ექსკლუზივი - რას პასუხობს ლუკა კურტანიძე მასთან დაპირისპირებულ სპორტსმენებს

ჭიდაობის ფედერაციაში დაპირისპირება მწვავდება. კაბინეტის კარის აჭედვის შემდეგ, მოჭიდავეებმა ფედერაციის პრეზიდენტს ამჯერად კვერცხები ესროლეს, მოეწყო სირცხვილის დერეფანიც. სპორტსმენები პოზიციას არ ცვლიან და კურტანიძის სასწრაფოდ გადაყენებას ითხოვენ. ანალოგიური მოთხოვნა ისმოდა სპორტის სამინისტროში მიმდინარე პრეზიდიუმის სხდომაზეც, სადაც ფედერაციის პრეზიდენტს, სამწვრთნელო შტაბებში დაგეგმილ ცვლილებებზე უნდა ემსჯელა. გადაწყდა, რომ კონფლიქტის გასანეიტრალებლად ჭიდაობის ფედერაციაში სამეთვალყურეო საბჭო შეიქმნება, რომელიც მოჭიდავეთა პრეტენზიებს შეისწავლის. ამ გადაწყვეტილების მიუხედავად, სპორტსმენები ისევ პერმანენტული აქციებით იმუქრებიან.
ოთარ გიორგაძე აშუქებდა სპორტის სამინისტროს შიგნით და გარეთ მიმდინარე პროცესებს.