Aio te rongo2 teuana ae karakinna temanna au friend nakoiu tao tebwi tabun te ririki n nako. Kanga rongo2n te tangira me kamimi arona! Ia katoka ikai bwa tia kakibotura iai ma ngkana iai ae ataa raoi riki rongo2na ea manga ibuobuoki riki iai. Uara? Tia waaki... Iai taanga n ataei aika a bon tibwa iein ao temanna nasia te mmwane ae uarereke tao 5 nakon 6 te ririki. A maeka te taanga aei i Bonriki ma i aki ataa raoi aia tabo. A bon maeka n ana tabo teuare te mmwane ao akea te mmwane aei be mwakuri i tinaniku bwa te kaimoa. E a maan tikuna i tinaniku ao iaoni kawaina n oki. E bane te kakatauraoi irouia ana karo ma ana utu te mmwane aio bwa tataningan okina ao ana amwarake ni butimwaia ni kukurei! Me karina n reke te kanga2 bwa ngke roko te mmwane aio i Nadi i Fiji ao e toki maiun raona are i Tarawa! N taai akanne ao e suai rang bwainaki te mobile phone bwa bon are te land line are tareboon ni kawai ae bwainaki. E aki kani kabane mmwane teuaei n tareboon bwa are ea bon roko ngaia are ea bon aoria n te Melanesian hotel n taninga kibana n okira Tarawa. Ma iaon Tarawa irouia ana utu ea waaki te tang ma te bootaki ni karaure irouia utu aikai ma buun te kaimoa are nang oki arei! Inanon te tai anne, ibukina ngke ea boni kaan oki ao ea reke aia iango bwa ana akea ae na kakaongoa te rongo2 aei bwa a boni karaua ni maroroakinna mangaia ngkana e oki. Aio bon aia babaire naake taman ma tinan te kaimoa aio!! Ma ti teuana te bwai are a raraoma iai te utu aei bwa ataa te taanga aei bwa bon rang korakora aia tangira i marenaia ao boni moamoa riki teuare te mmwane! A raraoma te utu aei bwa ngkana e ataa te rongo2 aei tao ana bon akea ana kanga2 iai? Ma e ngae n anne a boni katikui bwaai ni kabane nakon te tai are na oki iai nasia aio. E a tiku te wanikiba i Bonriki ao ea bwateteaki te terminal irouia bwatintia. A kamani boraraoi te utu aio bwa akea ae na kaota te mata n rawawata nakon te nasi aei bwa mwina ea kanamakina naba te bwai teuana. Ea tia naba te iango be na katukaki naba nasina are uarereke bwa mwina e reke te kanga2 irouna. A bane ni kariaia aio kain te utu ao ea bane n tei te aba ma te moangare ni butimwaai. E otinako te kaimoa aio ma ana trolley ae onrake n ana suitcase ma ana bwai ao e inga ma ana utu ao ni bane ni kamauria. Ma a mimi kain te utu aei ngke ea taetae naba te kaimoa aio nakoia ao e taku," nna airi moa ma neiei ni kangai ma uoti au bwai aikanne nakon te auti ao tai tabe moa ma ngai bwa nna manga okiri ngkami ngkana i tia' Ngke e moti ana taeka anne ao ea kabuta nako naba ana trolley nakoia ana utu akanne ao ngaia ea boo nako naba ni katei bwati! Inanon te marae ao ngaia ea kaoti neiere te buu are a tia ni mate ao e wirikiriki nakon buuna aio be na iria moa me na kaokia ana utu nakon te auti. Akea kain te utu ao aomata ikanne ae nora kabangin ma kaotin neiei ma aongkoa bon ti teuare buuna! A kitana te marae te taanga aikai ao ni bwatetea te hotel ngkoa are Otintaai hotel are boni maiu ngkoa. A book aia ruu iai ao a bon aoria ni kukurei ni kaitibo. A