الكل تشوفه تعليقي
47:51
"لا يكلف الله نفساً الا وسعها"
ما شاء الله عليچ
بعد ماسمعت بود كاست من هاي اللحضه قررت اكرس وقتي لطفالي لن هم المستقبل والطاقه الي عندي اريد اخليه تنتقل الهم لن فعلا الاهل هم الاساس حتى يوصلون اولادهم
سبحان الله القصة نجاح الوالده مقاربة لنجاح والده مينا
امي بسنة 2010 جان عدها 3 اطفال قدمت خارجي سادس ونجحت من الدول الاول بمعدل 64
رادت تقدم جامعة لكن صارت معارضات ومحد قبل وجانت تحتاج لدعم المادي لأن كليات مسائي يحتاج فلوس
بقت 10 سنوات تنتضر وهي بنفسها تكمل جامعة وهواي حاولت تقدم ع وضيفة ع شهادة الإعدادية لكن ماحصلت طول هل مده
وصرنا 5 اطفال عدها اخر طفلة2020 مواليدها وجانت خير علينا
ف ب2021 قدمت ع وضيفة وطلع الها كاتبة بمدرسة بعمر 40 سنه
ب سنة 2022 قدمت ع الجامعة تربية انكليزي مسائي بعمر 41 سنه وسبحان الله صار تقديم هم بي عوائق لكن الآصرار وصلها
حاليا نجحت مرحلة رابعة وان شاء الله تتخرج
واني طالبة سادس علمي من دفعة 21 لهذا اليوم بقيت اعيد واحاول ولحد ما صرت طالبة خارجي فقط ب سنه 24 تركت أنا 21و22و23 جنت ادرس
وحاليا داادرس للتمهيدي لدفعة25 وبعدني ع إصرار اوصل للهدف الي اريده بعون الله وتوفيقه.
أسأل اللَّه ان يوفقج بحق محمد وال محمد انتي إنسانة طموحة ❤
@@محمد-ط4ه1ظ بعد عمري آمين يارب العالمين
نفس ماما هم راحت لطب العدلي علمود تلگى ابويه وهي حامل وبعدها صغيره جانت ان شاء الله اعوضها عن كل شي❤
ربي يعينكم
ست ندى انتِ تستحقين لقب الام العظيمه وبجداره واللي مثلج ما يتكرر احبج هواي واحب الطاقه الحلوه اللي اشعر بيه واني استمع لكلامج ربي يكتبلج الخير والسعاده ويحفظلج الدره الثمينه دكتوره مينا ويحفظلج اخوانها ويفرحج بيهم يارب❤❤❤
فدوةةةة لعمركم حبايبي هذا كلامكم كبيررر وهواية علي اني أقل ام حنية بالعراق والعالم...بلدنه ملياااان امهات راقيااات نعتز بيهن حبايبي...ربي يسعدكم
اريد ابجي ماما بطفولتي مجانت تعتني بية واتسك لان عندها هواية جهال فمن سمعت خالة وهيج شلون حنونة على جهالها تمنيتها امي❤❤❤❤❤❤❤
فدوة لعمركم حبايبي ربي يوفقكم ويسعدكم وينجحكم واعتبريني امكم الثانية..اكيد وربي يحفظ اهلكم حبايبي
@@الستندىالبصام خاله ممكن اسم البرامج اللي ساعدتك بتطوير اللغه الانكليزيه
﴿كان الحسين كُله لله﴾
#مع_الحسين_الى_الله
(كان الحسين كله لله, فأعطوا وجودكم كلهُ لله)
@@Cu5o ومن قال وجودنا لغير الله
ولله الحمد تقربنا بالحسين الى الله
@@ZareZhrae مولانا أنا اقصد الناس أجمع ومن ضمنهم أنا اذا أنت تخلصت من حب الشهوات والدنيا وطهرت قلبك من الاوثان وجعلته بيتاً لله فهنيئاً لكم ادعوا لنا أن نتكامل في حب الله
@@Cu5o أن شاء الله الله يهدينا ويهديكم اعتذر لان فهمت التعليق خطأ
افلح من صل على محمد وال محمد
اللهم صلي على محمد واله محمد وصحبيه اجمعين..
