ضهري اتحنى
HTML-код
- Опубликовано: 18 фев 2021
- كبرت يامه وشعري شاب وبقيتش اشوف أقرا الكلام , عجزت يامه وضي غاب وبقيت مريض زيك تمام , ابنك تعب مابقاش بياكل لقمته غير بالمناهده وماعادش يقلع هدمته غير بالمساعده ضاقت ياحاجه خطوته وداق معاها مر الدوا ,ابنك تعب وجاب علاج لكل حاجه حتى الهوا حتى النفس جابله علاج نفس علاجك ابو علبه حمرا ونوع كمان ورقته خضرا قاللي الطبيب خدهم سوا ,فاكره زمان لما خبطت بابنا الحديد بعافيتي راح اتنى نسيت اقولك اننا ضهري اتحنى بس تمام قاللي الطبيب البس حزام بحق يامه عندك حزاموحياتي عندك شوفي لي عندك حزام ابويا تلاقيه حداكي في الدولاب مركون لوحده يوم الخميس الجاي هاجي واخده وبالمره هاكل وانام تفسي انان من غير هموم نفسي ارمي في فرشتك كومة هدوم بس تمام يوم الخميس الجاي هاجي واجيب معايا كيس علاجي وشوفي انتي مانتي كنتي بتعرفي كل الحاجات مانتي كنتي بتعملي حبة حاجات وكنت باخد من سكات هم حبة كمادات واطيب واقوم ماتشوفيلنا وصفه من بتوعك مش انا طول حياتي كنت طوعك
واو انت احلا اب في العالم واو
ربنا يعافيك دكتور و يسلم قلمك
تسلم يارب من كل شر