karaoa aia oota man aia ruu ibukin kanaia ao a bon tikunako naba ni karokoa te bwakantaai n te bong are imwina. Imwain kitanan te hotel irouia te taanga aei, ao ea tabeka ana bubuti neiere te aine be na riai ni kakorakoraa buna aio bwa iai te bwai ae kakawaki ae na tuanga ngkana roko n te auti. E katoutoua asuna te kaimoa aei ao e taku," ngkai ko mena irarikiu ao akea te bwai ae iaki kona" me ioioa asuna neiei ao e taku," taetae raoi ma te koaua bwa kona boni korakora," e wiingare te mmwane aio, ao ibukina be a bon rang kukurei bwa are a bon tibwa tia ni ikotaki ni kukurei ao ea katia naba n taku," i berita nna korakora." E wiingare neiere buna ao mwina a kakioa naba Bonriki n okira mwengaia. E a boni moanna n roo ngke a roko i Bonriki ao a katea aia bwati iaan aia auti. Ngke a ruo ao a kaai n taubai ni bwatetea te auti. Ma boni moan te mimi teuaei bwa n tei imatan ana auti te buriki bon te ruanimate ae bwereinaki ao te maati ni kunikai ae toka iaona! E aki reke ana tai n taetae teuaei be a katikaki naba iroun buna nakon te rua anne ao ngke a tei iaona ao e mimi te kaimoa aio iroun buuna aio be a bon maikeike naba n tang ao e taku," ko riai ni kakorakorako ngkai n aron am taeka," me mino asun te kaimoa aio ao e titiraki," neiko bwa antai ruana aei?" E taku neierei," imwain okim tabeua te bong n nako, ao e karina n toki burou ao ia boni iria nako naba ni motirawa. Aio bon ruanimateu!!" E kubanako te kaimoa aio, me taku buuna arei," koa tia ni berita nakoiu, am berita anne tiaki ibukim ke ibuku ma ibukin nasira! Ia tia n okiriko ibukin kakorakorakim! Aio am tai ni kawakina am berita ao nasira!!," e waanako ranni matan te mmwane aei, e katoua asuna ao e keiaki n taetae," eng, I berita!!" Ngke moti ana taeka anne ao ea buanako naba neiere buuna mai matana!! Uara raou, kamimi naba rongo2n Bonriki! E aoria ma tia ongongora irouia kain Bonriki koauan aei Nna reita au rongo2 are taekan te kaimoa are aongkoa ea manga uti man te mate neiere buna ni butimwaia n te marae! Imwain ae i reitia ao i kaitau nakoia, Maut Taake, Tokarerei Tireita, Katieta Iereria, ao ai naake ataa naba koauan te rongo2 aei. Ma ae I boni kaitau riki nakoina bon teuae Katieta Iererita bwa e anganai raoi te kaeka ae i boni ukoukoria mairouia taani comments ae reitan raoi te rongo2 aei!! Boni kunan te kaimoa aei are a otoia bwa kanga kanuringan raona are okiria arei!! E aoria ma tia kamotia raoi bwa akea te kanga2 bwa tia kakoaua raoi bwa ngaia e boni koaua te rongo2 aei. Uara, tia waaki kee? Ngke ea buanako neiere te buu arei, ao teuare te kaimoa arei ea bon tei n aki kakarongoa iaon te ruanimate are tei iaona arei! Moan te kanga2 irouna be na kakoaua ngkekei naba be a motirawa raona ae bon bane teuana ana bong mangaia ni kukurei kanga te aomata! E ngae n anne bwai ni kabane ake taekini buuna arei nakoina ngaia bon taekana are ea boni kaman mate imwain okina, me bon ti oki ibukina be na kakorakora ao ni kawakina raoi nasina. Teruanimate aei boni kakoauan raoi ana taeka buuna anne bwa bon ruana