@@الستندىالبصامفدوه لحلكج خاله ربي يحفظج بصلاتج على صحبه محمد
اللهم صل على محمد وآل محمد
صلى الله عليه وسلم ❤
مينا نزليلنه قصتج بالسادس اليوم كُلش محتاجيها امانه😔
صعدو تعليقي حتى تشوفه
حاجيه قصته بقناتها بليوتيوب
@@ايهاحمد-ط5ن لا حاذفتها
الأم القوية والسند نعمة للأولاد 💖
الله يحفظها ويخليها الكم دكتورة مينا
❤❤❤
ياخي شگد لطيفة وطيبة ام مينا الله يحفظها ويحفظلها مينا
12:38
بهاي الدقيقه حسيت مينا 😢أتريد تبجي الله يرحم ابوها ربي يوفقها ويارب ❤
ربي يحفظكم ويرحم غواليكم
وراء كل فتاة طموحه ام عضيمه الله يحفضلج هاي النعمه اتمنه جميع الاهل يتعلمون من ام مينه❤
فدوةةةة لعمركم حبايبي
هذا هو النجاح الحقيقي مثل نجاح مينا مو شكم وحده رقصن وصارو مشاهير وتطلع تحجي قصه نجاحها عفواً قصدها قصه رقصها!؟
هاي الحلقة لازم تكون ترند والكل يشوفها افضل حلقة 🎉🎉🎉🎉🎉🎉🎉🎉
فدوةةةة لعمركم حبايبي
امج تذكرني ب امي الله يرحمها بطيبتها وهدوئها ورقيها واخلاقها بحيث كل مااشوفها يفز قلبي وترجعلي كل ذكرياتي مع امي من جنت يوميا الصبح احضنها واحجيلها احلامي وشنو اريد تضل مبتسمة وتكولي اي ماما ان شاء الله😔💜 الله يحفظها الج يارب ويطول بعمرها انسانة راقية بكل معنى الكلمة ❤❤
فدوة لعمرك حبيبتي ربي يرحم الوالدة ومكانها الجنة ياارب..والف شكر على هذه الكلمات الحلوة...هاي هواية علي...❤
@@الستندىالبصام
عمري ست ندى ويرحم موتاج يارب ياقلبي هذه الكلمات جدا قليلة بحقج جدا عزيزة عليه انتِ واعتبرج بمثابة امي واحب اسمعلج كانما دااسمع الماما انتِ قدوة النا احنا اللي ماعدنا احد نتعلم منه نتعلم منج ومن كلامج الراقي ياراقية ❤️
@@np8mw❤❤❤
شباب خلو الفلوس وسيلة مو غاية لأن الركض وراها يتعبكم خلوها وسيلة للعيش الكريم ومساعدة الناس اللي وصانا الله بيهم(الفقراء والأيتام) ومثل مشفتو كمية الطموح للتعلم بالفيديو مو طبيعية بعمر ٥٠وعدها طموح تتعلم أكثر وأكثر اكو غيرها بشبابه كلشي ميسوي فخلوا الهدف الأساسي هو التعلم
اكيد...رب العالمين ادرى ب عباده الاغنيات منهم والمسلمين والفقراء...
@@الستندىالبصامفدوة خالة ندى والله كلش مشتاقتلج الله ينطيج الصحة والعافية ويحفظج يارب ❤❤❤❤❤
@@الستندىالبصام حبيبتي ست ندى عاشت ايدج على هالتربية+بالتعليق مالتي ما قصدت عائلتكم لكن احجي بصورة عامة وسويت تعديل عليه هسه
@hibahashi❤❤❤m2424
نـزلتهـا للـحلقة حـتى من أگـمل اشوفهـااا
أدعولي مأجلـة گـل المواد 😔🩵
19:02 شكد عظيمه هاي الام الله يحفظها💗
اتمنا اكعد وياها واسولف واتعلم منها اشياء وافضفض الها واحجيلها كلش ☀.
