Pa Gjurme-‘Djalin e kam të humbur, nusja më thotë është në Greqi’/Nëna: Ajo iku me tjetrin, im bir…

#odetadume #pagjurme #ReportTvLajme
Sokol Tufa, 45-vjeçari nga Nikla rezulton i humbur për familjarët që prej nëntorit të vitit 2004.
45-vjeccari nga Nikla ishte babai i një vajze 18 muajshe, kur u zhduk në drejtim të paditur pasi doli nga një biznesi privat mobilerie ku punonte prej kohësh. Nënës së tij Kimete i komunikoi se po shkonte për në punë, por që prej 29 nëntorit të vitit 2004, nuk është bërë më i gjallë. Të shqetësuar familjarët iu drejtuan pronarit të biznesit, ku Sokoli punonte duke pyetur mbi atë se çfarë mund të kishte ndodhur ditën që ai u zhduk.
Familjarët asokohe mësuan se Sokoli se datën e 29 Nëntorit kishte dalë për të pirë një kafe, i vetëm, por nuk ishte kthyer më në vendin e punës.
Shqetësimet dhe problemet e vazhdueshme në jetën e 45-vjecarit kishin nisur që në vogëli, kur pati pësuar një aksident në këmbë e më pas kishte humbur njërën dorë në një tjetër aksident në punë. Më herët kishte emigruar drejt Greqisë, por pasi ishte kthyer kishte vendosur të krijonte familje në Nikël, aty ku dhe banojnë sot nëna, vëllai, motra dhe vajzën që e la foshnjë.
Pas Sokoli humbi gjurmët, bashkëshortja e tij u martua me një shtetas serb, aty ku jeton ende dhe sot. Vajza qëndroi me nënën në Serbi deri në moshën 13-vjecare dhe sot jeton në Nikel me gjyshen nga babai. Ishte shumë e vogël në kohën kur i ati u zhduk, ndërsa e ka mundur ta njohë imazhin e tij vetëm në foto edhe përmes kujtimeve të familjarëve.
Ende pas 20 vitesh familjarët nuk kanë një informacion se çfarë ka ndodhur me fatin e 45-vjeçarit, Sokol Tufa.
Emisionin "Pa gjurmë" me moderatore Odeta Dume mund ta ndiqni nga e hëna në të premte në orën 16:00 në ekranin e Report Tv