Aapo Ilves - Koh kuradi kotsil ma elä

CD Uma Kavvõr
Kavvõr: Aapo Ilves.
Originaal „Kus kuradi kohas ma elan…“ muusiga Paul Neitsov, sõna’ Aapo Ilves.
Egä päävägä inämb ja inämb
üts küsümüs kumisõs pääh.
Mis kuradi kotsil ma elä
ja mille mul taah olõ-õi hää?
Ku hingi päält satas är värät
ja nõnna lüü läpänü luht,
kas nõrgõmba kolisse ärä
vai olõ-õi nõrga' nä joht?
Om niimuudu trehvänü kuigi,
et esäde avvul om ots...
Kurb om sjoo laul,
olõ-i trüüsti taah seeh.
Koh kuradi kotsil ma elä
ja midä ma edesi tii?
Ku joogis om vällämaa mõdo
ja tsimmanil import om laul,
peät sõdima võõridõ sõtu
ja võõridõ katõt om laud.
Ku au sisse nõsõsõ suli',
sõs midä sa, ausakõ, tiit,
ku ütehkuuh tõisiga tullit,
a saisma jäit võlss poolõ tiid.
Om niimuudu trehvänü kuigi,
et häonu om imädõ huul...
Kurb om sjoo laul,
olõ-i trüüsti taah seeh.
Koh kuradi kotsil ma elä
ja midä ma edesi tii?
Kas avitas vikat vai rihä
vai kuuliprits, tiiä-õi ma.
Sa ummõtõ elät ja elät
ja ummõtõ eletü saat.
Om kuigina trehvanu, inämb
sa vakka joht olla ei saa!
Kurb om sjoo laul,
a no trüüsti om seeh.
Tan kuradi kotsil ma elä
ja kül ma ta kõrda viil tii!