are a boni baireia ana karo te kaimoa aei be riai ni wene boni irarikin buna ma nasina imoan aia auti te buriki. E a karaua ni wene iaon te ruanimate anne ao ea wirikiriki inanona ni wewetea raona arei ma ana kantaninga be na boni bae ni manga oki riki, ma titebo bwa ngkana e wirikiriki ni wetea aran buna arei ao aiaron ae ongo bwanan buna arei inanona ae kangai," buu koa tia ni berita, kakorakorako." E okioki te bwanaa aio n roko inanon te mmwane aio, ao ngke ea bon ataia ae a bon aki oki buna arei ao ea karaua naba ni wene ni baraaki iaon te rua anne, ma ana kantaninga be a manga ikotaki naba ma buna arei ao ni mangoa te tang iaon ruan buuna anne! Bon te tairiki te tai aei ao kanga bon tain te ianroo ngaia kanga akea naba te aomata ni kabaang, ma a ongongo te tang kain ana auti ao a kuba bwa ngke a taraa te ruanimate ao a nora nasia arei n tangitang ikekei. A roko ana utu ni kaiterakea ao a airi mangaia nakon maneabaia ae uarereke irarikin ana auti te kaimoa aei. Ngke a bane raoi n tekateka ao ea bane naba ni karakini bwaai ni kanane te kaimoa aei nakoia ana utu! Kanga ai bon arora ae tiaki kakoaua te rongo2 aio ao ai bon aroia naba ana koraki ae kanga bon akea naba kakoauan raoi te bwai are taekinna. E taku ana kabanea n taeka nakoia ana utu," Ia oota n ana iango buu arei, bwa nasiu aei ai boni buu naba ao nasu, akea riki bwa ai bon ti nasu naba ma ngkai" Inanoni maiun neiere te buu ao ngkana e oki te kaimoa aei ao nasia are te mwane arei ea nako naba n tiku irouia tibuna ao ea mamasu naba irarikia tibuna n te mwaneaba ni karokoa ngkana ea manga kiba nako tinaniku te kaimoa arei ao ea manga okira tinana tetei aei ni mamatu mangaia. Teuae te kaimoa aei bon akea ana kanga2 bwa are bon ana karo aika a totobwa naba nasina ao ngaia e bon aoaoria ma buna n te auti. Aio kanga boni katein te kaimoa aei ae a rang ataia ana utu. Ma imwin motirawan buuna anne ao ea bon aki naba manga kariaia be na manga tobwaaki nasina anne irouia tibuna ao ea bon rokana naba nasina anne ngaia mangaia inanon aia auti te buriki ao ai bon raraona naba n airiri ni katoabong. E riki ruanimaten buuna anne bwa nnena ma nasina aio ni kakibotu ni wenewene iaona ni katoa tairiki. Ibukin uringan buuna ao ea otea kunana nakon raona arei n aron are taekinna Katieta Iereria. I mwaninga moani kibuna ma aio chorus ao kauakibuna, 1.. Cho Aroarona ma katei Kateina nako Ti ngkoe, au tangira ma buokau Aaa ururingai Tai mwamwanuokinai Bwa teianena nanou ma rabwatau 2 E aki karauai ururingam nee Ko bon ataia bwa nanou Naba iroum, ngke ia taua Rengerengen te raari bono E a kautai ninibwaraeakinam nee E kakawa te mmwane aio ma nanona n tangira buna me na kanga te aba n te maiu aei!! Boni iai ae bairei maiura ma arora!! Aio raoi motin te rongo2 aei n aron are i ongo iroun au friend arei ma otean tangin te kaimoa arei n tangiran ao uringan buuna. E kaawa te aba n te maiu aei!! E uara, rarabwa te rongo2 ao ngkana iai reitana ke kaetana maikanne, kanakoa bwa tia kakibotura iai n ongora!!. Tekeraoi ngkami!!
