كنا نعمر البابور ونكبس له والابرة نظبط الشعلة ونحط الباستيلا عليه ونقفل باب الحمام اللي كان من الخشب بازاز من فوق ونسيبه يدفي الحمام وبعد شوية ناخد الليفة والحجر والصابونة وتدخل بقا ويا سيدي علي الدفا وبتبقي وانت بتغير هدومك بكل اريحية ولا مقرفص في نفسك ولا كاشش وضلوعك عمالة ترقص والبخار طالع بقا بيخليك وانت بتمرش بيطلع كل الدهون ويفتح المسام ومن كتر المرش جسمك بيحمر وصوت الوش ده تحس انه خلفية موسيقية تبتدي يطلع العندليب اللي جواك وتغني وتدندن رغم انه حرام بس كنت بتحس انك متسلطن وبتتمطع تمتطيع عشان دفيان ومفيش سهلوب الهوا ده ولا سنانك بتخبط في بعض والميه السخنة بقا تفك العضم وتطلع الرطوبة من عضمك اللي هما دلوقتي بمفهوم العصر اسمه ساونا وحمام مغربي وجاكوزي وصبا وبعد مانخلص الحوماية بنشف جسمنا بالفوطة بنلبس هدومنا جوا الحمام ونطلع ناخد البابور نحطه ف الاوضة ونجري ندفس نفسنا تحت اللحاف وامهاتنا كانوا يعملوا لنا اي اكلة عليه او شوية سحلب او كاكاو كورونا والواحد بصراحة كان بيطلع من حوماية البابور دي فلة كده مبيض وقشطة كأنه عريس دلوقتي والله لو نقعت نفسك بالساعات برضو نفس السحنة قبح الله هذه التكنولوجيا اللي ضرت اكتر مانفعت والفيديو ده خلاني اتحمس ان اشتري بابور والله لاعملها وليذهب السخان الي الجحيم ويا مرحب بوابور حبنا
ايه الجمال ده كانت امى بتشغلنا البابور فى الحمام وتسخن مايه وانا كنت استنى اخر واحده عشان افضل اطول وقت لحد ما البابور يشحط والله اجمل واحلى ايام ياريتها ترجع تانى بجد شكرا لحضرتك ع كميه الدفا والراحه اللى بحسها لما بستمتع بفيديوهاتك ❤
@heartheart2589الجاز اللى عند الموان علية نسبة تنر وخطر لا يصلح الجاز الابيض فى منافذ بيع مصر البترول والبديل السولار وانتظر مقطع قريب على القناة عندى لتنقية السولار
رجعتني لسنين جميلة مليئة بالذكريات ذكريات الطفولة البريئة باستلية المية فوق البابور في الحمام وعندما تسخن المياة يبدأ الإستعداد لحماية يوم الجمعة مساءا ثم الذهاب للسرير والنوم علي هذا الصوت الرائع. ياليت هذه الأيام تأتي ولو ليوم واحد
امهاتنا مجاهدات في الحياة كانت الحياة صعبة كثير مع ذلك عشنا اجمل ايام مثال على ذلك البابور .. ......صوته يمثل سعادة و راحة نفسية رحم الله آباءنا و امهاتنا جمعيا شكرا شكرا على الفيديو ..... أستمر
❤❤❤❤بجد مش عارفه اقول ايه على الجمال اللي بتقدمه راحه نفسيه وبتفصلنا عن الواقع اللي احنا فيه ناس كتير بتقول انتي مجنونه بتنامي على الازعاج ده ميعرفوش ان الصوت ده يوديك عالم تاني خالص شكرا لزوقك العالي
كونت زمان افرح اوي لما امي الله يرحمها ويغفر لها تسخن المياه عليه وكون اقعد قدمه لغايه ما انام كانت ايام حلوه وجميله الف شكر لك رجعتنا رجعتنا لأيام زمان وحلوتها واجمل الذكريات الجميلة
بصراحة اجمل فيديو بأيام الشتاء وقت النوم بحط عليه وشغلو ونام على صوته وراجع ذكريات الماضي والدفء والحنان مع الحنونة الوالدة ربي يرحمها ويرحم امهاتنا واباءنا جميع
الله الله ع احلي ذكريات واحلي صوت واحلي دفا لسة كنت بقول لماما ع البابور قلتلي هشغلهولك ما اروح عندها❤❤❤😊لو احكي عن اجمل ذكريات وسط تيتة وجدو وامي وبابا وعمامي وعمتي ونقعد والبابور ف النص واحنا حوالية والحكايات الجميلة والكتاكيت حولين مننا يَاا ع دي ايام ياريت ترجع الواحد مكنش شايل هم والله❤❤😢😢😢 الله يرحم اجدادي يارب العالمين😢😢 وجمعة مباركة عليكم وعلينا يارب ❤