ادللي في يوم اكيد نلتقي...ربي يوفقكم ويسعدكم
@@الستندىالبصام ياعمري شكد لطيفه 💗
ثقافة الام↖️↖️↖️↖️↖️↖️↖️↖️
عبالي ادكولين تفاهه الام 😂
ست ام مينا انطيني شوية من شغفج بس امشي هذي السنة صار سنتين بالسادس 😂 + ست للطرفة هذي الله يحفظج ست الاولادج ويعلي مقامج أن شاء الله ❤
يي وعلي اني هسه مأجلة 6 مواد بسبب الحافز مموجود عندي حتى افتح كتاب وادرس ولهسه ماادري امتحنهن او لا 😅
حبايبي سمعوا قصتي مع دخولي الكلية..وانتوا تتحفزووون للدراسة والعلم والحصول على أعلى المراتب ياارب..وانسوا الماضي والسنين اللي راحت فكروا بالحاضر والمستقبل الحلوو...حبايبي
@@5tiba.3امتحني وانتي كدها وقوية وراح تنجحين ❤
@@NoorNoor-x9t عمرييي اللطيف شكرا 🥺🥺🥺♥♥
ميينه امجج تجنن 😭😭💓
تم مشاهد لحد 23:01 وخلص الريست ارجع اكمل دراسه ♥️🚶🚶🚶
خاله اتمنيتج امي شكد حنينة انتِ 😔❤️🩹.
فدوووة لعمركم حبايبي ربي يوفقكم ويسعدكم
من احلى البودكاست الي شاهدتة ♥️.
ماشاء الله هذا اصراركِ وطموحكِ الله يوفقكم لما يحب ويرضى🤍
❤❤❤
شكد فخورين بيج كعراقيه ❤
سبحان الله الأم هيا كلشي بالحياة
والله العظيم احنه بدون الأم ما نسوه شي ❤
خالة ام مينا
ففـدوة اروحلج ردي عليَّ هنا بالتعليقات
ادعيلي مابقى شي للنتائج
و ﺎنـيہ عدت السادس وهاي السنة الثانية وخايفة ففدوة ادعيلي 😔
فدوووة ادعليكم من كل كلبي ربي يوفقكم ويسعدكم وينجحكم وتحققوون كل اهدافكم يااارب حبايبي ❤
الثقافة تجنن ❤
هواية دروس ونصائح بحلقة وحده
فدوةةةة الشباب الواقعي ربي يسعدكم
شفت بس البدايه ووصلتلي فكره من كلام امج انو تربي تربيه سويه الي اغلبنا ما عشناها ، امي همين تعبت علينا تعب لكن سوء الاب ووسوء اخلاق الاب ضيع تعب الام لسنين طويله وحرصها على نفسيتنا وتحاول تبعدنا من الجو الي مو حلو لكن كل شخص وقدره والظروف الي متوفره والخيارات الي متوفره جدا يحزنني انو انا ضحيه تفريغ مشاعر ابوي السيئه ويه امي وامي تفرغ كدامنا او احنا ننتبهه الها بالنتيجه هل ظروف وضحيه ضياع حرص امي وتعبها ويانا ... بالنهايه تربيت تربيه مو سويه
الله يعينكم حبايبي
كلام والده مينا الله يحفضه يجنن أتمنه لو امي تشوفه لو ابوي لان والله كلامهه اكثر من ذهب
وصل عمري سن البلوغ عبرت سن المراهقه وانه تكونت عباره عن عقد من معانات اهلي
وانه بنفسي أتعافه عن كل المريت بي هسه انه طالبه سادس ٢٠٢٤ قرارت اجل سنه بسبب حالتي نفسيه وضع اهلي المادي أتمنه الله ينزل عليه قوه أتحمل كل راح امر بي اكثر شي خايفه من هو حالتي نفسيه من اكول حاله نفسيه مو كأبه او بعيد عن الناس عصبيه بشكل ومن اشوف الناس اضل ارجف من داخل ومن الأرق الي يمنعني انام من وقت واتمنه انام من وقت وغيرها ابتعدت حتى عن صديقاتي أتمنه الي يشوف تعليقي يدعيلي من كل قلبه أتوافق وطلع معدل عالي سنه الجايه وربي يردلكم الدعاء
حبيبتي الله يوفقج ويسعدج وتطلعين المعدل اللي تحلمين بيه .. خليج قوية لأجل نفسج واسمعيها نصيحة للابد مالج غير نفسج إنتي توكعين وتكومين تتعلمين تبجين وتضحكين أنتي حتبنين لنفسج العالم اللي تحلميه لا تتوقعين شي من احد ..نحب اهلنا بس مو لازم يكونون مثل مانريد المفروض نتقبلهم مثل ما هم .. اتمنالج حياة سعيدة ان شاءالله
@@noora1289 كلامج بنص گلبي +امين رب العالمين
الحمدلله ربي مادلي بقوه اصبر وتحمل رغم وضعي أنطيت نفسي فرصه لان واثقه رب العالمين ما يعوفني وتعبي هو راح ينبني من جديد
اما ع اهلي فالحمدلله متقبلتهم لان هم بناهيه اهلي وانه ملي غيرهم بدنيه كل يوم احاول تعايش ويا وضعي والحمدلله رب العالمين
شكرا كلش هواي ع كلامج الجميل واسئل الله يوفقج ويحفظج بحق محمد وال محمد
وعي وثقافة الأم يعني مااااااااشاااءالله ✨✨✨✨✨
ياعمري خالة شگد لطيفةة ربي يحفظها بحق الحسين عليه السلام ❤✨.
