سروده ی جناب مولوی کورد عارف و شاعر اهل سنت در منقبت حضرت یادگار
HTML-код
- Опубликовано: 18 окт 2024
- ✍ سروده ی مولوی کورد عارف و شاعر نامی اهل سنت در توصیف حضرت بابایادگار نوه ی پیر میکائیل دودانی :
🔹سەرشار"صەهبای"بەزم موناجات
مەلجەی ئیلتیجای ئەرباب حاجات
🔹جای ڕجای جەرگەی پادشا و دەروێش
بارەگا و پەنا ، پەی بێگانە و خوێش
🔹ئاهووی خوتەنی فەیز ئیلاهی
نافەی ناف ڕاهی جە مەه تا ماهی
🔹شکۆفەی وەش بۆی ڕەیحانەی ڕەسوول
نەو باوەی نەمام "طەییبە"ی "بەتوول"
🔹سەروی سایەدار نیشاندەی وەلی
یەعنی یادگار "مورتەزا عەلی"
🔹وە"ڕەوضه"تانا هەر نوور واران بۆ
تا دەفع زوڵمەت دیدەی یاران بۆ
🔹هەوای سایەتان هەر مەمدوود مانۆ
سەبوون بەردەی جورم نەک زەرەر سانۆ
🔹نا پوختە کاری و شەرمەساری من
خەجڵەت غەفڵەت گوناە کاری من
🔹کەفتەن وە هەمدا یەند زۆر ئاوەردەن
رووی ڕجام وە پای بارە گات کەردەن
🔹تۆ چون جە ئەولاد ئەمجاد مەولای
پەی ڕجا وە جا ، پەی هیممەت ئەولای
🔹زاری و زگاری و زوێری کەردم
وە بارگای پاکت پەنا ئاوەردم
🔹ئامام سەر نیام وە بارە گاوە
غەریو ، موو سفید وە ڕووی سیاوە
🔹تەن مەعسیەت بار ،دەروون پڕ جە دەرد
دیدە تەڕ ، لەب خوشک ، دڵ گەرم ، نەفەس سەرد
🔹های چەند پلەی سەخت ها نە رێمەدا
جە ڕووی ئیلتیفات بدیە پێمەدا
🔹بەڵکم جە ڕووی ئەو ئیلتیفاتەوە
مەولام حازر بۆ وە نەجا تە وە
🔹دەس شای مەردان مەدەدکارم بۆ
پللە ئەو پللە ئەو دەس وارم بۆ
🔹مەعسیەت نییەن چون هیچ سەدمەتێ
خەیلێ مەلوولم ، یا پیر هیممەتێ
🔹هیممەتت باعیس ڕستگاری بۆ
یار بۆ ، دیار بۆ ، یادگاری بۆ
مامۆسا #مەولەوی