اللهم صل وسلم وبارك على سيدنا محمد صلى الله عليه وسلم وبارك الله فيك يا استاذ تامر جمعه مباركه سعيدة معطرة برائحة المسك والعنبر والعطور الورد والفل والياسمين عليك يا استاذ تامر أية الجمال ده الله يسعدك زي ما بتسعدنا فيديوهاتك رائعة وجميلة جدا والله العظيم حضرتك بترجع الزمن الجميل ياسلام على جمال صوت باجور الجاز الله يسعدك الله يسعدك الله يسعدك يفرح قلبك ❤
ياسلام على الجمال أحلى أيام لما كنا صغار كانت امى تشغله تغلى عليه المايه للغسيل وللحمى وكانت بتعمل عليه الأكل كنت بنام على صوته 😂وكنا بنولعه عشان ندفي الاوضه في الشتاء ياريت لو ترجع ايامه
ما أحلى هذا الصوت فى ليالى الشتاء الباردة ومع إضاءة خافتة ومشروب ساخن وإنت تحت البطانية وبعدين تنام على هذا الصوت الجميل مع استرجاع لذكرياتك فى الطفولة ولمة العيلة وجدتك وحكاويها وبراءة وطيبة افتقدنها وبعدين تنام من غير ما تحس
الفيديو ده فكرني ببيت تيتا تحية وجدو احمد في محافظه المنيا الله يرحمهم كانو يفضلو طول النهار يقرأو قران هي شوية وهو يسمع وهو شوية وهي تسمع ماسكين في ايد بعض اللهم بارك جدتي ديه كانت بتختم القران كل ٣ او ٤ ايام تقريبا ماشاء الله احنا كنا في القاهرة وبنروح نزورهم في اجازة الصيف كان بيتهم جمييييبل وداافي وواااااااسع بيوت زمان ام شبابيك عالية وسقف عالي وكرانيش في السقف وعواميد رخام تخينة غرفة مسافرين فيها صالون ضخم ومكتب وليه باب دخول لوحده غير باب الشقة الرئيسي بلكونة واخدة ناصيتين كبيرة جداا مفتوح عليها شبابيك و ابواب لكل غرفة وفي اخر البلكونة خالص غرفة كبيرة ليها باب تاني ضخم كانت عبارة عن مطبخ كبير جواه سفرة قديمة محطوط عليها كراتين الكحك والبسكوت والغريبة وجواه المطبخ مطبخ تاني صغير جواه البوتجاز والنملية وفي اخر المطبخ حوض خارجي نغسل فيه ايدينا بعد الاكل كان لونه ابيض وفوقيه إيشاني ابيض و كان فيه حمامين في اخر المطبخ حمام للتواليت صغير وحمام تاني اكبر فيه دش عالي ووابور وغسالة عادية وبستلات تسخين المياه وطشت غسيل كبيييييييير من كتر كبر البيت اما كنت اكون عايزة ادخل الحمام بالليل كنت اصحي اخويا يروح معايا يستناني 😂 وهو كذلك و طول الليل نستني بعض من الخوف 😅 فكرتني بايام جميلة تسلم ❤❤❤ ادعولهم بالرحمة والمغفرة وابويا واموات المسلمين اجمعين
يا أهل الدار وحشتونا روحتوا خلاص وسبتونا معدشى لنا حبايب من بعد ما فرقتونا راحوا أصحاب الدار الطيبين اللى كانوا دايما مسامحين حنيه فى القلب قبل العين بقينا فى زمن كله انين و قلوب اسود من الطين زمن كله غدارين راحت إيامكم خلاص من بعدكم معدشى فى اخلاص النيه مش صافيه ولا عاد فيه احساس وتوهنا وتاهت الأصول كله عاد بيقول بقى شى فظيع ومش معقول يا أهل الدار ساكنها الاغراب معدشى لنا فيها احباب وكل شى اتغير من كبير لصغير والعقل خلاص اتحير إيامكم تانى مش هتعود بنحلف بها لحد دلوقتى وربنا المعبود معدشى منكم فى الوجود شوقنا لكم على طول موجود الله يرحمكم ويرحم ايامكم
ياه علي الذكريات الجميلة ❤فكرتني بي امي ربنا يعطيها الصحه والعافيه وهي كانت تولعه ودخلو لينا عشان مش نسقع انا واخواتي ربنا يسعد ايامك زي ما بتسعدنا بي فديوهاتك الجميلة ❤ جمعه مباركه للجميع ❤
شكرا استاذ تامر بجد رجعتني لأيام جميله فيها كل الدفا والحب والونس الله يرحمك يابابا حبيبي كان دائما يشغل البابور ويدفينا عليه في الشتا وامي ربنا يعطيها الصحه تعمل عليه الاكل وافضل قاعده جمب البابور لحد مايطفي لوحده وكنت بحسب نفسي اني انا بس اللي بحب صوته وأنام علي صوته الحمد لله مطلعتش لوحدي في حزب ليا كمان شكرا جدا لحضرتك