❤❤❤
اني عرفت ورى شخصية مينا اكو فد شي عظيم
عندج ام عظيمة ربي يحفظها واتشوفج بأعلى المراتب
الحلقة للأهل❤
للكل وياارب تفيد الكل حبايبي
@@الستندىالبصام ان شاء الله شكراً على الحلقة والله كلش تأثرت بيها واستمتعت 😔❤❤
@@الستندىالبصام ربي يسعدج ام مينا الغالية كلش استمتعنا واستفادينا والله ❤
حلقة كلش حلوه كلش عاشت ايدج خالتو البرنامج نور بوجودج كلش فرحنه بوجودج وبوجود ملكتنة حرفياً هاذي الحلقة بيه نصائح كلش مهمه وانصح كل اب وام او اي شخص لان مستقبلاً انت راح تكون اب او انتي راح تكونين ام تشاهدين هاذي الحلقة وتاخذون العبرة منهه حرفياً ام شجاعة وطموحة وناجحة واكثر مقولة موجوده واحنه كلنه مارين بيهه الي هيه✨النجاح يخلق من رحم المعاناة✨🤍
❤❤❤
حرفيا طول الحلقة اني مبتسمةةة وعيوني تدمع من الكلام والوعي والتفهم الي عندكم ربي يحفظكم ويبعد عنكم كل مكروة ان شاء الله دكتورتي احبج كلش هوايةة ربي ميحرمنا من ضحكتج الحلوة ونشوفج باعلى اعلى المراتب بالحياة انتي وست ندى احبكم هوايةة .
ست ندى كلش اذكرني بامي اني هم ابويه توفى وعمري ٤ سنين وامي جانت حامل بأختي وعلى مدار هلسنين امي متحملة مسؤوليتنه
فدوةةةة لعمركم حبايبي ربي يسعدكم ويوفقكم
حبيبتي خاله ان شاءالله التقي بيج فد يوم 🫶🏻🥹@@الستندىالبصام
شنو هالجمال والعظمة هاي لعندج خالة
تستاهلين كل شي حصلتيه وكل سعادة دتعيشيها حالياً كله بفضل الله وبفضل جهود د.مينا 🥹🥹♥️♥️♥️
ابدعتي خالة بالبودكاست وبجيتينا 🥹
فدوووة لعمركم حبايبي ربي يوفقكم ويسعدكم وينجحكم وتحققوون كل اهدافكم يااارب حبايبي ❤❤❤
الحمدلله على كل حال
مرات الانسان من كد ماعندة نِعم هواية يضل ميشوفها سبحان الله فمن يشوف مشاكل غيرة وصعوبات غيرة يحس بالنعم الي عندة
❤❤❤
أعتقد كولنه نحب الناس تسمع قصصنه❤❤❤❤
هاي شلون بنيه وشلون ام يخبلون والله وعلي يجننون🥺❤
هنيال مينا ب امها صدك امها تجنن اتمنى امي تصير مثلها😢
❤❤❤
خاله شفتج دا تجاوبين التعليقات وربي انت اول مره شفتج كلش حنونه اتمنى تنطيني من ايجابيج رح اعيد سنه علمود اللي اريده وشكرا على هاي الحلقه الحلوه ❤
من وعيت على نفسي لكيت نفسي اني اوكل نفسي والبس نفسي ومحد يعرف اكلت عطشت درست نجحت لا ام ولااب...مااتذكر شفت حنان من امي وابوي ابد حالياً مدمره نفسيا.مشفت شي جميل من اهلي ابد امي مهتمه بمشاكلها ويه ابوي وابوي محتار بنفسه
ربي يعينج عزيزتي وربي يوفقك ويسعدك وينجحك ويرزقك من حيث لا تحتسبين..انت بطلةةة..اعتني بدراستك ودينك وربي يوفقج وتحققين لنفسك كلشي حلوو ياارب
@@الستندىالبصام معقوله ست انتي جاوبتيني🥲😭🫂يروحي انتي الله يديمج ويطول بعمرج بحق لا اله الا الله.
