Meni senga yomonlaganlar

[@Dilkash.Nargis]

Meni senga yomonlaganlar,
Seni menga yomonlab bo'lgan.
Allaqachon unga hurmat-u,
Ehtiromni tamomlab bo'lgan.
Meni senga g'iybatim qilgan,
Sendan ham ko'p xabar yetkizgan.
Yuzidagi nurin o'chirib,
Iliqlikni essiz ketgizgan
Meni senga o'sha kunlarda,
Yaqin bo'lma do'stim degandi.
Bir kun oldin tushlikda men ila,
Bir lagandan palov yegandi
Meni senga yomonlaganlar,
Sendan ham shum xabar keltirgan.
Oramizni uzmoqlik uchun,
Mingta o'lib, mingta tirilgan.
Achinama bundaylarga ho'p,
Yaxshimi ayt qurisa bog'lar.
Yarim hovuch umrini ular,
Ishq rishtasin uzmoqqa chog'lar.
To'g'ri muhabbatning ko'r ko'zi,
Xatolardan holimas banda.
Sevgi yashar doim abadiy,
Ishqni aql tasdiqlaganda.
👤 @Dilkash_Nargiz