Это видео недоступно.
Сожалеем об этом.
خطوات عمل إنذار عرض الأجره - إنذار على يد محضر لو المالك رفض إستلام الإيجار
HTML-код
- Опубликовано: 8 ноя 2021
- ازاى تدفع الايجار فى المحكمة ...
لو مالك الشقة مش عايز يستلم منك الاجرة او مش عايز يديلك إيصال إستلام أجره يبقى الحل انك تدفع الاجرة عن طريق انذار عرض أجرة.
اتفرج ع الفيديو هتعرف ازاى تكتب الانذار وتعلنه فى المحضرين بنفسك وهيكون قدام المؤجر اما يستلم الاجرة او المحضر يودعها فى خزنة المحكمة باسمه .
وكده كده هتكون وفيت بالتزامك بدفع الايجار .
بارك الله فيك استاذنا الفاضل و زادك الله علما
الله يبارك فيك وفي علمك ويجازيك كل خير
الله يباركلك أعتقد إن هذا أيضا يجرى مع ورثه المالك حيث أنهم موجودين بنفس العقار
تمام
شكرا جزيلا علي المعلومة ،،، طب لو صاحب العقار توفاه الله و المستأجر. برضو توفاه الله
صيغة الانذار ازاي وانا بقدم الايجار للورثة و انا كمان كوريث للمستأجر
كيف نعمل انذار للسكان كلهم مرة واحدة لاظهار العقود الصحيحة او اثبات علاقة ايجارية
مع العلم لانعرف عنوانهم
اذا الساكن معملش انذار خد الايجار وسكت ونسي الموضوع
وياريت لو حضرتك ترفع صيغة الانذار علي أي موقع وترفع الرابط ،، جزاك الله خيرا
لو سمحت يا استاذنا سوال بعد اذنك هو لو المستأجر باعت انذار عرض أجرة و كاتب اسم حفيد المؤجر بدون أن يذكر ورثه فلان عن ورثه فلان عادي ولا فيها حاجه ولو فيه حاجه ايه هي وشكرا جزيلا لحضرتك
سعاده المستشار
قمت بعمل انذار برفع الاجره عن ٦ شهور مقدم و استلمت انه رفض استلام الاجره من المحضر و بعد ٦ شهور قام المالك بعمل دعوه طرد لعدم سداد الاجار و اتحدد جلسه ماالعمل في هذه الحاله
قدم الانذار فى الجلسة
لو سمحت ازاى اكتب انزار لشخص عليه فلوس ومش راضي يدفعها وشكرآ
ياريت اجابات للاسئلة
اى سؤال
لو المالك ورثة و كل واحد ساكن في مكان مختلف ..وكمان المستأجر ورثة ولا يعيشون ف الشقة حاليا
حضرتك أنا حسبت الأشهر مضاف اليها رسم الإيداع وثبتها بالانذار تمام كده يعنى المبلغ شامل رسم الايداع
لو انا دفعت فى المحكمة وهو رفع قضية بمدة قبلها مثلا انا دفعة 2022 وهو قال انا مستلمتش من اول 2019 وانا مش معايا ايصال فى المدة دى اى الحل
لو انا مطلقه وطليقي خارج البلاد وعندى ولدين عمرهم٢٦ و٢٢ سنه اقدم بصوره بطاقتي ولا اولادي
لو سمحت ف. حاله. وفاه. المالك. صاحب. العقار. الانوار. يكون. باسم. المالك. المتوفي. او. الورثه. رخاء الا. قادة. وشكرا
باسم ورثة المالك فلان وعنهم شخص واحد من ورثته
اذا السكان زعاهم عقود من المالك الاصلي والبيت اشتراه رجل اخر وهما رافضين يعرفوه العقود والمالك الاخير لايملك عقود او صور للسكان ايجارات قديمة وقافلين الشقق ومحدش يعرف مكانهم
مكتب حضرتك فين يا استاذ
لو حضرتك ما اعرفش عنوان مالك العقار
معالي المستشار