@@الستندىالبصاممعقوله ست انتي جاوبتيني ربي يوفقج ويطول بعمرج ويحفظلج اطفال بحق لا اله الا الله اشكرج من كل قلبي 🫂❤️
@@الستندىالبصام احلى كلام اسمعه بحياتي 😭😭🫂❤️والج والاطفالج بل مثل واكثر شنو احجي قليل مقابل هذا الدعاء الي يجنن❤️🫂😭
ستقبلو الدكتور محمد قبلان في جامعة الموصل إذا متصير زحمه
ما شاءالله ربي يحفظ الوالدة ويطول بعمرها ويرزقها الصحة والعافية ، انسانة جدًا راقية ومفرداتها غنية ومميزة جيلنا الحالي يفتقد هذا الاسلوب والكلام الدافي والذوق باختيار الكلمات
الف شكر ...هذا الكلام كثير علي...
مينا حرفيا قدوتي
من واني بالثالث متوسط واني متابعته وشاهده على كل نجاحاته وجنت متابعته خطوه بخطوه وجنت اول مشاهدين لكل فيديواته ونصائحه وكلامه عن سادس ولمن طلعت بقناه الرشيد لحد الآن اذكر جنت اتركي وي ماما وكعدت اشاهد فيديو وي ماما وكتله ماما شكد احبهه هاي الانسانه وبعدين تابعته بالانستا وهسه اجيت أتابع حلقه وي ماما واني سادس أجلت سنه بسبب المرض بس ان شاءالله سنه هاي أعوض 🥹
لأنه رفض أن يعيش وهو يسكت في الظلم، خرج هو وأصحابه وأطفاله ليلًا ليخوضوا حربهم الكبرى. هذا هو حسين بن علي
#مع_الحسين_الى_الله
نريد شرحينا شنو طريقة شغلكم شلون نبدي نريد ندخل هذا مجال بس مانعرف مينن ممكن سوين فد فيديو توضحين
حبايبي تواصلوااا مع فريق مينا ...Epic team
من أحب الله رأى كل شيء جميلا
ياحبيبتي خالة ، ماشاء الله ع هالرُقي الله يحفظچ ويطوّل بعمرچ ويحفظلچ اولادچ ويقر عينچ بيهم وتبقين رافعة راسچ بيهم دائمًا … د.مينا صارت مثال لكل بنية طموحة تريد تنجح وتوصل وآني وحدة من هذي البنات الّي تنطيني الإلهام دائمًا ،، اهنّيچ خالة ع تربيتچ واهنّي د.مينا ع الگاعد توصلة 👏،، الله يحفظكم ويسعدكم يارب ❤️
فدوةةةة لعمركم حبايبي ❤
والله العظيم الي عندة هيج اهل وهيج ام خل يومية يلزم رجلهم ويبوسها ويغسلها ارجوكم لتفرطون بيهم النعمة الي انتو بيها مراح تحسون بقيمتها الا اذا فقدتوها
اما نحن الي من الاساس ماعدنا ف الحمدلله على كل حال راح احرص انو اكون ام حنونة وواعية بالمستقبل ومتأكدة راح اشوف العوض من الله سبحانه وتعالى ف لحد ييأس حبايب🤍🥹🥹
الله يحفظلكم امهاتكم واهلكم الي يحبوكم من كل شر يارب
فدوةةةة لعمركم حبايبي وبهاي العقول العظيمة...ربي يسعدكم ويعوضكم الخير كله
ربي يحفظكم البعض طبعا دكتوره ماعبالي امج جنت مصورتها احد اعضاء اليت تيم ❤ودوان النجاح والموفقية
❤❤❤
اتمنى هذا يصير ترند علمود جميع ناس تشوف❤
