"БЕТАШАР" қол қимылы

"Беташар" қол қимылы
Құрметті би әлеміне қызығатын көрермен!
Бүгін қазақ биіндегі "Беташар" қол қимылы туралы театр артисі Аймира Нәлдібек түсіндіреді. Қазақ биіндегі барлық қимылдар өз фольклорымыз бен этнографиямыздан бастау алады.
Беташар - қазақтың келін түсіргенде жасалатын салтының бірі. Дәстүрлі беташар, әдетте, тойға жиналған халық тарқар кезде өткізілген.
Дәстүр бойынша, жаңа түскен келінді беташар жоралғысы жасалмастан бұрын қыз-келіншектерден басқа ешкім көрмеген. Келіннің бетін ашушы жас келінді ауылдың ардақты адамдарына, күйеуінің ағайын-туыстарына таныстыру шумақтарын өзінше суырып салып айтуы шарт. Ол үшін жырау не ақын екі-үші күн (кейде 10 - 15) бұрын сол оттың басына келіп, дайындық жасаған. Үй иесі оның бет ашқан еңбегіне беретін сыйлығын (ат, түйе, бірнеше уақ мал, т.б.) алдын-ала атап қоятын болған. Егер оның айтқандары көптің көңілінен шықса, онда сол үйдің ең қадірлі адамы, туысы саналған. “Келіннің бетін кім ашса - сол ыстық” деген мәтел де осыдан туған.
#бізбіргеміз #бізүйдеміз #оставайтесьдома #үйденшықпа #stayhome #беташар