والدي الله يرحمه استأجر محل تجاري من شخص توفاه الله والعقد قديم قبل سنة ٩٦ ومفتوح المده فهل العقد ممتد لورثة المستأجر في حق ورثة المالك وكيف ادفع الأجرة؟ بطريق قانوني
جزاك الله خيرا شخصية محترمه وشرح وافي بجد مفيش كده بس لو سمحت عندي سؤال لو والدي متوفي وولدتي مش قادره تروح المحكمه ممكن اعمل الانذار باسمي والمالك متوفي اعمل الانذار باسم زوجته هي اللي بتاخد الايجار ومش راضيه تكتب إيصالات
اولا اشكرك لذوقك
ثانيا لو العقد ممتد ليكى ممكن باسمك باعتبارك من ضمن ورثة والدك او والدتك تعملك توكيل
ثالثا اكيد ممكن زوجته والصيغة تكون ورثة المالك وعنهم زوجته
حضرت ك المحضر دفع عن طريق البريد بس حولي الايجار بالبريد اعمل ايه يافندم
استاذنا ممكن انذار word
هل بعد كل الاجراءات دى...هل المنذر اليه (المالك) من الممكن يتخذ ضدى اجراءات مضادة ؟
بالنسبة للاجرة لا
السلام عليكم عندي واحد مستأجر محل ولم يكتب بيننا عقد. لاني اتفقت معاه ع كده.. لاني ممكن احتاج اامحل ف اي وقت.. وكان الإيجار بخده باليد
بس لميدفع الإيجار بعدها لمده ٣ شهور. وانا مضطر لطرده. العمل ايه+؟ وشكرا
ما الموقف القانوني لعقد إيجار قديم مضى علبه أكثر من ٦٠ عاما ؟
وشكر الله لكم .
سارى لحد ما تتحق حاله من حالات الانتهاء
ماهي حالات انتهاء غقد ايجار المحلات التجارية
لو سمحت يا فندم قلم محضرين منتزة ثالث في محكمة ايه ؟
وجزاكم الله خيرا
المحكمة البحرية ، المنشية
شكرا جدا
عفوا يا فندم
حضرتك مش المحضر بيستلم الانذار من رئيس القلم رسمى أنه استلمه
من فضلك أنا عملت انذار عرض ومالك الشقة ترك مكان إقامته وتم الرد من المحضر بالإجابة اية الحل فى دفع الايجار
أعرف مكانه الجديد وكرر الإنذار
عنوان مكتب حضرتك فين لو سمحت
النموذج ده بملي البيانات بالقلم عادي
ممكن
طب لو عليه خمس شهور ايجار وايجار جديد ينفع يدفع في المحكمه
ينفع طبعا
شرح وافى الله يبارك فى حضرتك. انا بدفع لورثه المالك فى المحكمه كامل الاجره من ايجار ومستحقات اجرة ولاكن حصل موقف غريب جدا، فيه نزاع حالى على ملكيه العقار بين الاخوه وتم اخطار جميع السكان (من شهر فقط) ان العماره متباعه لطرف تالت غير ورثه المالك منذ ١٠ سنين مع العلم ان خلال ال ١٠ سنين دول المالك الجديد ده مظهرش خالص وكان الورثه هما القائمين باداره العقار مع وجود الخلاف على الملكيه مابينهم. المشهد الحالى ان الاخوه منقصمين لطرفين، طرف متواجد معانا فى العقار وقائم باعمال الاداره وتحصيل الاجره و طرف اخر خارج العقار ويزعم الان ان العقار مباع منذ ١٠ سنوات. مع العلم ان الطرف التانى ده بيحصل اجره المحلات المتواجده ف العقار و بعض الشقق خلال ال ١٠ سنين دول. الاستفسار بخصوص الاتى:
١- هل استمر ف عرض الاجره ف المحكمه لصالح الورثه ولا المالك الجديد الغير معروف، مع العلم ان انا لم يتم اخطارى رسميا بشخص المالك الجديد والمعلومه ديه ظهرت خلال منتصف العام الحالى وانا دافع سنه مقدم.