اني مثل رشا شكد تأثرت من سمعت قصتها مقاربة اني كذالك والدتي حامل بيه ووالدي توفى مشايفته ابد وكذالك نفسيتي تتعب وعاطفية بشكل وازعل و بسرعه يمكن بسبب حالتها النفسية وهي حامل بيه
١٣محرم ١٤٤٦ه
٢٠تموز ٢٠٢٤م
احنه كلنه ولدتنه امي وهي نفسيتها تعبانة
@@ليلى-م3ز الحمدلله على كل حال 🤍
الله يحفظلك الماما دكتورة مينا تعرفين انا ماعندي لا اب لا ام ازوجوا وكملوا حياتهم وانا بقيت يم بيت جدو وفقدت شعور الامومة والابوة واتمنى الله يرزقني الطب العام وافتخر بروحي واخلي اهلي يفتخرون بيه رغم بعدهم وعدم اهتمامهم الي 😊❤
صح كلام ام مينا انو الي شاف صعوبات يوصل للي اباله ❤❤
❤❤❤
فدوة شكد لطيفة❤️❤️
❤❤❤
🥺🥺🥺ياعمررري انتوو الله يحفظكم ويحرسكم ماكوو احلى من نعمه الاهل الداعمين
العظمة الي دنوصلها لح تكسر الدنيا 🔥🔥🔥
خالة ندى انتي مثال للمرأة القوية و المضحية والله يطول بعمرج بحق محمد وآل محمد
الله يحفظكم كلام كبير علي...ربي يسعدكم دنيا واخرة..
الله يحفظهه ويحفظ ماما وكل ام❤❤
خالة ام مينا فدوة شكد احبهة وتابعهة أكثر من مينا ام صبورة دائما احسهة تشبه ماما بكلشي
والله كلامكم ذهب وبي اكثير نصايح للاهل 🌹💚شكرا مينا عالكعدة العائلية🫂🌹
فدوةةةة لعمركم حبايبي
فدوه امها شكد محبوبه ربي يوفقها احبج خاله
دكتوره مينا اتابعهه انه صف ثاني متوسط هسه حالياً سادس علمي بابا توفى صارله 6 اشهر وحل تعبت والحمدالله نجحت من الخامس اعفاء معدل 98 الحمد الله. جنت ابجي ادرس وتعبت الحمدالله . ابوي گالي أريدج صيرن دكتوره تر فعين راسي واسمي أن شاءالله احقق حلم ابوي .هسه تعبت حيل بعد فرق ابي جان خيمه عليه والله تعبت أن شاء الله احقق حلم ابوي 😭💔
ربي يوفقك ويسعدك وينجحك ويرزقك من حيث لا تحتسب ياارب ❤
@@الستندىالبصام شكرا خاله
ماشاء الله مينا محاورة من الطراز الاول الله يحفظك ويبعد عنك كل نفس وحسد وعين بحق محمد وال محمد❤❤
بارك الله بيكم حرفيًا حلقة مُميزة ربي يحفظكم لبعض ومن نجاح لأعلى يارب 💙
دعواتكم لـــِ كرّار امانة ادعولي انجح من السادس علمي ولكم بالمثل ان شاء ﷲ فدوة دعواتكم مستجابة بأذن ﷲ🌟🥺🤲🏻⭐✨💖🙏🏼
اللهم صل وسلم علئ محمد وال محمد عدد ماذكره الذاكرون وغفل عن ذكره الغافلون
اكيد حلقة تخبل لان بيها ست ندى و دكتورة مينا
عندي سؤال شفت ناشرة ايبك تيم مال التلي استثمار هذا خاص بتيم لو للكل لان ماكو توضيح
❤❤❤هذا فريق مينا واي شخص ممكن يقدم للعمل ويصير خير...ربي يوفقكم ويسعدكم وينجحكم وتحققوون كل اهدافكم يااارب حبايبي
بالتوفيق يا رب والله العظيم الوحيده اللي تحفزني ادرس هيه مينا
الله يحفظها الج خاله
ادعولي وياكم د2024
منتضره النتيجه 😢❤
❤❤❤ربي يوفقك ويسعدك وينجحك وتحققين كل طموحاتك...
