ايه فايدة النرجسي في حياتي ؟

الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
ايه فايدة النرجسي في حياتك .هو انا ليه ربنا ابتلاني بالنرجسي
انا عملت ايه في حياتي عشان اقع في نرجسي ..
حالة بتقول لي انا عملت ايه في حياتي عشان اشوف كل القذارة دي من النرجسي وكالعادة قلت لها ابتلائك والابتلاء رسول جايب رسالة زي ما الدكتور كريم علي قال الرسول حيمشي لما تفهمي الرسالة وبرضه سألتني طيب ايه الرسالة ؟ قلت لها انتي ادرى انتي لازم تشوفي حياتك فيها ايه الرسالة انتي بس اللي تعرفيها ، بس مكنتش راضية عن اجابتي عليها حسيت ان فيه حاجة انا نفسي مش فاهماها وقدرا بفتح فيديوهات لاحد الصالحين الله يرضا عليه ويرحمه ويرحمنا لقته بيقول ناخد من اهل النقص أساتذة للكمال يعني ايه يعني نتعلم منهم مانكونش ناقصين زيهم
وطبعا الكمال هنا مش اننا نكون كاملين لا اننا نتعلم ازاي مانكونش ناقصين زيهم ، يعني لما تشوفي شخص بخيل وتتأذي منه او تشوفي حد بيتأذى من بخله بتلاقي نفسك مش عايزة تكوني زيه ، لما بنشوف واحد مدخن وطول الوقت بيكح وصدره بايظ كأن لسان حاله بيقول لنا ماتكونوش مثلي والبخيل وكره اهله له برضه بيقول لنا بلسان حاله ماتكونوش مثلي .
تخيلي ان ممكن تكون دي الرسالة تخيلي ان ربنا جايب لك شخص ناقص كل النقص تعيشي معاه وتشوفي كل عيوبه عشان يعلمك ماتكونيش زيه ، وانتي فعلا بتعملي دة وبتتجنبي انك تكوني مثله ، اللي لاحظته على ٩٩٪ وتسعة من عشرة من زوجات النرجسيين انهم كلهم بدأوا يقربوا من ربنا وانهم لجأوا لحفظ القرآن والصلاة وانهم بيتجنبوا انهم يكونوا زي النرجسي ، ساعات بتكوني مش واخدة بالك من الكلام دة لكنه بيحصل معاكي انتي ، حقول لك ازاي ، مرة حالة اشتكت من النرجسي انه بيحاول يسحب منها اولادها فأول سؤال بييجي في بالي هل بتحضنيهم ولا لا ؟ الحالة دي كان ردها ايه وغيرها كتير ردوا نفس الرد ، انا امي مكنتش بتحضنا لكن انا كنت حريصة اني ما اكونش زيها ، امي كانت نرجسية وانا مكنتش فاهمة بس دايما كنت بقول انا ماتعلمتش اني اتحضن بس لازم اتعلم احضن ودربت نفسي من اول ما ولدت اول طفل اني احضن ،
من هنا بتشوفي ان يمكن ربنا باعت لك الناس دي عشان تتعلمي من نقصهم ازاي تكوني احسن ،
خدي بالك مش لازم الكلام دة ينطبق ع الكل ،لان الله له في خلقه شئون واكيد له حكمة مش لازم نفهمها يمكن مطلوب مننا التسليم وبس ولو استسلمنا الرسالة تكون وصلت يعني ايه التسليم يعني نستسلم للنرجسي؟ لا طبعا نستسلم لامر الله وقدره يعني نطور نفسنا ونشتغل ونقاوم الظلم بس نرضى بقدرنا وباللي ربنا اداه لنا مانمشيش نبكي ونولول وليه يارب عملت فيا كدة انا كنت عايزة حياة سوية وزوج يحبني واحبه ، مايمكن مش دة دورك في الحياة مايمكن رسالتك في الحياة اكبر بكتتير من انك تحبي وتتحبي ، مايمكن رسالتك في الحياة انك تنشئي جيل سوي او يطلع من تحت ايدك حفظة قرآن او دكاترة ناجحين يفيدوا البشر او علماء ينفعوا الناس على مر التاريخ ، مش يمكن تكون مهمتك اكبر من انك تعملي اسرة سوية مش يمكن مطلوب منك تنقذي شباب من الالحاد ولا بنات من الانحراف ،مش يمكن ربنا بيجهزك عشان مهمة حتعمليها ولازمك شوية دروس تاخديها عشان تتعلمي الصبر وتتعلمي التعامل وتتعلمي طباع البشر عشان انتي طول الوقت فاكرة ان العالم كله شبهك وقلوبهم شبه قلبك فلازم تفهمي ان فكرتك دي غلط واوعي تقولي زي واحدة من الحالات يعني كان لازم ادفع عمري عشان اتعلم؟ واللي بتقول كدة بتكون بقالها بس عشر سنين وفهمت طيب امال اللي بقالها أربعين سنة تقول ايه ، انتي مادفعتيش عمرك عشان تتعلمي انتي اتعلمتي بسرعة وطلعتي من الصفقة رابحة مية في المية ،ربحتي اولادك وصقلت شخصيتك وقربتي من ربنا واتعلمتي تحمل المسئولية وبقيتي بني ادمة وكبيرة ومسئولة واتعلمتي عن البشر كتير وبقيتي بتميزي الخبيث من الطيب كل دة وتقولي دفعت عمري عشان اتعلم طب ما انتي بتفضلي تتعلمي في المددارس والجامعات عمر برضه اشمعنى دة مش بتعترضي عليه ، صدقيني دروس ربنا اغلى بكتير من دروس البشر وتعليم ربنا اقوى بكتير ونتيجته اعلى بكتير ، انتي بس افهمي الحكمة وافهمي الرسالة وافهمي هو عايزك تتعلمي ايه عشان يخلص الابتلاء ، حقول لكم امثلة للرسايل اللي الحالات فهموها وراح الابتلاء . راح يعني اتطلقت ؟ لا راح يعني بقى موجود بلا وجود او اتطلقت او ربنا هداه ودي الى الان حالتين معايا فقط اللي ربنا هداه لهم واحد كبير في العمر والتاني مش صغير بس مش كبير ودة لسة في مرحلة العلاج وتعديل السلوك بس ع الأقل ربنا كفاها شره ،
طيب حنبدأ بالحالتين دول واحدة منهم توجهت الى تحفيظ القرآن وعملت مؤسسة تحفيظ كبيرة واشتهرت وماشاء الله اصبح لها بصمة في العالم الإسلامي كله ، والتانية لسة صغيرة في العمر وفهمت الرسالة وعرفت مهمتها وبدأت تاخد خطوات في تنفيذها بالدراسة ، اما غيرهم حالات تانية النرجسي موجود لا وجود بيصرف وعايش معاها ومتواصلين بحدود وادب وهي قادرة تسيطر ع الحياة معاه وفي نفس الوقت بدأت تنزل كتب في تطوير الذات وبقى لها برضه بصمة في الحياة بعد مافهمت الرسالة ، غيرها كانت طبيبة ومقعدها في البيت ومحدش مستفيد من علمها ورجعت تاني تساعد النساء لنها طبيبة نسا ومهمتها عظيمة اذا بقت شاطرة في مهنتها عشان تكفي النساء انهم يضطروا للدكاترة الرجال ودي مهمة كان لازم تفهمها من زمان لكن فهمتها بالابتلاء ، كتير كتير حالات فهمت الرسالة ومشي الابتلاء صدقيني حاولي تفهمي رسالة ربنا لكي وتشوفي انتي مفروض يكون دورك ايه في الحياة انتي خليفة ولازم تنفذي الخلافة دي سواء في ابنائك او اللي حواليكي او المجتمع كله
#صحةـنفسية #القوة #الاكتئاب #النرجسي #النرجسية

