Andrew Azzopardi on RTK103 | 6 ta' April 2024

Intervista ma’ eks priġunier li jemmen li aħjar il-ħabs milli barra
"Andrew Azzopardi on RTK103" se jiġi intervistat eks priġunier fil-Faċilità Korrettiva ta’ Kordin.
Barra minn hekk se jiġu diskussi temi oħra fosthom:
Il-poplu Malti egoist li jara biss l-interessi tiegħu? Dan il-poplu ffissat fl-identità nazzjonali mbagħad ma jagħtix kas x’jiġri barra mill-għatba tiegħu? Dan pajjiż iffissat fuqu nnifsu imma mhux fuq dak li jagħmel? L-attwalità politka u soċjali diskussa max-xandara Peppi Azzopardi, Jon Mallia u Karl Bonaci, b’intervent mill-istoriku Dr Charles Xuereb, l-opinjonista Christine Amaira u l-ġurnalista Claudia Calleja.
Il-Belt Kapitali kif nistgħu nżommuha ħajja imma fl-istess ħin ma naħsdulhiex ħajjitha? Intervista mas-Sindku tal-Belt Valletta Alfred Zammit
Il-kriminalità kif timpatta lill-vittma? Għal min jiżbalja aktar minn darba hemm ħniena? Jiddiskutu l-Ispettur Sylvana Gafà u l-Psikologa Forensika Yanika Tabone mill-Fondazzjoni RISE.
Il-kaċċaturi qed jiġu bbuljati? Intervista mal-attivista Cami Appelgren b’interventi ta’ Mark Sultana mill-BirdLife Malta u Gerald Vella mill-FKNK.