٢- ما هى الضمانات او الاوراق الرسميه التى يجب الحصول عليها سواء حستمر ف الدفع للورثه او المالك الجديد فى ضوء المعلومات السالف ذكرها
استمر فى دفع الاجره عادى إلى أن ينذرك بحواله الحق وبيع العقار
او صدور حكم يفصل فى ملكية العقار ويتم انذارك بذلك
@@ALIBADR متشكر جدا الله يبارك ف حضرتك
كنت عايز اكتب انزار واحد اخذ فلوس ومش عارف اخدها
انذار بالوفاء
حضرتك العماره اللي انا فيها اتباعت لشخص جديد من 6 شهور ولسه وصلنيش انذار بحواله حق والمالك القديم رفض ياخد الايجار من 6 شهور اعمل ايه
عملت اى
طب المالك له شقة في العمارة بس بييجي فيها علي فترات وله سكن تاني أنا معرفش عنوان السكن ده ممكن لما اعرض هييجي مش هيلاقيه وهيقول أنا مش مقيم هنا ايه الحل
أعرض وهيودع الاجرة فى المحكمة
@@ALIBADR شكرا لحضرتك
لو تكرمت انا بعمل انذار علشان ادفع الايجار .. عايز اعرف النظافه كام في الميه ؟؟ علشان المالك بيطالبني بيها بالانذار بس محددهاش
+ انه كاتب في الانذار بيطلب الضرايب + النظافه .. ضرايب ايه؟ مش فاهم
ارجع للعقد يينكم
الشقة الايجار بتاعة ورثة واللى مقيم فيما أحد أبناء المتوفى الاب ماللك الشقة عايز يعمل الايصال بأسم الابن المقيم فى الشقة فهل دة صح قانوناً
ممكن عادى
من فضلك لو المؤجر رفض الاستلام الانذار وانا عايزه اعرف ايه هو سبب الرفض اسأل مين؟
مش مهم كده الاجرة هيتم ايداعها المحكمة لحسابة
طب يا استاذنا الفاضل ، عقد الايجار باسم والدى ينفع انا تروح اعمل الانذار بنفسى ولا لازم والدى
ممكن طبعا
ممكن استشاره
اتفضل
@@ALIBADR انا مأجر شقه ٥٩ سنه صاحب البيت اتوفي الشقه طلعت ميراث زوجه ثانيه كانت بتيجي تاخد الايجار فتره وبعدين توفت اصبح اولادها هما الورثه كانو بيجي واحد منهم
يخد الايجار لحد شهر ٢ الي فات وبعدين
امتنع عن اخذ الايجار انا من بنها وهما من القاهره
ينفع اعمل ايداع للايجار في محكمة بنها علشان اثبت حس نيتي
وله لزمن اعرف عنوانهم واعمل طلب عرض اجره
لازم بانذار عرض على عنوانهم
وممكن تدفع سنة او اتنين مقدما
@@ALIBADR ينفع احط المبلغ في محكمة بنها واكتب عنوانهم في القاهره والمحكمه هي الي توصلو لعنونهم
وله لزمن برضه المحكمه الي تخص عنوانهم
طيب ولو جالى أنا المستأجر من المالك انذار طلب الأجرة مع العلم أنه هو اللى كان رافض يستلم الأجرة
وانا روحت ادفع فى المحكمة
برضة ادفع طبقا لعنوان سكن المالك
رد بانذار عرض على سكنه أو على العنوان اللى فى الانذار اللى جالك
@@ALIBADR
الف شكر لحضرتك
لو سمحت ي فندم
انا معملتش ليا نسخه من انذار
و موظف إلى كان هناك اخذ كل الانذارات و كتب على وصل الى هو عباره عن 1.5
فى ظهر ورقه مبلغ و رقم انا مش عارفه هو عباره عن ايه وقال تعالى بعد شهر
ف هل كده لما اروح مش هقدر أخذ وصل الايجار ؟
بعد شهر هترجعى تستلمي اصل الانذار وهيكون معاكى وده بمثابة الايصال
طب انا روحت حطيت الفلوس والبيت لية ورثة بس محدش أخبرني بذالك رسمي مين هيبقي مسؤول عن الدور ف انا دفعت باسم الام علي اعتبار هي المنوبة عنهم وهي ساكنه ف مكان بعيد معرفش عنوانو انا بعت علي البيت الي ف أبنائها وقت ما المحضر جة محدش كان موجود عاوز اعرف موقفي اي دلوقتي وهل ف مصاريف إيداع بتتدفع للمحكمة لو فضل المالك يرفض الفلوس