Aio te rongo2 teuana ae karakinna temanna au friend nakoiu tao tebwi tabun te ririki n nako. Kanga rongo2n te tangira me kamimi arona! Ia katoka ikai bwa tia kakibotura iai ma ngkana iai ae ataa raoi riki rongo2na ea manga ibuobuoki riki iai. Uara? Tia waaki...
Iai taanga n ataei aika a bon tibwa iein ao temanna nasia te mmwane ae uarereke tao 5 nakon 6 te ririki. A maeka te taanga aei i Bonriki ma i aki ataa raoi aia tabo. A bon maeka n ana tabo teuare te mmwane ao akea te mmwane aei be mwakuri i tinaniku bwa te kaimoa. E a maan tikuna i tinaniku ao iaoni kawaina n oki. E bane te kakatauraoi irouia ana karo ma ana utu te mmwane aio bwa tataningan okina ao ana amwarake ni butimwaia ni kukurei! Me karina n reke te kanga2 bwa ngke roko te mmwane aio i Nadi i Fiji ao e toki maiun raona are i Tarawa!
N taai akanne ao e suai rang bwainaki te mobile phone bwa bon are te land line are tareboon ni kawai ae bwainaki. E aki kani kabane mmwane teuaei n tareboon bwa are ea bon roko ngaia are ea bon aoria n te Melanesian hotel n taninga kibana n okira Tarawa. Ma iaon Tarawa irouia ana utu ea waaki te tang ma te bootaki ni karaure irouia utu aikai ma buun te kaimoa are nang oki arei!
Inanon te tai anne, ibukina ngke ea boni kaan oki ao ea reke aia iango bwa ana akea ae na kakaongoa te rongo2 aei bwa a boni karaua ni maroroakinna mangaia ngkana e oki. Aio bon aia babaire naake taman ma tinan te kaimoa aio!! Ma ti teuana te bwai are a raraoma iai te utu aei bwa ataa te taanga aei bwa bon rang korakora aia tangira i marenaia ao boni moamoa riki teuare te mmwane! A raraoma te utu aei bwa ngkana e ataa te rongo2 aei tao ana bon akea ana kanga2 iai? Ma e ngae n anne a boni katikui bwaai ni kabane nakon te tai are na oki iai nasia aio.
E a tiku te wanikiba i Bonriki ao ea bwateteaki te terminal irouia bwatintia. A kamani boraraoi te utu aio bwa akea ae na kaota te mata n rawawata nakon te nasi aei bwa mwina ea kanamakina naba te bwai teuana. Ea tia naba te iango be na katukaki naba nasina are uarereke bwa mwina e reke te kanga2 irouna. A bane ni kariaia aio kain te utu ao ea bane n tei te aba ma te moangare ni butimwaai. E otinako te kaimoa aio ma ana trolley ae onrake n ana suitcase ma ana bwai ao e inga ma ana utu ao ni bane ni kamauria. Ma a mimi kain te utu aei ngke ea taetae naba te kaimoa aio nakoia ao e taku," nna airi moa ma neiei ni kangai ma uoti au bwai aikanne nakon te auti ao tai tabe moa ma ngai bwa nna manga okiri ngkami ngkana i tia' Ngke e moti ana taeka anne ao ea kabuta nako naba ana trolley nakoia ana utu akanne ao ngaia ea boo nako naba ni katei bwati!