ربنا يفك كربك ويفرج همك ويجمع شملكم ببركة الصلاه علي سيدنا محمد وعلي اله وصحبه وسلم صلاة تنحل بها العقد وتنفك بها الكروب وتزيل بها الهموم وتنشرح بها الصدور امين يارب العالمين
فعلا لكل فنان ابداع وفنك احياء الذكرى الجميلة الذي لاتنسى صوته بنسبة لي ع حسب علاوته كنا نضحك ولا يزعجنا فيه شى لان البركة والمحبة لا تفارقنا ابدا وكنت احب صوته من اجل ان انام ع انغامه لان الحياة كانت بسيطة
تسلم ايدك والله على اجمل صوت هدوء تام وراحه بال لما بسمع الصوت ده ذكريات جميله جدا انا دلوقتى مشغل البابور عندى فى البيت داخل على الفيديو اقرا تعليقات الجميله بجد الله ينور عليك ❤❤❤
كانت ام تعمل لنا احلى حله محشي علي الصوت على الباجور احلى سنين العمر ايام التسعينات والثمانينات وكل خميس لما نخش نستحمى وناخد الباجور معانا كانت احلى ايام العمر الله يرحمك يا امي فكرتنا بايام عمرها ما تتعوض تاني
شي جميل يذكرنا بالايام الجميلة وتنسى العالم واللي فيه بمجرد سماع صوته تشعر بدفء خاصة أيام الشتاء له ذكريات جميلة معي ايام الطفولة حتى كنت انام على صوته
كنت ف شقة اول ما اتجوزت فى مكان بيقطع فيه النور بالاربع ايام فكنت اولع لمبة الجاز والبابور كان بينورلى وبيدفينى وصوته بيونسنى الله على هذا الاحساس ما احلاه وكنت انام على هذا الصوت بونسه
وانا كمان مكنتش باقدر اقوم من قدامه....اقول لامى ماتطفيهوش الا اما اقوم....لان لو طفته قدامى بزعل جدااا....ربنا يرجع احلى ايام....وانا الحقيقه باستمتع جدا اما باقرا التعليقات شكرا للجميع وحضرتك استاذ تامر❤
اللهم صل وسلم وبارك علي سيدنا محمد صل الله عليه وسلم تسلم ايدك ياستاذ تامر الوحد لم بسمع الصوت الببور بحس باحسس غريب الهو الدمغ بتلف الي زمن الناس الطيبن ايام البركة ايم الخير ام اليوم نحنو في زمن السرعات ❤❤❤❤❤❤
ياه علي ايام زمان والذكريات الحلوة كان فيهاالدفء والحنان والعطاء والناس الطيبة ياريتهاترجع من تاني والله يرحم والدتي كانت بتشغله ونقعد حواليه ندفاربنايديم عليناالصحة والخيروراحة البال اللهم امين
ربنا يسعدك ويرزقك الصحة والعافية والستر وطولت العمر والله انا بكون مبسوطه جدا لما اشوف فيديوهاتك الجديد معلش احنا بنتعبك معنا بس بصراحة احسن فيديوهات بشوفها عند حضرتك والله ومش مجامله والله تسلم الأيادي يا ملك الفيديوهات ❤😊😊@@tamr1411
بحب الصوت دا جدا كنت بشغل الباجور دا رغم كان عندنا بتوجازت والله كان لازم يشتغل علشان اوافق اطبخ افضل قاعده جمبه واغني الله علي ايامه كانت جميله كنت لسه صغيره ماتزوجتش لسه كانت اجمل ايام 😅😅😅😅
انا مش مصدقه بجد انا ذكرياتي مع البابور وانا طفله باحب انام علي صوته ودلوقت للاسف معنديش بابور بس احلي حاجه اني من اليوم هانام علي صوت الفيديو ده كل يوم متشكره ليك بجد
احنا بقا كان عندنا حمامين ومطبخ جميل وطرقه طويله وشبابيك حديد مدخله النور والشمس من كل ناحية.. كنا نسمع صوت الباجور وعليه باستلة الغليا.. وكان في كمان عصايه للغليه والاذيه هههههه لو عملنا اي شقاوه. يوم الغسيل ده كان يوم شاق من بدايته من 8الصبح جدتي كانت تفضل تغسل وتزهر ياعيني للضهر.. نرجع من المدرسه نلائي الطبليه وعليها خيرات ربنا. بصاره بدنجان وعيش مقمر سخن ناكل ونستحما قبل اخر فوم. عشان كل حاجه تبقا زي الفل🌼🥀🍁الله عليكوا 🩷
احلى ايام العمر كله ياريت هترجع تاني وترجعي يا امي الله يرحمك من ساعه ما مشيتي وسبتيني الدنيا ما بقاش لها طعم الله يرحمك يا امي ويجعل مثواك الجنه يا ريت ايامك ترجع تاني