طالما كتبت فى الانذار ورثة فلان وعنهم فلان كده تمام
ولو المحضر راح ملقاش حد هيحط الايجار فى خزنه المحكمة وطبعا مصاريف الايداع بتدفع وانت بتعمل الانذار المهم تكتب فيه بمصاريف ايداع على عاتق المنذر
وبعد ١٠ ايام ترجع تاخد انذارك م المحضرين وده دليل سدادك الايجار
@@ALIBADRازاي اعرف ان المستأجر عرض الأجرة مع مصاريف الايداع أو بدون مصاريف الايداع وتسلم يا مستشارنا
من فضلك انا بدفع الايجار في محكمة المحله الكبرى لان المالك كان ساكن معانا في نفس العقار بس دلوقتي المالك انتقل الي القاهره و بلغنا بتغيير محل اقامته الجديد . الصح ادفع الايجار فين بالظبط و شكرا مقدما
بانذار عرض على محل إقامته الجديد
@@ALIBADR شكرا جزيلا
لو سمحت عملت انذار بالعرض وانا الزوجة والعقد باسم زوجي المتوفي استلم المبلغ وكتب ف الانذار اننا غير ذى صفة ويحتفظ بحقه القانوني ضدنا عايزة اعرف ممكن يعمل ايه العقد 59سنة
طالما استلم يبقى تمام
وخدى بالك بعد كده الانذار يكون باسمك وبصفتك أحد ورثة المرحوم زوجك
كده انتى على وضعك 💪
@@ALIBADR يعني مدام استلم يبقي مش ناوى مشاكل ؟
وعملته فعلا بصفتي الزوجة وابنه والايصالات كانت باسم الورثة ليها 16سنة
يعمل اللى يعمله ولا يهمك منه المهم التزمى بالاجره
@@ALIBADR شكرا لحضرتك
تحت امرك
اجرت محل بدون كتابهعقد وبدون إيصال وقد وافق المستأجر لعلمه بأني احتاج الى المحل ف اي وقت. اخدت منه شهرين.. باليد وبعدها مدفعش إيجار لمده ٣ شهور.. وكذلك الكهربا.. وأعتقد أنه علم اننا سنتصرف ف المحل. ازاي اطرده. بدون محاكم.. (مفيش عقد ولاايصالات دفغ). ارجو الرد. لاني محتاج المحل.. وشكرا
دعوى طرد ويسبقها انذار باخلاء العين لانتهاء العقد
من فضلك يا فندم لو المالك او اسرته انكروا نفسهم وقالو للمحضر مافيش حد هنا بالاسم ده
اعمل اعلان بالارشاد
او شكوى فى المحضر
ازي الإعلان بالارشاد بيتعمل
@@ALIBADR ازي اعمل الإعلان بالارشاد
تنزلي مع المحضر وتوديه مكان المنذر اليه وترشديه عنه ...
من فضلك مالك العقار توفى منذ ٢٥ سنه وكان ينوب ابنه عن جميع الورثه فى تحصيل الايجار ومنذ شهرين توفى الابن الذى ينوب عن الورثه ولم يقوموا باعلاننا من منهم الذى سوف يحصل الايجار ولا نعلم بقيه الورثه لوفاه عدد منهم فهل نستطيع عمل ا نذار بعرض الاجره باسم الورثه ورثه فلان واسم من كان ينوب عنهم فى تحصيل الايجار على عنوانه لانه الوحيد الذي نعلم عنوانه
وشكرا جزيلا
باسم ورثة الممؤجر الاصلى وعنهم احد الابناء
شكرا جزيلا
عفوا تحت امرك
يا معالي المستشار بشكر حضرتك علي الشرح الوافي ده و ربنا يبارك لحضرتك
من فضلك انا ممتد لي العقد من والدي
و وريث ملاك العقار كان بيستلم الأجرة عادي و بيوقع علي إيصال الأجرة أمامي
و بخط يده سنة بسنة إلى أن توفت والدتي فرفض يستلم الأجرة فدفعت في المحكمة بس الإنذار عملته باسمه
و لم أذكر في الإنذار عبارة ورثة فلان الفلاني يعني ورثة المالك لم أذكر ذلك في الإنذار فهل في مشكلة كده و لا عادي؟؟!