[@FlowerNona-x4u]

فعلا انا حبيت شخصيتي الجديدة .. حبيت كيف اصبحت قوية وواعية .. واشعر بالنعم في حياتي .. تعلمت كيف اكون ربة منزل ممتازة لان زوجي كان نرجسي ساعي للكمال .. وتعلمت كيف ارد على الاساءة واتجنب المسيئين .. عرفت ان الشر موجود ولازم احذر منه وابطل سذاجة .. انا فعلا ممتنة لزوجي النرجسي .. مكنتش احب نفسي قبل .. لكن الآن أحب نفسي جدااا لان اصبحت قوية .. الحمدلله الف مرة ❤️👍

[@zinebaboujamal4104]

هل تطلقتي منه أم لا ؟

[@أممحمدالملاح]

فى إعتقادى إن دا أجمل وأروع فيديو لحضرتك يا دكتوره. والله فعلاً كلامك كله صح بالرغم من أنى خسرت ولادى بعد الطلاق والتخلص من النرجسى بس يكفينى أنى فهمت الرساله والحمدلله بحاول فى زيارة أبنائى ليا أعوضهم بالحب وكلمات المدح والنصح والإرشاد لهم حتى لا يكونوا مثل أبوهم يكفينى أنى فهمت الرساله والحمدلله وعرفت ان كل عصبيتى وطبعى الحاد مع اولادى كان بسبب انى اعيش فى ضغط نفسى من أفعال ابوهم النرجسى معايا ويكفينى ان اولادى شعروا بالتغيير فعلاً ولمسوه فى معاملتى معهم وبدأت علاقتنا تتحسن جداً مع انهم مقيمين مع ابوهم ويأتون لزيارتى يومين فى الاسبوع. الحمدلله انى فهمت والحمدلله انه نجانى بعد ٢٥ سنه جواز من نرجسى

[@saidaelfallous4913]

❤

[@haibaouitahra-di3wd]

اولادك المفروض ليك شرعا وقانونا مادام لم تتزوجي

[@أممحمدالملاح]

@@haibaouitahra-di3wd للأسف كان التنازل عن كل حقوقى ثمن الطلاق

[@Afaf-d6i]

​@@أممحمدالملاح ربما من وراء هذا الطلاق واخذ زوجك لأطفالك له حكمة ربنا وقد ياتي خير مثل ام موسي عندما وضعت موسي بالنهر واخذه فرعون فرجع اليها وتربي تحت عين فرعون لكن بنهاية ربي نجي موسي وأخذ فرعون اخذ عزيز مقتدر والله اعلم وربي يعوضك دنيا واخرة .