اللهم صل على محمد وال محمد
ارفع القبعه لامج ضجت وفرحت بنفس وقت لان امج صنعت هيج بنت قويه وضجت لان امي مو مثل امج 💔 امي دائما ضدي بكلشي خصوصا من اتوفى ابويه ومن اني وصغير جنت كلما احجي امي تكلي اسكتي او ميسمعوني يسمعون بس لإخوتي لان همه ولد واني بنيه جنت اتمنى تجني أخت واسولف واحجي ويها وضلت بيه خوفه ابد ما احجي ويه ناس بل مدرسه لحد هسى بل كليه ما اعرف احجي ويه بنات 💔 وحتى اتهرب من سمنار بيه رهاب اجتماعي هلسا ما اعرف احجي ويه ناس
لازم تشجعين نفسج انت اذا ما تلگين احد يساعدچ انت ساعدي نفسچ واي شي تخافين منه واجهي وحاولي دائمًا اكيد راح توصلين لنتيجة ترضيچ بالنهاية ❤
@@طيبة-ح8ز شكرا ،اكيد اني أسعى بس ايدي مربطين مثل منكول فصعب هسى المفروض أتدرب تدريب صيفي مطلوب منا بس اني ميخلوني بس يردون اشتغل بل بيت
@@tony6554 يا بعد اعيوني انا اتفهمچ أكو كثير أهالي هيچ بس انت لاتسكتين وتصيرين ضعيفة حاولي واكيد ربنا راح يساعدچ❤️❤️
شنو هاي خيه لازم تدربين مايصير تبقين بالبيت@@tony6554
حرفيا الابتسامه مدفارقني روعه حلقه جنن وطبعا اول حلقه الي بهل القناه مو مينا ❤وعرفت مينا القمر عليمن طالعه❤ومامه هم حاربت عله الماجستير وامتحنت تنافسي ومن اصل مقعدين عله عراق امي حصلت مقعد بس صارت ظروف ومرض اختي حاله مثل الصرع وهواي شغلات وداومت سنه وتركته مع انو هيه سنتين ان شاء الله تحاول مامه مره ثانيه لانو كل نجاح لاهلي فخر الي وبابه تخرج هلسنه من كليه الهندسه واني سنه ثانيه واجلت سبع دروس ونحاول دور ثاني ان شاء الله ويه اختي امتحنت ٢واجلت ٥وان شاء خير❤😊
مينا صاايره تخبلين شنو سر هل جماال🥺💕💕💕🦋🦋
رحمة الله اكيد
بفضل الله
صلاة الفجر
ادعوالي أثبت على الصلاة بوقتها
@@الستندىالبصام صح
❤❤❤ماشاء الله هي حلوة وعيونكم احلى اكيددد...
كبرت وبطريق العلم والمعرفه مو بطريق الخرابيط
11:45
زوجي أتوفى واني عُمري ١٦ سنة وجنت بوقتها رابع علمي وهسه سادس دور ثاني وعُمري ١٩ وان شاءالله احقق حلمه وادخل مجموعة طبية هوَ چان حلمه انُ اطلع صيدلة مثله علمود اشتغل بصيدليته بس الحمدلله ع كل حال ❤
الله يرحم زوجج
وشدي حيلج ان شاء تحققين حلمج
❤❤❤❤❤
"نسأل الله ألا يُخيِّب لنا دعاء🪻
مُحاضرة ثمينة رجعوني بعد دور الثاني حتى اكتبها وانجبر اعيدها
ماشاء الله عليها الله يحفظها
الواحد يقتدي بيها فعلاً ❤
الله يحفظه ويحفظ كل ام عراقيه ياررب مثابره صابره قويه
فدوة لعمركم حبايبي
@@الستندىالبصام ،❤️❤️❤️🌹
ربي يحفظكم ام مينا الوردة ❤ياريت الأمهات تتعلم الي من يتوفة زوجها ادگول راتبي ونفسي وبس لأن محد يفيدني بها الدنيا وترك الاولاد والبنات ضايعين بالدنيا
الله يحفظج خالتواا حرفيا اتعلمت منج اهواي اشياء ❤❤
ميناا اني هسة اكثر، شي اعاني منا اهلي ضغط حيل علية من ناحية الدراسة اعرف بيهم يردولي الخير وبنفس الوقت مدا الكة الشي الي يسند ويدعم فا تعبانة والله