والله ناوي أدور على البابور وأعمل الحكاية دى من نفسي، الإستحمام دلوقت ما لوش طعم، فين الدفا والانقطاع عن العالم الخارجي والنوم في الطشت وكل شوية تزود مياه سخنه من الحله 😂😅
هي كل الناس كانت زيي كنت باخده معايا الحمام استحاله اسيبه كنت بفضل بالساعات جوا وافضل احط مايه كل شويه علشان المايه ماتخلصش❤وافضل اغني ماكانش في سخان لكن كان في بوتجازات بس كنت استمتع بالباجور دا احب اخده معايا ❤ واحب اطبخ واعمل كل حاجه عليه 😂
احلى ايام ايام البرائة والنقاء كانت اي حاجة بتفرحنا وافتكر لما كنا بنشغل الوابور في ايام الشتا زي اللي احنا فيه كدة ونعمل عليه الاكل وانام وانا بتفرج عليه واسمع صوته كانت ايام لما ناكل الذرة المشوي ولا البطاطاا السخنة عليه الله يرحمك يا ماما بطة انتي وبابا كنا شبعانين حب نفس عزيزة وكرم وبيتنا مابيفضاش من القرايب والجيران وكنت اروح اجيب الجاز في الجرجن الملحوس بالجاز من برة عادي خالص واشتري التلج من الراجل اللي في الدكانة اللي اخر الشارع والفول في الطبق واللبن في اللبانة والعيش في ايدينا وهدومنا تتملي ردة عادي خالص احلى ايام كانت كوباية الشاي السادة ليها طعم وسندوتش المفتقةاحلي حاجة وعلى فكرة كنت باخد سندوتشات مفتقة للمدرسة عادي خالص وكان مصروفي شلن والمدرسة جنب البيت فين الايام دي الله يرحم الناس الحلوة اللي رابونا علي القناعة والحب والطبلية اللي كانت مشبعانة والوابور اللي مدفينا بيه
![Seungmin "그렇게, 천천히, 우리(As we are)" | [Stray Kids : SKZ-PLAYER]](http://i.ytimg.com/vi/kAzmhLHePqU/mqdefault.jpg)
كنا نعمر البابور ونكبس له والابرة نظبط الشعلة ونحط الباستيلا عليه ونقفل باب الحمام اللي كان من الخشب بازاز من فوق
ونسيبه يدفي الحمام وبعد شوية ناخد الليفة والحجر والصابونة وتدخل بقا ويا سيدي علي الدفا وبتبقي وانت بتغير هدومك بكل اريحية ولا مقرفص في نفسك ولا كاشش وضلوعك عمالة ترقص والبخار طالع بقا بيخليك وانت بتمرش بيطلع كل الدهون ويفتح المسام ومن كتر المرش جسمك بيحمر وصوت الوش ده تحس انه خلفية موسيقية تبتدي يطلع العندليب اللي جواك وتغني وتدندن رغم انه حرام بس كنت بتحس انك متسلطن وبتتمطع تمتطيع عشان دفيان ومفيش سهلوب الهوا ده ولا سنانك بتخبط في بعض والميه السخنة بقا تفك العضم وتطلع الرطوبة من عضمك
اللي هما دلوقتي بمفهوم العصر اسمه ساونا وحمام مغربي وجاكوزي وصبا
وبعد مانخلص الحوماية بنشف جسمنا بالفوطة بنلبس هدومنا جوا الحمام ونطلع ناخد البابور نحطه ف الاوضة ونجري ندفس نفسنا تحت اللحاف وامهاتنا كانوا يعملوا لنا اي اكلة عليه او شوية سحلب او كاكاو كورونا
والواحد بصراحة كان بيطلع من حوماية البابور دي فلة كده مبيض وقشطة كأنه عريس دلوقتي والله لو نقعت نفسك بالساعات برضو نفس السحنة
قبح الله هذه التكنولوجيا اللي ضرت اكتر مانفعت والفيديو ده خلاني اتحمس ان اشتري بابور والله لاعملها وليذهب السخان الي الجحيم ويا مرحب بوابور حبنا
أجمل ما قيل في وصف الجمال تحياتى لك
ماشاء الله علي قصيدة الغزل في البابور من أجمل الوصف والتعليقات
😂😂زكريات
تقريبا مصر كلها كانت نفس القصه كده
ممكن حد يقولي هو ثمنه كام دلوقتي واجيبه منين
ايه الجمال ده كانت امى بتشغلنا البابور فى الحمام وتسخن مايه وانا كنت استنى اخر واحده عشان افضل اطول وقت لحد ما البابور يشحط والله اجمل واحلى ايام ياريتها ترجع تانى بجد شكرا لحضرتك ع كميه الدفا والراحه اللى بحسها لما بستمتع بفيديوهاتك ❤