[@نسمةهواء-ف3ح]

الحضانة ليكي
قانونا

[@azzahussin2638]

فعلا أنا لجأت للمساجد والقرءان والدروس الدينية
عشان كنت بدُور فى فلك النرجسي
النرجسى إبتلاء من الله عز وجل للصبر عليه ولرفع الدرجات بإذن الله تعالى

[@أممحمدالملاح]

فعلاً والله لا نجاة من اى أذى نفسي داخلنا إلا بالتقرب من الله هو وحده الذى ينجى الحمدلله 🤲

[@samarsoliman7410]

كلام حضرتك صح سألتني صديقة ليا اكثر ابتلاء مني ليه ربنا عمل معانا كده قلت لها سبحان الله علشان لو كنا في راحة كنا ح نركن للراحة ومش ح ندعي ولا نصلي ولا نجتهد في العبادة ولا نسعي للتغير وسبحان الله احنا عندنا نعم كتير ربنا اعطاها لينا ايه يعني لو زوجي نرجسي ناس كتير تتمني يكون عندها الزوج ده بس مايكون عندها ابتلاء في ابناء او صحة وكمان في ناس عندهاابتلاء في اهم حاجة الدين والايمان ربنا يعفينا جميعا

[@anadode4677]

كلامك لمسني جوه قلبي بجد
خاصة كنت لسه بتكلم انا وصاحبتي ولقيت تعليقك قدامي
مع اني مخلصه جدا والله

[@samarsoliman7410]

@@anadode4677 ♥️♥️♥️♥️

[@Elather_eltayep]

اللهم اجعل لأهلنا في غزة وسوريا والسودان ولكل مبتلي من كل هم فرجا ومن كل ضيق مخرجا ومن كل بلاء عافيه عاجلا غير اجلا يارب العالمين

[@samiasamsouma5874]

الحياة غير السوية تطلع ابناء غير سويين و هدا اكبر مخاوفي

[@حورالعين-ق8ر]

احلي احساس حسيته هو حب ربنا ليا

[@Shaimaa_Eldeib]

واكيد وجودك في حياتنا سبب يعلمه الله وسر من ربنا لينا ❤❤❤❤

[@arwaalkhulaqi2556]

نصيحة اتعلموا اسماء الله الحسنى وبعدها عقيدة الايمان بالقضاء والقدر لانكم لو فهمتوا افعال الله صدقوني بترتاحوا لانه كلنا عندنا رسالة نوصلها لغيرنا لكن ارضو وسلموا امركم لله واتعلموا عنه

[@NabilaAl-Ghamry]

والله يا دكتوره بفضل الله وحده ثم بفضل حضرتك اول مره أشعر بالحريه علي الرغم اني مستمره معاه، كنت في سجن الخوف منه ودلوقتي بعد التعافي الحمدلله ربنا كافاني شره، ربي إني لما أنزلت الي من خير فقير

[@rur4044]

كل شخص اتى ليعلمك شيئًا، وماذا يعلمنا الشخص الغير الواعي؟ يعلمنا أن لا نكون مثله .

[@omarhabib5665]

هو اللي قربني من ربنا والله. انا بشكره جدا

[@ريناد-س6م]

صحيح انا اقول لو بس ف الاخرة يرفعنا الله بهذا الابتلاء درجات في الجنة بصبرنا على هذه المصيبة

[@tent3002]

افضل كتاب يشرح ليش استحقيتي نرجسي وليش النرجسي بالذات رسالة كتاب عقدك النفسية سجنك الابدي دائما النرجسي يتزوج من نقيضه غالبا الشخصيات المتعاطفه السلبية او الي عندهم عقدة الخضوع او تعلق بالاخرين لذلك النرجسي هوه معلم ورسالة من الله لشيء كل وحده تبحث في نفسها وتبطل تضحك ع نفسها بجملة انا طيبه وحنونه وضحية لان هذي الكلمات تخليها مستحقه لاذى النرجسي حتى تفوق وتصحى وتعالج التعلق او الخضوع وعدم المواجهه او التعاطف السلبي مع الشخصيات المؤذيه

[@salmaelnaggar4064]

فعلا كلام حضرتك صح انا كنت بسال نفسي ازاي واحده كبيره تتجوز واحد زي ده بس لو انا ما كنتش اتجوزت ما كنتش هفهم طبيعه الناس من حواليا ولا كنت اوصل لمستوى الوعي اللي انا فيه دلوقتي

[@منوعاتمفيدهونافعهب]

اتفق جدا

[@اممحمدصادق-ب5ل]

حسبنا الله ونعم الوكيل على كل نرجسي

[@SalsalGhxx]

سؤالي الثاني ليش النرجسي بيتغير كل مرة شخصية وليش أنا مشاعري بتتغير معاه يعني هو لما يكون مثل الغبي الذليل امامي ما بحبه ولا اهتم بيه ومايجذبني وهذا قبل يعني في السنوات الاولى ولكن لما صار يتكبر وشايف حاله وبيصير عنده كاريزما قليل الكلام بتظهر عليه قوة الشخصية والثقة في النفس وكأنه مش نفس الشخص اصير انا حاببته وتعلقت بيه وصرت مهتمة بيه مع العلم هو عنده المزيد من الشخصيات او مابعرف شو اسمهيم ياريت تجاوبيني كل مرة اجده شكل يتغير ياسبحان الله عنده قدرة غريبة على التغير وفي كل شخصية يبدع لي بيعرف الإجابة يجاوبني ضايعة انا والله حابة تفسير لكي افهم

