Tojikiston 2022 | sayohatdan lavhalar (musiqa Nobovar Chanorov)

- Sayohat men va yaqin do’stlarim uchun hayotimizning ajralmas bir qismiga aylangan. Ajoyib hayotiy tajriba, go’zal tabiat manzaralari va yangicha madaniyat bilan tanishish uchun uzoq davlatlarga borish shart emas - o’zimizning qo’shni va shu bilan birga biz uchun qardosh bo’lgan davlatlarda ham bunday narsalarga guvoh bo’lish mumkin. Tojikistonga qilgan birinchi safarim davomida shunga amin bo’ldimki, tojik xalqi bilan farqlarimizdan ko’ra o’xshash tomonlarimiz benihoya ko’proq ekan; buni tojik xalqi xuddi o’zbek xalqi kabi juda ochiqko’ngil va mehmondo’st ekanligi va qolaversa madaniyatimiz va tariximiz bir-biri bilan chambarchas bog’liqligidan ham osongina bilib olish mumkin ekan.