@emanelf5m818 كنت بعمل كده انا كمان الله يرحم الايام الجميلة اللي مش هترجع ولا هتتعوض تاني تحياتى لحضرتك وجمعة مباركة على الاسرة الكريمة
وانا كمان كانت بعمل كده احلى واجمل ايام😢
@@tamr1411 جمعه مباركه علينا جميعا
وانا حضرت فى الاوخر سنة 95وكان عندى 7سنين الله يرحم امواتنا جميعا😢
@@DaSd-ux6kn وانا معاكم
البابور فى ناس تقول صوته مزعج انا اقول يعنى انا بس الحب صوته وانام مع صوته اتفاجاءت أن فى ناس زى بتحب البابور من الذكريات الجميلة 🎉😅
تحياتى واهلا بحضرتك نورتينا
جداااااااااااااا وماكان حد غيري يحبه وقتها بس اتفاجئت ان شبهي كثير
انا كنت هتجنن عليه واشترى واحد بس الحمد لله جالى هديه ومن ساعتها وانا بشغله وافضل ابصله وسرحانه ومش بنام الا على صوته الله احلى احساس ❤❤❤❤
الف مبروك اه والله احساس جميل بس اوعي حضرتك تنسي القناة😂
@LolyArwa
@@LolyArwa ممكن اعرف بتجبيلو جاز منين واعرف اشتريه منين لو تعرفي مكان
من الدرب الاحمر... والكيروسين من عند اى محل بويات ياافندم....ربنا يمتعكم بمتع الدنيا والاخر ويسعد ايامنا جميعا❤ه@@hanaamm2458
@heartheart2589الجاز اللى عند الموان علية نسبة تنر وخطر لا يصلح الجاز الابيض فى منافذ بيع مصر البترول والبديل السولار وانتظر مقطع قريب على القناة عندى لتنقية السولار
@@LolyArwa لو سمحت ممكن اعرف من حضرتك بتشغيله ازاى من غير جاااز ابيض
مساء الخير استاذ تامر والله فكرتنا بالماضى الجميل وذكريات. حلوة وحمام يوم الخميس احلى ايام الله يرحم الايام دى ويرحم اهالينا بس بجد وأحباب البابور وكلنا مع بعض بتعوضنا شوية عن الماضى وربنا يديمها علينا لمة حلوة❤❤❤❤وجمعة مباركة عليكم ودمتم بألف خير
الحمدلله و الشكر لله انه جمعنى بناس جميلة الله يسعدكم وجمعة مباركة 🌹🌹🌹
والله فعلا الواحد بيحس بحلاوة اللمه...ربنا يسعدكم جميعا ويجمعنا على الخير ❤
رجعتني لسنين جميلة مليئة بالذكريات ذكريات الطفولة البريئة باستلية المية فوق البابور في الحمام وعندما تسخن المياة يبدأ الإستعداد لحماية يوم الجمعة مساءا ثم الذهاب للسرير والنوم علي هذا الصوت الرائع.
ياليت هذه الأيام تأتي ولو ليوم واحد
😢يريت والله
قول للزمان أرجع يا زمان، ومهما قلت مفيش فايده، راح إللي راح، تحياتي لحضرتك وللجميع.
يا سلام على الجمال ده الصوت الرائع دة بيفكرنا بجد بأيام جميلة وتجمع الأسرة والدفى الحلو اوى بجد يسلم ذوقك استاذى وتحياتى وتقديري لمجهودك الرائع
الله يسلمك جمعة مباركة عليكم
امهاتنا مجاهدات في الحياة
كانت الحياة صعبة كثير مع ذلك عشنا اجمل ايام
مثال على ذلك البابور .. ......صوته يمثل سعادة و راحة نفسية
رحم الله آباءنا و امهاتنا جمعيا
شكرا شكرا على الفيديو ..... أستمر
اللهم امين ليلة سعيدة عليك يا اخى
❤❤❤❤بجد مش عارفه اقول ايه على الجمال اللي بتقدمه راحه نفسيه وبتفصلنا عن الواقع اللي احنا فيه ناس كتير بتقول انتي مجنونه بتنامي على الازعاج ده ميعرفوش ان الصوت ده يوديك عالم تاني خالص شكرا لزوقك العالي
تحياتى لحضرتك يوم سعيد عليكم شكرا جزيلا
@@MaiAhmed-y7p فعلا مود جميل اوي ونفس الشي ناس كتير بتقولي انت مجنون ايه اللي بتنام عليه ده لكن ميعرفوش الاحساس شكرا استاذنا الغالي ♥️
تحياتى
دة حظى حلو اني اشوف الفيديو اول واحدة تسلم ايدك ذكريات لاتنسي
فكرت انو لحالي عم تابع ألحان البابور😊
ده شرف لينا والله جمعة مباركة على جضرتك
🌹 🌹
الله عليك وعلي حلاوتك رجعتنا لايام الزمن الجميل والله كنت باخده معايا الحمام اسخن عليه ميه عشان استحمي واقعد بالساعتين جوه ❤
حبيبى ونعم بالله كلنا انت يا استاذ مصطفى