[@LotfiLatif-mu7pu]

اي انسان بطبيعته لايحب الشخص الضعيف لانه لايفجر فيك الابداع وكانه يحبسك في مكان ضيق مثل افقه فتختنقين وان رايته قوي وفارض نفسه كانه يرفعك معه وتصبحين تتباهين بقوته بشخصيته التي تاسر القلوب اما التغيرات التي تحصل له ربما يكون متعدد الشخصيات او عنده انفصام في الشخصية والله اعلم

[@ريان-خ5غ8ذ]

اشتغلي،علي،نفسك،شوفي،فيديوهات فك التعلق والتشافي انتي ضايعه يابنتي شن مالك ومال النرجسي وانفصاماته، اشتغلي،علي،حالك وانقذي،نفسك،قبل فوات الأوان

[@anadode4677]

نفس سؤالي قسما بالله
كان لسه ف بالي وفعلا محتاجه تفسير
بشوف التعليقات لقيت تعليقك

[@SalsalGhxx]

@@anadode4677 ياسبحان الله كنت اظن انه الوحيد في العالم لي صفاته حركاته و طريقة تفكيره هكذا غريبة و انا متحملة وساكتة وكأنه كاتملي نفسي و رابطلي لساني و مامخليني اتركه وكل هاذ نفسيا مش بالقوة الجسدية بس لما اكتشفت من سبع اشهر تقريبا النرجسية وانه نرجسي هنا كانت الصدمة كبيرة لما اكتشفت انه كل عذابي معاه مرتب وبقصد ايذائي هنا حسيت بالحزن والاسف على نفسي واحسست بغباء وصرت الوم نفسي و عمري ماراح انسا هذيك الايام و تغيرت فورا وهو فورا خس بهاذ الشي عمل هوفرينج جرب فيه كثير أساليب لكي يرجعني للعلاقة غضب نرجسي كاذب وحقيقي سب شتم بكاء توسل ووعود اعملك واسويلك ووووو......وآخرها طلب الطلاق ومرة يقول اني مسحورة ومرة يقولي ان الناس بيغارو منا و قلبولك دماغك عليا .....ولما شافني. خلاص مافي رجعة وراح اطلق عن جد ماتحمل عن جد شخصية غريبة وبشدس لي يعيش مع هاذي الشخصيات لي تفهم ضحية النرجسي
الله يأخذ الحق وحسبنا الله ونعم الوكيل

[@anadode4677]

@@SalsalGhxx يعني انتي عاوزه تقولي
ان كل الاذي اللي بيعملوه معانا بيكون مرتب ومقصود
امال جوزي بيقولي ليه ان انا اللي يعصبه لما يكون فيه موقف بنتكلم فيه وهو بيغلط فيا جامد ويهني ويزعق بشكل مزعج امام اولادي واحيانا يوصل لمد الايد
دا غير الخيانات المتكرره وانا مش عارفه اخد معاه موقف حازم خااااالص وتعبت بجد
وانا حاليا عاملاله تجاهل ومش بعبره وهو بينام ف غرفة وانا ف غرفة بسبب شتمته ليا ومد ايده

[@nahedhassn]

فعلا كلام حضرتك صح الحمد لله
قربت من ربنا وبقي عندي ثبات انفعالي وبقا عندي ثقه في نفسي وقويه بالعقل بعد ضعف وكنت هشه جدا واي حد بيقول عليا غلبانه ضعيفة بفضل الله ثم حضرتك كنت بتحرج ارد علي اي حد يزعلني بعد سماع فيديو الخوف

[@SalsalGhxx]

ليش ضحية النرجسى أحيانا بتشوف حجم الضرر والذل لي هي فيه مع النرجسي وتقول خلاص راح اخرج من هاذ الالم وانفصل واحيانا اخرى بتتناسى كلشي وكأنها بتعمل ضباب على الأذى والقهر لي بتعيشه يعني كل مرة بتفكير وحتى الأحاسيس و المشاعر يتغيرو ليش ؟؟؟؟؟ من فضلك استاذتي الفاضلة ابحثي في الموضوع واعملينا فيديو

[@SouadSouad-me4sx]

نفس حالي بالضبط

[@fikraalamatni2021]

لأنه النرجسي بيعطيك الفتات من فترة للثانية وكونك متعاطفه ومشتاقة للحب بتقبلي بالقليل وبتنسي الإساءة وهكذا ذواليك وتستمر حياتك مع دورة الحياة النرجسية

[@اللهالسلاماللهالمحبة]

ولما يكون أبوه نرجسي .. يعني أنا عشت ما عائلة كلهم نرجسيين من زوجي لخوات زوجي الستة .. يعني عمري ما شفت يوم حلو والله إلهم أي فائدة غير ضياع العمر

[@عبداللهاثير-خ7ح]

سبحان الله كل شخص مسير لما خلق له . في كل حلقة كأنك تتكلمين عن حالي مع النرجسي ....شكرا جزيلا على الدعم المعنوي وعلى كمية الصدق والامانة في الفديوهات التي تقدمينها لنا شكرا على المجهود الجبار على الصوت الرخيم شكرا على كل شيء❤❤❤

[@arwaalkhulaqi2556]

