Choinom - Ehner

Subscribe хийж дэмжинэ үү...
Р.Чойном - Эхнэр
Сар шинийн өглөө айлын бүсгүй
Шар дурдан бүсээ алдалж байгаад ороов
Шанх тавьсан үсээ илбэж байгаад тольдов
Шавхийсэн нуруугаа хотойж байгаад эргэв
Дөрвөн босоо нугалаастай хүрэн торгон дээлийн
Дөлөлзөхөөр нь үзэгдэх аржгар хурган дотор
Хажуу талдаа товчтой шөвгөрдүүхэн хром
Хазгайдуухан тавьсан хар минжин малгай
Өндөрдүүхэн нуруунд нь зохино гэдэг нь ванлий
Өчигдөрхөн энэ хүн ямаршуухан байлаа
Өрх гэрийн дотрох нэргүй нэгэн зарцаас
Өнөөх харцуултай чацуухан иргэн болоод гарав
Зочилж ирсэн айлдаа дуу шуутай угтуулж
Зоог өрсөн ширээнээ суу суу гэж уриуллаа
Ихэнх өдрийг дуусан эр хүнээс дутсангүй
Инээж наргив гэнэ. Хундага өргөв гэнэ
Эр нөхрийн хаанчлалт нэгэн хэмийн тэврэлт
Энгэр хормой нь салбарсан тостой дан тэрлэг
Эрх нь дэндсэн хүүхдүүдтэйгээ хашхичиж байдаг хэрүүл
Өргөөд даагдаж өгдөггүй усны том хувин
Өчнөөн шүүрдээд хэвээрээ хог шороотой шал
Өдөржин дуусдаггүй ажил өнөөх хөө тортог
Ард нь холоо хоцорч нуруу нь тэнийх шиг болж
Ахиад тийшээ очихгүй эрх олсон шиг санав
Наран тонгойх үед айлын бүсгүй харив
Нарийн ширийн гоёлоо авдарт эвхэж хийв
Хүрэн торгоны оронд халтар тэрлэг нөмөрч
Хүйтэн хар зуухны аман дээр нь бөртөгнөв
Даарч зутарсан багачуул нь уйлан шуугьж бүслэн
Далан задгай ажил гэрт гадаагүй угтан
Даян дээрхийн өндрөөс далайн ёроолд унав
Дараах цагаан сар хүртэл 365 хоног.

[@enkhbaatarmunkhtur1680]

Eej hun iimel baidag nuugad yhvee uilagnav

[@BayDay866]

❤

[@enkhtuyajambaldorj1395]

Choinondoo bayarlalaa

[@Хишгээньбайна]

Ая нь ямар нэртнй ая вэ

[@mikejoneset745]

Good

[@shuuriintuya288]

Hen unshsan be

[@bekbek5321]

Монгол кино 2220

[@bekbek5321]

Монгол кино 2220оны