@tamr1411 ربنا يبارك في عمرك ويحفظك يا غالي والله نفسي ازورك واقعد معاك علي صوت البابور
تنورنى والله يا اخى
وانا كمان كنت بعمل كده
كونت زمان افرح اوي لما امي الله يرحمها ويغفر لها تسخن المياه عليه وكون اقعد قدمه لغايه ما انام كانت ايام حلوه وجميله الف شكر لك رجعتنا رجعتنا لأيام زمان وحلوتها واجمل الذكريات الجميلة
اسأل الله ان يرحمه ويدخله فسيح جناته 😢
ياه على الأيام الجميلة ايام راحة البال والناس الطيبين محتوى جميل جدا نشكرك على الراحه النفسيه
العفو يا استاذ رامي نورتنا
الله علي الجمال
والصوت اللي بيفكرنا بأحلى ايام وذكريات
ناس وحشونا وأيام صافيه
ربنا يبارك في حضرتك ويحفظك يا استاذ تامر
وجمعه مباركه للجميع أن شاء الله
تحياتى لحضرتك جمعة مباركة عليكم
الله على الصوت الجميل الذي كله حنان وعوده إلى ذكريات زمان الجميله التي لا ولان تنسا اللهم صل وسلم على نبينا محمد وعلى آله وصحبه أجمعين
علية الصلاة والسلام
علية افضل الصلاة والسلام❤
بصراحة اجمل فيديو بأيام الشتاء وقت النوم بحط عليه وشغلو ونام على صوته وراجع ذكريات الماضي والدفء والحنان مع الحنونة الوالدة ربي يرحمها ويرحم امهاتنا واباءنا جميع
اللهم امين دا الفديو المفضل عندى وانا كمان بنام عليه
الله الله ع احلي ذكريات واحلي صوت واحلي دفا لسة كنت بقول لماما ع البابور قلتلي هشغلهولك ما اروح عندها❤❤❤😊لو احكي عن اجمل ذكريات وسط تيتة وجدو وامي وبابا وعمامي وعمتي ونقعد والبابور ف النص واحنا حوالية والحكايات الجميلة والكتاكيت حولين مننا يَاا ع دي ايام ياريت ترجع الواحد مكنش شايل هم والله❤❤😢😢😢
الله يرحم اجدادي يارب العالمين😢😢
وجمعة مباركة عليكم وعلينا يارب ❤
فعلا كانت ايام جميله جدا جدا ❤
اجمل سنين العمر😢
ماشاءالله علي الذكريات الجميله قناة حضرتك كنز تسلم ايدك..
الله يسلمك شكرا جدا لحضرتك وشرف لى والله متابعتك
اللهم صل وسلم وبارك على سيدنا محمد صلى الله عليه وسلم وبارك الله فيك يا استاذ تامر جمعه مباركه سعيدة معطرة برائحة المسك والعنبر والعطور الورد والفل والياسمين عليك يا استاذ تامر أية الجمال ده الله يسعدك زي ما بتسعدنا فيديوهاتك رائعة وجميلة جدا والله العظيم حضرتك بترجع الزمن الجميل ياسلام على جمال صوت باجور الجاز الله يسعدك الله يسعدك الله يسعدك يفرح قلبك ❤
علية الصلاة والسلام شكرا على مرورك الكريم والطيب تحياتى لحضرتك جمعة طيبة عليكم
ياسلام على الجمال أحلى أيام لما كنا صغار كانت امى تشغله تغلى عليه المايه للغسيل وللحمى وكانت بتعمل عليه الأكل كنت بنام على صوته 😂وكنا بنولعه عشان ندفي الاوضه في الشتاء ياريت لو ترجع ايامه
كل الاحترام والتقدير لحضرتك تحياتى
يااا على الابداع يستاهل اوسكار والله تسلم ايدك يا استاذ تامر
مش اوى كدة شكرا على ذوئك
حاجة فوق الجمال الواحد كأنة دخل في الة الزمن ورجع حوالي 30 سنة 😮
ما أحلى هذا الصوت فى ليالى الشتاء الباردة ومع إضاءة خافتة ومشروب ساخن وإنت تحت البطانية وبعدين تنام على هذا الصوت الجميل مع استرجاع لذكرياتك فى الطفولة ولمة العيلة وجدتك وحكاويها وبراءة وطيبة افتقدنها وبعدين تنام من غير ما تحس
اتمنى لك وقت سعيد
@tamr1411 ولك بالمثل
دائما متألق ، أمتعتنا بجد ، ليلتك سعيده و جمعه مباركه علي الجميع. ❤️❤️❤️❤️❤️
جمعة مباركة أتمنى أن تصبح على خير وحب وسعادة وراحة بال
اجمل فيديو وذكريات زمان على المنتدى عندي تسلم تسلم يا استاذ تامر
شكرا لحضرتك جدا الله يسعدك
الفيديو ده فكرني ببيت تيتا تحية وجدو احمد في محافظه المنيا الله يرحمهم