نتعلم مانكون زيهم ونتعلم انه كل البشر ناقصون ونرجع له وحده الكامل الصمد الغرض اننا نتعلق بالله الواحد الاحد الفرد الصمد

[@راجيةالفردوسالأعلى-ث1ي]

ربنا ينور طريقك عند عبور الصراط المستقيم كما نورتي عقولنا بحبك في الله ❤ألف سلامة على حضرتك شفاك الله وعفاكي طهور بإذن الله

[@ماماصفاءواولادها]

الله تعالى أراد لنا أن نزكي أنفسنا دائما بدون كلل ... فابتلانا بنرجسي ذو نفس طويل .... لابيعرف يتركنا ولا بنعرف نتركه ....
رضيت يارب بما رضيته لي لأنك أعلم مني بنفسي الكسولة التي يمكن أن لا تتربى الا بمثل هذا الابتلاء وهذا الجحيم الدنيوي اللي لولاه لممكن أكون من أهل الجحيم الأبدي والعياذ بالله .... لا يكلف الله نفسا إلا وسعها.... اللهم لك الحمد أنت رب السموات والأرض ومن فيهن

[@azzaraafat8587]

انا كمان اتعلمت من الناس اللى عندهم نقص وبحاول احسن من نفسي

[@amirarefaat7319]

اكيد احنا مجموعة ربنا بيعدنا لشيء مهم جدا في الحياة

[@FawziyaAlHarthi]

استاذة كوثر الله يبارك فيك حابة اسلوبك انك بتكتبي النقاط جدا ،شكرا وجزاك الله خيرا في ميزان حسناتك، مثل ما قلتي في نساء راح من عمرهم كثير اعمارهم في الستين اكتشفو النرجسيين لما قربو الستين عرفو الحقيقة للاسف وهذه هو الوقت اللي الله كتب لهم انهم يكتشفو النرجسي .الله يعطيهم الاجر في الدنيا والآخرة ويرزقهم جنات الفردوس الأعلى ،ويغفر لهم ذنوبهم وما اقترفو

[@abeerbayoumy7432]

فعلا يا دكتوره ابتلاء النرجسي دي رساله من الله لي والحمد لله عرفت سبب الابتلاء والهدف منه انتي يا دكتوره رسول من الله يرشدنا الي الطريق الصحيح

[@hkamallo4423]

جزاكِ الله كل خير يا دكتورة أشكرك من كل قلبي و الله فعلاً في داخل المحنة منحة لا تقدر بثمن
مثل اللؤلؤ اللي مدفون في قاع المحيط تتعبي و تجاهدي لحد ما تلاقي الكنز اللي ربنا أراد إنك توصليله
نسأل الله أن يثبت قلوبنا على الإيمان و يرزقنا الرضا بما قسم و يعيننا على أنفسنا و على الشيطان
و أكرر شكري ليك لأن كلامك فيه طبطبة و راحة نفسية غير عادية أحب أسمعلك باستمرار لما أكون متضايقة

[@sososmsm1886]

عجبنى عنوان الفيديو قبل ما اتفرج
ما فائد النرجسي فى حياتى
الاجابه تكفير ذنوب 😂

[@LotfiLatif-mu7pu]

اذا اعتبرناه تكفير للذنووب فنحن زدنا ذنوب لذنوبنا لاننا في الاول صبرنا ولم نشتكي لاحد ولكن في الاخير فشلنا وتذمرنا وبدانا نتكلم عن الترجسي ونعيب عليه تصرفاته وبدانا نفكر في الهروب منه وهذا ينقص من حسناتنا وربما خسرنا عمر الكفاح والصبر ودخلنا في مرحلة الوقوف في وجهه والتصدي له ومحاولة قهره والتعبير عن عدم الرضا به وعليه لاندري اي مسلك هو الصح

[@sososmsm1886]

@@LotfiLatif-mu7pu الصبر ولم نشتكي أملا فى الهدايه من الله تعالى وكنا جهلاء بالنوعيه دى من البشر وأنهم مرضي نفسين واذا وجدنا المخرج للخروج من دائره العيش مع النرجسي نبتعد عنه اما اذا لم يوجد مخرج فالتعايش والصبر على الابتلاء فى كل حال الاقتراب من الله تعالى يريح النفس ويبعد الحيره

[@LotfiLatif-mu7pu]

@@sososmsm1886 ماقلته صحيح كنا. صابرين على امل انه بصبرنا وتحملنا وتمسكنا به سيتغير يفهمنا اننا نود العيش. معه نريد اسرة فيها المودة والرحمة صبرنا سنين وضعينا احلى السنين من عمرنا في العذاب المهين وقلنا لعل يفعل بعد ذلك امرا ولكن..... لم نكن نعرف انه نرجسي وانه نار تحرق الاخضر واليابس وتمتد للاولاد وكان لنا الفخر اننا نصبر ليتربى اولادنا في اسرة فيها أم وأب. ولم يبق لنا غير حسرات الندم ولا نقول اليوموحسبنا الله ونعم الوكيل

[@halamamdouh6950]

فيديو الكلام فيه جه فى وقته وكأنه رساله من ربنا ليا ❤

[@sherihanshaaban6559]

حبيبتي شكلك تعبانة الف مليون سلامه عليكي والله اني احبك في الله

[@dodomagr6604]