مع جزيل الشكر لحضرتك
لا مفيش مشكله بس ابقى اكتبها بعد كده
@@ALIBADR شكرا لسيادتكم جزيل الشكر على الاهتمام و الرد جزاكم الله خير
كده انا هذكر عبارة ورثة المؤجر أو المالك يعني و ده اللي هو اسمه مكتوب في العقد طرف أول مؤجر ( والدة الوريث اللي كنت بدفع له) هي دي اللي والدي أجر منها الشقة و اسمها على العقد كمؤجر تمام؟
مع العلم ان ابو الوريث ده و زوج المؤجرة هو اللب بني العقار و كل حاجة كانت باسمه لكن العبرة ب اسم المالك اللي في العقد و هو اسم والدة الوريث أمه اللي بردوا توفت
و بكده نكتب ورثة المرحومة فلانة اللي اسمها ع العقد و والدي استأجر منها تمام؟
ورثة المؤجر(اللى اسمه فى العقد) وعنهم وتكتب الاسم اللى هتبعنله
هل لو تم الايداع في الخزينة ممكن استردهم مرة ثانية؟
لنفترض إن العقار مملوك لورثة اثنين من الملاك لنفترض ورثة المرحوم فلان ١ وورثة المرحوم فلان ٢. ورثة المرحوم فلان ١ موجدين معى فى العقار. ورثة المرحوم فلان ٢ تركوا السكن وغير معلوم مكان سكنهم. والمرحومين كانوا ملاك على الشيوع. هل يكفي ذكر أحد ورثة المرحوم رقم ١ لينوب عنهم في استلام الأجرة. ؟
سؤال في غاية الاهمية و دي الحالة بتاعتي بالضبط و اتمني الاستاذ يجاوب
يا ريت الأستاذ يتفضل بالإجابة
انا كنت بدفع لوريث ملاك العقار و هو ابنهم احد الورثة و كان بيوقع على إيصال الأجرة بخط يده أمامي و لكن بعد كده رفض يستلم الأجرة
فهل اعمل الإنذار باسم الوريث ده اللي كان بيستلم مني و لا باسم ورثة المرحوم / فلان الفلاني مالك العقار؟؟!
عرفت اجابه على سؤالك@@amrohassan8681
أنا كنت بكتب ١ورثة المرحوم فلان ١ وينوب عنهم السيد (لنفترض إن إسمه ) احمد محمد
٢ورثة المرحوم فلان ٢ وينوب عنهم السيد ( لنفترض إن إسمه) محمود حسين حسان.. ورثة المرحوم فلان ٢ تركوا السكن وغير معلوم مقر سكنهم الحالى.. فهل يجوز كتابة انذرت ورثة فلان ورثةالمرحوم ٢ وورثة المرحوم فلان ١
وينوب عنهم. احمد محمد ( أللى هو كبير ورثة المرحوم فلان ١) وفى حالة استلام الأجرة لاى من ورثة المرحومين فإن هذا يعتبر إبراء لذمة المستاجر. .
ايوه انا عندى نفس المشكله دفعت بأسمى واحنا ٤ اخوات وماما فانا عنهم وبالنسبه عن ورثه صاحب العقار عنهم اسم أحد الأبناء وهو الموجود بالعقار بالفعل فهو عن باقى الورثه هل ده صح
اه ينفع
تمام كده
ياسياده المستشار شكرا جزيلا لمجهود حضراتكم ...انا عملت الانذار واستلمته بعد عشره ايام كما قلت وعند مراجعه هذا الانذار عند وصولى للمنزل لم اجد الايصال الاحمر الخاص بتوريد النقود فى خزينه المحكمه بالرغم من وجود محضر الايداع من ضمن الاوراق التى استلمتها مدون به المبلغ كامل وكذلك مبلغ رسم الايداع كل هذا موجود فى محضر الايداع فلو فقد الايصال الاحمر الخاص بتوريد النقود لخزنه المحكمه مع وجود محضر الايداع ومدون فيه المبلغين مبلغ الايجار كامل مع الملحقات وكذلك رسوم الايداع فى الخزنه هل هذا يمثل خطوره على ام محضر الايداع يكفى مدام مدون فيه المبالغ ...ولو وجود الايصال مهم ماذا افعل لو فقد ...ولسيادتكم جزيل الشكر