كانو يفضلو طول النهار يقرأو قران هي شوية وهو يسمع وهو شوية وهي تسمع ماسكين في ايد بعض اللهم بارك
جدتي ديه كانت بتختم القران كل ٣ او ٤ ايام تقريبا ماشاء الله
احنا كنا في القاهرة وبنروح نزورهم في اجازة الصيف
كان بيتهم جمييييبل وداافي وواااااااسع بيوت زمان ام شبابيك عالية وسقف عالي وكرانيش في السقف وعواميد رخام تخينة غرفة مسافرين فيها صالون ضخم ومكتب وليه باب دخول لوحده غير باب الشقة الرئيسي
بلكونة واخدة ناصيتين كبيرة جداا مفتوح عليها شبابيك و ابواب لكل غرفة وفي اخر البلكونة خالص غرفة كبيرة ليها باب تاني ضخم كانت عبارة عن مطبخ كبير جواه سفرة قديمة محطوط عليها كراتين الكحك والبسكوت والغريبة وجواه المطبخ مطبخ تاني صغير جواه البوتجاز والنملية
وفي اخر المطبخ حوض خارجي نغسل فيه ايدينا بعد الاكل كان لونه ابيض وفوقيه إيشاني ابيض
و كان فيه حمامين في اخر المطبخ حمام للتواليت صغير
وحمام تاني اكبر فيه دش عالي ووابور وغسالة عادية وبستلات تسخين المياه وطشت غسيل كبيييييييير
من كتر كبر البيت اما كنت اكون عايزة ادخل الحمام بالليل كنت اصحي اخويا يروح معايا يستناني 😂 وهو كذلك و طول الليل نستني بعض من الخوف 😅
فكرتني بايام جميلة تسلم ❤❤❤
ادعولهم بالرحمة والمغفرة وابويا واموات المسلمين اجمعين
الله يرحمهم جميعا ويحسن اليهم ويجمعنا بيهم فى جناته شكرا على المرور الكريم
الله ع الجمال كنت بستنا اليوم ده وانا. صغيره وامي الله يرحمها تسرحلي شعري كانت كل حاجه جميله ومفرحه ساعتها
الله يرحمها ويغفر لها ويسكنها فسيح جناته
@tamr1411 اللهم امين
ياريت لما تفتكروا الاهل والأحباب تذكروهم بالدعاء لهم نسأل الله تعالي أن يجمعنا بهم في الفردوس الأعلى من الجنة
اللهم ارحم روحاً صعدت إليك و لم يعد بيننا و بينها إلا الدعاء وارحمهم و اغفر لهم و انظر اليهم بعين لطفك و كرمك يا أرحم الراحمين
يا أهل الدار وحشتونا
روحتوا خلاص وسبتونا
معدشى لنا حبايب من بعد ما فرقتونا
راحوا أصحاب الدار الطيبين
اللى كانوا دايما مسامحين
حنيه فى القلب قبل العين
بقينا فى زمن كله انين
و قلوب اسود من الطين
زمن كله غدارين
راحت إيامكم خلاص
من بعدكم معدشى فى اخلاص
النيه مش صافيه ولا عاد فيه احساس
وتوهنا وتاهت الأصول
كله عاد بيقول
بقى شى فظيع ومش معقول
يا أهل الدار ساكنها الاغراب
معدشى لنا فيها احباب
وكل شى اتغير من كبير لصغير
والعقل خلاص اتحير
إيامكم تانى مش هتعود
بنحلف بها لحد دلوقتى وربنا المعبود
معدشى منكم فى الوجود
شوقنا لكم على طول موجود
الله يرحمكم ويرحم ايامكم
بارك الله فيك وأسعد الله حياتك برضاه ورحمته
@@MoustafaMahmed-xo1xq يااااه علي كميه الوجع اللي في الكلام خلتني اعيط علي الايام
اجمل حاجه ممكن تفصل الواحد عن اللى هو فيه وترجعه لزمان كانت اجمل ايام 😢 جزاك الله خيرا
اتمنى لك وقت سعيد
تسلم يا استاذ تامر رجعتنا للذكريات والايام الجميله😢😢
سلمك الله من كل سوء
@rerekitchen9480
ياه علي الذكريات الجميلة ❤فكرتني بي امي ربنا يعطيها الصحه والعافيه وهي كانت تولعه ودخلو لينا عشان مش نسقع انا واخواتي ربنا يسعد ايامك زي ما بتسعدنا بي فديوهاتك الجميلة ❤ جمعه مباركه للجميع ❤
الله يحفظه ويخليه لكم ويطول بعمره ويمده بالصحة والعافية ♥جمعة مباركة
اللهم امين يارب العالمين 🤲 @@tamr1411
الزمن الجميل الله يرحم امواتنا كانت ماما الله يرحمها تشغلهولنا وتلمنا حواليها راحت وراح بابا وراحت اجمل ايام العمر 😢
الله يرحمهم ويحسن اليهم ويرحم جميع امواتنا