فيديو رائع جدا وموفق
جزاك الله خير انا فعلا قابلت ناس كتير وحشة بصفات مختلفة وده عاملى صدمة فى الاول وبعد كده سألت ربنا يعلمنى وبقيت اهدى الحمدلله بس بعانى مع زوجى والفيديو جه فى وقته ربنا يجعله فى ميزان حسناتك

[@randamohamed695]

فعلا فيديو يستحق شهادة تقدير.....شكرا لا تكفي سيدتي ...اللهم يزيدك من الفهم والنفع للبشر..تحياتي لشخصك الراقي❤❤❤

[@azzanawar3230]

أنا اكتشفت نفسى وان الله المستعان وربنا علمنى الصبر وتغيرت كثير ا جدا عن زمان

[@nahedfathy7774]

جزاكى الله خيرا اعظم فايده من الحياه مع النرجسي هى التقرب من الله وان مفيش اعظم وأحسن سند وعون الا التقرب من الله عز وجل الحمد لله والشكر لله

[@najlaahassan4765]

ربنا يحفظك ويستخدمك ولا يستبدلك اللهم آمين والصلاة والسلام على سيدنا محمد صلى الله عليه وسلم... جزاكم الله خيرا ماما كوثر

[@سماحالهاشمي-د8ع]

ماشاء الله تبارك الله الله يحفظك ويسعدك ويوفقك ويرزقك من واسع فضله وكرمه يا استاذه كوثر ..المشكله كل ماتعيشي معاهم سواءا زوج او ام او اخت حالهم بيزيد ...نسال الله السلامه والعافيه يارب والله يجبرنا الجبر الجميل يارب ويرزقنا السكينه يارب

[@umyoussef4630]

كلامك صعب عليا بس انتي صح وريحتيني خلتيني أرضى بحالى الحمدلله على كل حال

[@omhager7183]

لسه ابني ضحية ابوه نرجسي بيقولي احنا هندخل الجنه بسببه😂 على كل العمايل اللي بيعملها معانا دي

[@ايمانعيد-غ2ظ]

للاسف يادكتورة، انا كل عيلتي نرجسيين، امي وابي واخي وزوجي 😢،

[@خديجةخضر-ظ2ظ]

❤❤❤حبيبتي جزاك الله كل خير أنا حاسه إنك تعبانه ألف مليون سلامه عليكي ربنا يتمم شفاكي علي خير يارب

[@HayatNaithassou]

دكتورة أتابعك من مدة طويلة واستفدت كثيرا من فيديوهاتك ولكن هذا لمسني وبشدة وأنا فعلا بدات اطبق هذا الكلام من تلقاء نفسي ولكن انت أكدت لي بأنني على الطريق الصحيح إن شاء الله ،نسأل الله الإخلاص والتوفيق والسداد يااارب

[@طريقالنور-ح3غ]

شكرا لك كثيرا الان فقط بدءت إفهم رسالتي مع النرجسي الخفي المتدين

[@ronarania682]

الف سلامة عليكى حبيبتى باين عندك برد شفاكى الله وعافاكى ❤

[@ftmayd6835]

لا دكتورة مستحيل تكون دي الرسالة ده وضع بيخليك متعصبة من جوة وساخطة على كل حاجة الوضع ده بيتعبك انت وعيالك واهلك كمان ممكن مع الوقت ممكن تبقي زيه او تفقدي الشغف تماما تتجردي من الانساية تماما او ممكن يوصلك للانتحار اعتقد انه مافيش اي رسالة غير انه تتعلمي المواجهة واخذ القرار

[@ebtisamahmed2013]

ربي يسعدك ويحفظك كلامك في الجرح واقوي واكمل اجابه ❤❤❤

[@sprachentandem]

العلام الصح مكلف جدا ❤
فيديوهات حضرتك بتلحقني كل مرة بشوفها بحس انك بتكلميني

[@asooazzawi9669]

دائما يحط مسوإليه عليه وخطاء احسسني كني مجرمه يتعامل وياه

[@bbs90sm]

كلامك مريح جدا سيدتي❤

[@نوراحمد-ه7ش]

انا بشكر حضرتك جدا علي الفيديو الرائع وربنا يجازيك خير ..حضرتك جاوبتي علي أهم سؤال ليه انا جوزي نرجسي مش زوج طيب خاصة أن بابا وماما طيبين جدا ومش نرجسين وانا كنت فاكرة أن البشر كلهم كدة لحاد ما وقعت مع نرجسي ذكي جدا وكتوم ثانيا كان في أحد الدعاة الصالحين كان يقول لو حد قالك علي نصيحة او كلمة تقربك من ربنا دي رسالة من ربنا اوعك تهملها لأنك يوم القيامة ربنا حيقولك انا بعت لك رسول في صورة فيديو او صاحب أو جار أو عابر سبيل يقابلك بصراحة ماكنتش بهتم بكلام الشيخ بس حضرتك فهمتيني

[@nuhamahmood3192]

❤والله العظيم فعلا ميه ميه ابدا ماكنت افهم روحي ربنا يبارك لك في صحتك وعافيتك يارب استاذه كوثر حبيبتي ❤

[@ganetelward7144]

وحقيقي وجودك في حياتي أكبر رساله وداعم ليا جزاكى الله خيرا

[@NabilaAl-Ghamry]