طيب انا المالك رفع عليا دعوى طرد من غير ما اعرف لانه كان بقى له ٩ شهور بياخد مني الاجرة من غير ما اخد اي ايصالات ،ولما عرفت كده دفعت ف المحكمة تاني ومع ذلك القاضي حكم بالفسخ لان الايجار سنة ٢٠٠٠ فيعتبر جديد،فيعتبر كده برضو انا تاخرت ف السداد ، وبسبب الشرط الصريح الفاسح الي بيقول (فسخ العقد لو تاخر ٣ شهور بعد انظاره كتابيا ) بس صاحب البيت تعمد ان ما يجيليش اي انظارات، وجبت ورقة من البريد تثبت اني ما جاليش انظارات ولا حتى استلمتها الورقة مكتوب فيها (لم يستلم و اعيد مرتدا ل الراسل ) فهل ده ممكن يلغي حكم الفسخ مع شهادة الشهود انو كان بياخد مني الايجار من غير ايصالات ؟
و ياريت لو رقم حضرتك ضروري
ممكن طبعا
استأنف الحكم
عندي ساكن بيدفع الايجار في المحكمه وبيبعتهولي علي عنواني 600 جنيه وبيدفع شهرين في اخر الشهرين يعني لو عليه شهر 1 وشهر 2 مثلا بيدفع 1200 جنيه يوم 2/25 والايجار بيتاخر عشان يوصلني قوي يعني انا مستلمتش شهر 3و4 حتي الان فهل يحق لي شكوه هذا المستاجر مع العلم ان الانذار بيوصل محكمه سوهاج قادم من محكمه الجيزه ومحكمه سوهاج مش بيبقي فيها فلوس ساعات فيرجع الانذار تاني الجيزه والمستاجر بيعيد ارساله من جديد وهكذا حتي يصادف وجود فلوس في محكمه سوهاج ييجيني المحضر
مكتوب في العقد اذا تاخر لمده شهرين فللمالك الحق.... الخ
فهمت من كلام حضرتك ان المستاجر مش معاه اي دليل انه دفع حتي يعود اليه الانذار
العبره بتاريخ الانذار ده اولا ثانيا ارجع للعقد لو فى بند فسخ فى حاله تاخير الايجار ثالثا بقى ظبط مع المحضر وخليه يتصل بيك اول ما يجيله الانذار علشان تستلمه وما يتودعش خزنه المحكمة
العبره بتاريخ تقديم الانذار
مظبوط
السلام عليكم
لو سمحت كنت عاوز استفسر عن حاجه
انا مأجر محل من سنه وعقد الايجار باسمى و معايا صحه توقيع للعقد
ولظروف شغلى لانى شغال موظف اخويا كان واقف فى هذا المحل
ولما طلبت من اخويا انه يطلع من المحل علشان عوزة رفض انه يطلع من المحل فما هو الإجراء القانونى التى اتخذه علشان استرد المحل منه
ارجو الافاده وشكرا
اعمله محضر غصب حيازة
@@ALIBADR وبعد ما اعمل محضر غصب وحيازة ايه اللى يتم هستلم المحل على طول
النيابة تقرر انك تستلم المحل بعد ماتجيب شهود ويتمسك ويتعرض ع النيابة
@@ALIBADR الاجرات ده لازم يكون في محامى علشان يتابع القضيه
افضل طبعا يبقى معاك محامى
يا سعاده المستشار فوجئت هذا الشهر (ابريل)٢٠٢٣ بطلب صاحب المنزل بزيادة قدرها عشرة جنيهات مع إن القيمة الإيجارية قيمتها سبعون جنبها لتصبح ثمانون جنيها فهل يوجد قانون بزيادة القيمة الإيجارية وشكرا لسيادتكم
للسكن مفيش
@@ALIBADR شكرا لذوقك واهتمام حضرتك ربنا يبارك فى عمرك ومتعك بالصحة والعافية
@@ALIBADRطب للمحلات حضرتك أنا اجرتي ٣٢ للمحل ومدفعتش من شهر ٤ لوفاة المالك والمفروض ادفع من شهر ٤ كام لو سمحت
محتاجة رقم حضرتك ضروري الله يبارك لك
جزاك الله خيرا طيب زوجى راح عشان يدفع الايجار فى المحكمة قالوله المصاريف الإدارية للانذار الف جنيه مع العلم بأن الايجار 400ج فقط فماذا نفعل
لا طبعا مفيش الكلام ده
@@ALIBADR طب يعنى هى تقريبا كام المصاريف اللى حضرتك قلت عليها فى الفيديو الرسوم اللى فى الوصل فى حدود كام بالظبط