Old Geet - Manzar Bhopali - Gandhi ji Se Khitab

Manzar Bhopali
Very Old Geet.
Gandhi ji Se Khitab
Gandhi ji ab deikh lo aakar apna Hindostan
Kaise kaise aapke cheile, ho gaey be'eiman
Ab to ulta paath padhaein aapke teenon bandar
jhoot hi bolo, jhoot hi deikho, nacho jhoot ko sunkar
Makkari hai, ayyari hai, iss yug ki pahchan
Gandhi ji ab deikh lo aakar apna Hindostan
Donon haath se loot rahe hain, khaki wardi waale
Aurat, rishwat, daroo, satta, unke dhande kaale
Deikh ke inke kartuton ko kaanp raha Shaitan
Gandhi ji ab deikh lo aakar apna Hindostan
Bharat maan ki beiti ho gai, dekh lo ab Angrezan
Choolha, chauka, mamta, pooja, bhool gai ghar aangan
Dabbe waale doodh se palein, ab maaein santan
Gandhi ji ab deikh lo aakar apna Hindostan
Kal tak jo nange they Manzar* aaj bhi hain woh nange
Par daulat mein khel rahe hain, gunde aur bhik mange
Sansad mein ja pahonchi deikho, Phoolan badi mahan
Gandhi ji ab deikh lo aakar apna Hindostan

[@ShayarikhooneJigar]

waaaaahhhhhhh