السلام عليكم ورحمة الله وبركاته، والله كل كلام حضرتك بييجي لي في وقته، ربنا يجازىكي كل الخير، فعلا كل ده عشناه وربنا استعملنا في نشر الخير، نسأل الله الإخلاص والقبول

[@monadrwish7719]

ربنا يجازيكي خيرا يا دكتورة فيدوهاتك فرقت معايا كتيييير وكل ما باضعف اتفرج عليها تاني دومتي بخير

[@محمدحسن-ل3ي8ب]

اعداء النجاح هما اللي مضيعين حقوقنا في الحياه ماما

[@MARWAHFAEZ]

ياالله
ربي يسعدك ويجزاك بالخير يادكتوره كوثر
حقيقي هدي رسالة الله لي في داالوقت المبارك والله اني كلما قلتي كلمه وانا ادعي لك واقول اي والله فهمت الرساله
عسى الله يسعدك ويفتح عليك فتوح العارفين ويكرمك بخيري الدنيا والاخره
ويجزاك عنا كل خير 💖

[@طيف-ل2د]

الله عليك ❤❤ كلام يخش القلب ❤

[@hanansarhan7457]

ربنا يكرمك ويسعد قلبك ويريح بالك يا ملاك ❤

[@HebaMohammed-zn4oj]

شفاكى الله وعفاكى ربنا يوفقك ويسعدك ذى مابتسعدينا

[@ommedhaitham12]

حبيبتي قلبي ❤ماما كوثر❤ ابدعتي فعلا ماشاء الله🎉 ربما يرزقك الجنة ويشفيك يارب❤

[@FaridaAbida-es1qv]

نورك الله أستاذة كوثر ❤❤❤❤❤❤❤

[@fatimaalzhabi2484]

هدا الفيديوا فعلا من اجمل واروع ما سمعت مملوء بالفائدة والارشادات الي بمكانها شكرا لك من القلب ❤

[@ronarania682]

ربنا يباركلك حبيبتى❤

[@zeinababdelrahman5258]

الرسالة بتاعتي
ان اتعلمت الرضا لان كنت بقوله بلساني وقلبي مش راضي واتعلمت تسليم امري لله وافرح بالحاجه اللي افقدها اكتر من اللي امتلكها
والتانية
ان ربنا بس اللي ف قلبي
الحاجه التالتة
في التخلي التجلي وان لا اتعلق بشئ الا الله

[@amirarefaat7319]

جزاك الله خيرا على هذه الكلمات ربنا يجعلها في ميزان حسناتك جيل. جدا جدا
كنت محتاجة لها جدا ❤❤

[@fofozozoo5154]

الف سلامه ع حضرتك يا حبيبتي ❤❤❤فهمت ياحبيبي يارب❤

[@nuhamahmood3192]

الله اكبر دروس ربنا تحمينا فعلا

[@shassan7]

والله يادكتورة الرسالة وصلت بس للاسف حصل عكس اللى قولتيه ، كنت قريبة من ربنا جدا بعدت جدا سنين كنت ببكى لربنا وبتضرع ليه يخلصنى من اابتلاء بس ربنا ماستجابش حسيت ان ربنا مش بيحبنى وانى ماستحقش منه غير الزوج ده مع انى كنت ملتزمة الحمد لله وكنت بتمنى منه زوج متدين
علاقتى باولادى باظت اولادى بيتطاولوا عليا زيه
بعدوا عن الصلاة زي ابوهم بعد ماكنت بحارب عشان يكونوا ملتزمين
فتنا كلنا فى ديننا ، وولادى بقوا غير اسوياء ولا عرفت اعمل اسرة سوية ولا انا اصلا اصبحت سوية
فشلت ف حياتى بعد ماكنت ناجحة بعدنى عن كل طريق نجاح
افقدنى فطرتى الجميلة الطيبة وبقيت شرسة زيه
خسرت كل حاجة فى خياتى طموخاتى وولادى وصخاى وقربى من ربنا وسلامى الداخلى وتفاؤلى وحبى للحياة
اصبحت عايشة على مهدئات
فين الخير ؟!!!

[@azzaraafat8587]

جزاك الله خيرا دكتور فعلا كل كلامك مظبوط بالملى.

[@safaaamir4380]

لا باس طهور ان شاء الله .. الف سلامه يادكتوره .. ربنا يمتعك بالصحه و العافيه ❤️ ..
حلقه رائعه .. شكراً جزيلاً لحضرتك

[@monaalasmari7826]

شكرا لك كلامك جدا جميييل الله يرضى عليك في الدنيا والآخرة

[@Monaamer-rp3id]

شكرا علي هذة الحلقة الرائعة جزاكي الله عنا كل خير ❤

[@arwaaams1317]

بارك الله فيك وجعله في ميزان حسناتك
نفعتينا بعلمك وتغيرت شخصيتنا للاحسن بفضل الله وبفضلك

[@abeerbayoumy7432]

ربنا يخليكي لينا ويبارك فيكي دكتوره كوثر

[@شروقالشمس-ل8ظ]

ربنا يجزيك كل خير استاذة كوثر بحبك في الله ❤صحة وعافية على حضرتك يا استاذة كوثر

[@happiness4all]

من أروع الحلقات ربنا يجازيكي ويسعدك يدكتورة بحبك اوي ❤❤❤

[@raniahafez4543]

كم أنت رائعة❤

[@gomanamohammed7982]