Inanon te marae ao ngaia ea kaoti neiere te buu are a tia ni mate ao e wirikiriki nakon buuna aio be na iria moa me na kaokia ana utu nakon te auti. Akea kain te utu ao aomata ikanne ae nora kabangin ma kaotin neiei ma aongkoa bon ti teuare buuna! A kitana te marae te taanga aikai ao ni bwatetea te hotel ngkoa are Otintaai hotel are boni maiu ngkoa. A book aia ruu iai ao a bon aoria ni kukurei ni kaitibo. A karaoa aia oota man aia ruu ibukin kanaia ao a bon tikunako naba ni karokoa te bwakantaai n te bong are imwina. Imwain kitanan te hotel irouia te taanga aei, ao ea tabeka ana bubuti neiere te aine be na riai ni kakorakoraa buna aio bwa iai te bwai ae kakawaki ae na tuanga ngkana roko n te auti. E katoutoua asuna te kaimoa aei ao e taku," ngkai ko mena irarikiu ao akea te bwai ae iaki kona" me ioioa asuna neiei ao e taku," taetae raoi ma te koaua bwa kona boni korakora," e wiingare te mmwane aio, ao ibukina be a bon rang kukurei bwa are a bon tibwa tia ni ikotaki ni kukurei ao ea katia naba n taku," i berita nna korakora." E wiingare neiere buna ao mwina a kakioa naba Bonriki n okira mwengaia.
E a boni moanna n roo ngke a roko i Bonriki ao a katea aia bwati iaan aia auti. Ngke a ruo ao a kaai n taubai ni bwatetea te auti. Ma boni moan te mimi teuaei bwa n tei imatan ana auti te buriki bon te ruanimate ae bwereinaki ao te maati ni kunikai ae toka iaona! E aki reke ana tai n taetae teuaei be a katikaki naba iroun buna nakon te rua anne ao ngke a tei iaona ao e mimi te kaimoa aio iroun buuna aio be a bon maikeike naba n tang ao e taku," ko riai ni kakorakorako ngkai n aron am taeka," me mino asun te kaimoa aio ao e titiraki," neiko bwa antai ruana aei?" E taku neierei," imwain okim tabeua te bong n nako, ao e karina n toki burou ao ia boni iria nako naba ni motirawa. Aio bon ruanimateu!!"
E kubanako te kaimoa aio, me taku buuna arei," koa tia ni berita nakoiu, am berita anne tiaki ibukim ke ibuku ma ibukin nasira! Ia tia n okiriko ibukin kakorakorakim! Aio am tai ni kawakina am berita ao nasira!!," e waanako ranni matan te mmwane aei, e katoua asuna ao e keiaki n taetae," eng, I berita!!" Ngke moti ana taeka anne ao ea buanako naba neiere buuna mai matana!!
Uara raou, kamimi naba rongo2n Bonriki! E aoria ma tia ongongora irouia kain Bonriki koauan aei
Nna reita au rongo2 are taekan te kaimoa are aongkoa ea manga uti man te mate neiere buna ni butimwaia n te marae!
Imwain ae i reitia ao i kaitau nakoia, Maut Taake, Tokarerei Tireita, Katieta Iereria, ao ai naake ataa naba koauan te rongo2 aei. Ma ae I boni kaitau riki nakoina bon teuae Katieta Iererita bwa e anganai raoi te kaeka ae i boni ukoukoria mairouia taani comments ae reitan raoi te rongo2 aei!! Boni kunan te kaimoa aei are a otoia bwa kanga kanuringan raona are okiria arei!! E aoria ma tia kamotia raoi bwa akea te kanga2 bwa tia kakoaua raoi bwa ngaia e boni koaua te rongo2 aei. Uara, tia waaki kee?
Ngke ea buanako neiere te buu arei, ao teuare te kaimoa arei ea bon tei n aki kakarongoa iaon te ruanimate are tei iaona arei! Moan te kanga2 irouna be na kakoaua ngkekei naba be a motirawa raona ae bon bane teuana ana bong mangaia ni kukurei kanga te aomata! E ngae n anne bwai ni kabane ake taekini buuna arei nakoina ngaia bon taekana are ea boni kaman mate imwain okina, me bon ti oki ibukina be na kakorakora ao ni kawakina raoi nasina. Teruanimate aei boni kakoauan raoi ana taeka buuna anne bwa bon ruana are a boni baireia ana karo te kaimoa aei be riai ni wene boni irarikin buna ma nasina imoan aia auti te buriki.
