И родовиот идентитет е важен!

Денес го одбележуваме денот на видливоста на трансродовите луѓе, кога глобално се прославува трансродовото постоењето и борба. Сепак, кај нас, тешко е да се зборува за видливост, кога трансродовите личности се најчесто невидливи, отфрлени и дискриминирани од најблиската околина, во образовниот процес, здравствените, правните и останатите институции. Тешко е да се зборува за видливост кога не е безбедно да излезеш пред камера и да раскажеш за својата реалност, во свое име. Секоја трансродова личност во себе носи приказни кои вреди да се слушнат и има лице кое вреди да се види. Во свое време.
Овој 31 март, слушнете ги приказните на трансродовите луѓе и придружете се во борбата за видливост.
Видеото е во соработка со ТрансФорма - иницијатива за правата на трансродовите лица и Stonewall од Велика Британија.
Продукција на Медуза
Камера: Жарко Чулиќ
Скопје 2021