ياريت حضرتك تعملي حلقة عن تقليد الابن للاب النرجسي في كل سلوكياته خايفه يبقي زي والده انا عارف ان الطفل نرجسي بطبعه ولا يمكن الحكم علي الطفل بأنه نرجسي الا بعد ١٨ سنه بس ملاحظة انه بيكذب كتير ع زميله في الفصل بهدف التعالي عليهم وكمان دايما بيحاول يجذب انتباهي ليه هو بس حتي لو بفعل أخطاء لكي اهتم به هو

[@doaanasreldin1135]

الله عليكي .. ربنا يرزقك بكل حرف قلتيه سعاده و بركه و توفيق ❤

[@kyyy359]

فعلا دايما بحكي ما بدي اطلع زي شخصية امي الاعتمادية 😅😅

[@user-vx7jo8qr3z]

انت اروع انسانه ساعدتنا كلنا علي فهم النرجسي كتب الله أجرك وشكرا لك سعيك ويجعله ماتعملينا لنساء المسلمين في ميزان حسناتك

[@user-vx7jo8qr3z]

سمعت اغلب فيديوهاتك بس ذا الفيديو هو الأروع وانا محضوظه اني سمعته❤❤❤

[@Elather_eltayep]

ربنا يبارك في حضرتك اتعلمت من حضرتك كتير

[@ftmayd6835]

حبيبت قلبي يا دكتورة انا بحبك قوي انت المنفذ لوحيد لي

[@gamilajad5730]

الف سلامه عليكي من صوتك باين انك تعبانة كنتى وحشانى جدا كل يوم الصبح ادخل ادور على الفيديو الجديد ❤

[@يامنةمسرار]

كلامك على حق انا ممتنة له كل ماقلتي ينطبق على بشكرك

[@Elsaberaa-nr6yy]

ده احسن واروع فيديو سمعته ربنا يبارك في حضرتك يا دكتورة وربنا يوفقنا الي ما فيه خيراً لنا ولابنائنا وللامة الإسلامية يارب العالمين 🌹 ربي إني مسني الضر وانت ارحم الراحمين ،انما اشكو بأسي وحزني الي الله.
اروع دكتورة بالعالم ربي يحفظك ويسعدك يارب العالمين 🌹.

[@SANIAQRETAM]

سبحان الله والله كنت بقول لربنا كده النهارده فعلا كنتي حضرتك رساله ليه بس مش عارفه ابدا ازاي حاسه في هدف بس مش عارفه ابدا واني مع زوجي وعيالي مش مكاني بس بحب عيالي وهما بيحبوني اكتر منه وكل لما امشي ارجع علشانهم وهو متزوج من اخري طيب دلوقتي انا بحب القران جدا ونفسي ربنا يبعتلي فلوس علشان افتح دار كبيره ده حلمي جدا اني اساعد اي انسان محتاج كلامك لمسني جدا كأنه ليه انا ابدا ازاي

[@HanaHnona-gu4fk]

جميل جدا يا دكتورة الله يفتح عليك بالخير يارب
الحمد لله بعد 10سنوات دمار مع النرجسى وصلت لهذا المنطق
بعدما حرمني من أولادي لكن بحس في بعدو راحة عظيمة وقرب من ربنا
والحمد لله على كل حال

[@الرونقالرونق-ز3ز]

وين أولادك
كم أعمارهم
هل القرب من الله بنسيكي بعد أولادك

[@HanaHnona-gu4fk]

@@الرونقالرونق-ز3ز ما نسنيش والله لكن عسى ان تكرهو شيئا وهو خير لكم
بهذا المنطق ممكن خيرا لي ولهم واكيد انا سعيت كتير بالمحاكم وبكل الطرق لكن ما تمكتنش منهم ولو أراد الله ذلك لكان رغم انهم جميعا لكن قدر الله هكذا ونعم بالله 😥

[@إنتظارالفرج-ش9ص]

جزاكي الله عنا خير الجزاء يادكتورة كوثر من فضل الله علي انه ابتلاني بزوج نرجسي ولكنه لم يتركني لهوى نفسي وقربي من الله هو الذي عصمني من الأخطاء يبتلينا الله على قدر استطاعتنا فحاشا لله ان يحملنا مالاطاقة لنا به

[@lamiaasadeldeen5322]

ماشاء الله
الله يزيدك نفع وعلم وفهم

[@hanaagaber9267]

اللهم صل وسلم وبارك على نبينا محمد وعلى اله وصحبه وسلم تسليما كثيرا جزاكم الله خيرا ❤

[@rashasioufi439]

ماشاء الله...مليون لايك👍👍👍👍

[@AliAliko-wq3ez]

روئيا في قمة الروعة الدكتورة المحترمة كوثر سند!؟.

[@emankasem1448]

الف سلامة عليكى حببتى واضح على صوتك انك تعبانه وشكرا على الفديو الجميل ده

[@lamismissa5620]

بارك الله فيك ❤

[@yaghazyaghaz5296]

جزاك الله خير الجزاء

[@mohamedwalidalmanzalawy7085]

ربنا يعزك ويرفع قدرك

[@fatemahbarrak9067]

❤الفيديو هذا يفوز رقم ١❤

[@hodahoda6649]

ربنا بيكسفنا لنفسنا بيهم عشان نصلح نفسنا من خلالها.. هما مراية لينا ع فكره