E a karaua ni wene iaon te ruanimate anne ao ea wirikiriki inanona ni wewetea raona arei ma ana kantaninga be na boni bae ni manga oki riki, ma titebo bwa ngkana e wirikiriki ni wetea aran buna arei ao aiaron ae ongo bwanan buna arei inanona ae kangai," buu koa tia ni berita, kakorakorako." E okioki te bwanaa aio n roko inanon te mmwane aio, ao ngke ea bon ataia ae a bon aki oki buna arei ao ea karaua naba ni wene ni baraaki iaon te rua anne, ma ana kantaninga be a manga ikotaki naba ma buna arei ao ni mangoa te tang iaon ruan buuna anne!
Bon te tairiki te tai aei ao kanga bon tain te ianroo ngaia kanga akea naba te aomata ni kabaang, ma a ongongo te tang kain ana auti ao a kuba bwa ngke a taraa te ruanimate ao a nora nasia arei n tangitang ikekei. A roko ana utu ni kaiterakea ao a airi mangaia nakon maneabaia ae uarereke irarikin ana auti te kaimoa aei. Ngke a bane raoi n tekateka ao ea bane naba ni karakini bwaai ni kanane te kaimoa aei nakoia ana utu! Kanga ai bon arora ae tiaki kakoaua te rongo2 aio ao ai bon aroia naba ana koraki ae kanga bon akea naba kakoauan raoi te bwai are taekinna. E taku ana kabanea n taeka nakoia ana utu," Ia oota n ana iango buu arei, bwa nasiu aei ai boni buu naba ao nasu, akea riki bwa ai bon ti nasu naba ma ngkai"
Inanoni maiun neiere te buu ao ngkana e oki te kaimoa aei ao nasia are te mwane arei ea nako naba n tiku irouia tibuna ao ea mamasu naba irarikia tibuna n te mwaneaba ni karokoa ngkana ea manga kiba nako tinaniku te kaimoa arei ao ea manga okira tinana tetei aei ni mamatu mangaia. Teuae te kaimoa aei bon akea ana kanga2 bwa are bon ana karo aika a totobwa naba nasina ao ngaia e bon aoaoria ma buna n te auti. Aio kanga boni katein te kaimoa aei ae a rang ataia ana utu.
Ma imwin motirawan buuna anne ao ea bon aki naba manga kariaia be na manga tobwaaki nasina anne irouia tibuna ao ea bon rokana naba nasina anne ngaia mangaia inanon aia auti te buriki ao ai bon raraona naba n airiri ni katoabong. E riki ruanimaten buuna anne bwa nnena ma nasina aio ni kakibotu ni wenewene iaona ni katoa tairiki. Ibukin uringan buuna ao ea otea kunana nakon raona arei n aron are taekinna Katieta Iereria. I mwaninga moani kibuna ma aio chorus ao kauakibuna,
1..
Cho
Aroarona ma katei
Kateina nako
Ti ngkoe, au tangira ma buokau
Aaa ururingai
Tai mwamwanuokinai
Bwa teianena nanou ma rabwatau
2
E aki karauai ururingam nee
Ko bon ataia bwa nanou
Naba iroum, ngke ia taua
Rengerengen te raari bono
E a kautai ninibwaraeakinam nee
E kakawa te mmwane aio ma nanona n tangira buna me na kanga te aba n te maiu aei!! Boni iai ae bairei maiura ma arora!!
Aio raoi motin te rongo2 aei n aron are i ongo iroun au friend arei
ma otean tangin te kaimoa arei n tangiran ao uringan buuna. E kaawa te aba n te maiu aei!!
E uara, rarabwa te rongo2 ao ngkana iai reitana ke kaetana maikanne, kanakoa bwa tia kakibotura iai n ongora!!. Tekeraoi ngkami!!
Thanks for the story.
I think your story is not true.
The song is belong to my grandfather uoue .