كل العوائل تضغط ع أبنائهة من ناحية الدراسة فهذا لشي طبيعي
❤❤❤ فدوة الله يعينكم ويرزقكم ويسعدكم وتحققوون كل اهدافكم يااارب حبايبي
والله احلى حلقه
الف رحمة ونور على روح والدك ومكانه الجنة باذن الله❤❤
ربي يرحم غواليكم حبايبي
@@الستندىالبصامخالة شكد انتي تجنين ربي يحفظج ❤
@u❤❤❤ser-px4zf4uc3j
ماشاءالله الله يحفظج ويبارك بعمرج خالة ويخليلج مينا ❤ واخوانها يارب
الله يوفقج ست ندى ماشاءالله شكد هادئة ومحبوبة
ربي يسعدكم ويوفقكم
❤❤❤
أتمنى لو امي مثل امج يا مينا 💔
❤❤❤ياارب تصير افضل مني الف مرة ياارب
ياربي أشكد محبوبة ❤ربي يحفظج خالة واشوفج باعلئ المراتب ❤
فدوةةةة لعمركم حبايبي
وانا بالبصره واعرف كلشي بس احاول ما ادخل المطبخ وكله يحجون اذا ما اشتغلت بالبيت او ما امد ايدي بشغله اوف منهم
ست ندى كلش حبيتج وربي يحفظج ويخليلج اولادج🥹♥️♥️
فدوةةةة لعمركم حبايبي ربي يوفقكم ويسعدكم وينجحكم
@@الستندىالبصامالله خالة فدوة العمرچ اني شون فاهمة شون واعية شون محبوبة ونبي تتخلين هيچ بنص هذا الكلب على كلامچ على اسلوبچ على ثقافتچ على كُلشي بيچ اول شي هنيئًا هنيئًا المينا انو رب العالمين رزقها هيچ ام بطلة حرفيا وشجاعة وهادئة وحبابة وهيچ كل صفات الحلوة جامعتهم اصفن على طريقة كلامچ وكمية الثقافة بلكلام كمية الوعي وربي يحفضچ الهم ان شاء بحق محمد وال محمد ويسعدكم ويخليلچ مينا ويخليچ الهم خيمة وخير سند شكد حبيتچ يربي 🥺🫂.
@@FTONHUSSIN-ix9irفدوووة لعمركم حبايبي ربي يسعدكم ويوفقكم..هذا الكلام هوايةةة علي..
@@الستندىالبصام حبيبتي انتي خالة والله لا قليل بحقچ اصلا انتي هيچ جوهرة 💎 🦋.
@F❤❤❤TONHUSSIN-ix9ir
امي جانت تهتم بيهم بس ما جانت تعلمني النظافه الشخصيه بحكم عدم الزواج وعيب وكمان ما علمتني شنو الشهريه ولا شرحتلي شي
وكمان ما انطتني الشي يلي جنت احتاجها
العفو ... اني ما شفت البودكاست كامل
بس مينا وامه حجو بهيج موضوع يعني الشهرية وما شابه
@@MostafaHameed-v2b ي هسه عمري عشرين وكلشي تعلمت لوحدي
@@آلقآدمآجمل-س8س مع الأسف
طبعاً المفروض اقرب الناس هم الاب والام
وليس اي شخص آخر ولكن كما قال رسول الله صلى الله عليه وآله ( ويل لاولاد اخر الزمان من ابائهم....) عموما اختي الكريمة حاولي هذا الموضوع مو مع اي شخص تتحدثين بي وربي يوفقچ ويستر عليك و يرزقچ ويجيبلك الرجل الصالح المؤمن والحنين والكريم الي يعوضج عن الفات بحق محمد وآل محمد
اللهم صلِ على محمد وآل محمد
@@MostafaHameed-v2b شنو معنى الحديث
شكرا اختي وفقكِ الله ورضا عنكِ ومن الخير والعافية ادامه عليكِ بحق محمد وآل محمد
اللهم صلِّ على محمد وآل محمد
يا رب أنجح واطلع من السادس بحق النبي عليه السلام
حلقه كلش حلو ❤هي الحلقه لازم اهلي يشاهدونو حت يكفون ويه وما يمنعوني من عمل معكم