شكرا استاذ تامر بجد رجعتني لأيام جميله فيها كل الدفا والحب والونس الله يرحمك يابابا حبيبي كان دائما يشغل البابور ويدفينا عليه في الشتا وامي ربنا يعطيها الصحه تعمل عليه الاكل وافضل قاعده جمب البابور لحد مايطفي لوحده وكنت بحسب نفسي اني انا بس اللي بحب صوته وأنام علي صوته الحمد لله مطلعتش لوحدي في حزب ليا كمان شكرا جدا لحضرتك
الله يرحمه ويحسن اليه ويغفر له ويسكنه فسيح جناته ويعطى مامتك الصحة والعافية والعمر الطويل تحياتى لحضرتك وشكرا لمرورك الكريم
انا نفسيتى تعبانه جدا لانى فى كرب ارجو الدعاء لى اخواتى الطيبين بسمع صوت الوابور وبحس انه بيريح اعصابى من كتر التفكير لانه بيخلينى انام
ربنا يفك كربك ويفرج همك ويجمع شملكم ببركة الصلاه علي سيدنا محمد وعلي اله وصحبه وسلم صلاة تنحل بها العقد وتنفك بها الكروب وتزيل بها الهموم وتنشرح بها الصدور امين يارب العالمين
ربى يراضيكى ويجبرك جبر يتعجب منة اهل السماء واهل الارض ويسخر لك الصالحين من عبادة ويرزقك ويزول همك ويحفظك من كل شر
@@sallamrashaad4570 ربنا يفرج عمك وهمنا وهم اهل غزه
ربنا يفرج همك وكربك يا رب
اسال الله العظيم ان يعف عنك
الله على صوته و جماله، عشق الطفوله و ذكريات الزمن الجميل
اتمنى لك وقت سعيد
الفيديو دا محتاج صوت مطر ورعد ..مطر غزير ..الله يسعد ايامك استاذ تامر زي ما بتسعدنا ويصلح حالك ويوفقك..مجمعنا اكننا اسرة واحدة❤❤
فعلا تحياتى لحضرتك ربنا يسعدك ونتجمع دايما بخير
فعلا لكل فنان ابداع وفنك احياء الذكرى الجميلة الذي لاتنسى صوته بنسبة لي ع حسب علاوته كنا نضحك ولا يزعجنا فيه شى لان البركة والمحبة لا تفارقنا ابدا وكنت احب صوته من اجل ان انام ع انغامه لان الحياة كانت بسيطة
شكرا على المرور الطيب يا استاذ خلدون الله يسعد ايامك
تسلم ايدك والله على اجمل صوت هدوء تام وراحه بال لما بسمع الصوت ده ذكريات جميله جدا
انا دلوقتى مشغل البابور عندى فى البيت
داخل على الفيديو اقرا تعليقات الجميله بجد الله ينور عليك ❤❤❤
تحياتى لك يا اخى اتمنى لك وقت سعيد شكرا على مرورك الطيب
كانت ام تعمل لنا احلى حله محشي علي الصوت على الباجور احلى سنين العمر ايام التسعينات والثمانينات وكل خميس لما نخش نستحمى وناخد الباجور معانا كانت احلى ايام العمر الله يرحمك يا امي فكرتنا بايام عمرها ما تتعوض تاني
الله يرحمها ويحسن اليها
الله علي الايام الجميله والفديوهات التحفه الاي بترجعنا لايام زمان
شكرا لمرورك الطيب
دار يادار يادار راحو فين حبيب الدار.. الله يرحم اهلنا والذكريات رجعتنا اعوام مضت ولكن مازالت في القلوب حاضره
الله يرحمك ياابى ويچعل مثواك الجنه اللهم امين يارب العالمين وصلى اللهم على سيدنا محمد وعلى اله وصحبه اجمعين
مهما جددنا حمامات واطورنا للاجمل سيظل الماضى فى اروحنا😢😢
شي جميل يذكرنا بالايام الجميلة وتنسى العالم واللي فيه بمجرد سماع صوته تشعر بدفء خاصة أيام الشتاء له ذكريات جميلة معي ايام الطفولة حتى كنت انام على صوته
اتمنى لك اوقات سعيدة
الله علي الجمال رجعتني لأيام زمان
😘
انا كل يوم في الشغل في البرد أحط السماعات واسترجع أجمل أيام ايام حياتي مع صوت الباجور الجميل
اتمنى لك اوقات سعيدة
كنت ف شقة اول ما اتجوزت فى مكان بيقطع فيه النور بالاربع ايام
فكنت اولع لمبة الجاز والبابور
كان بينورلى وبيدفينى وصوته بيونسنى الله على هذا الاحساس ما احلاه وكنت انام على هذا الصوت بونسه
انا كنت بشغل البابور زمان فى الحمام واصرح فى عالم تانى مخرجش غير لما يشاحط😂
كلنا انت يا صديقى
ههههههه
وانا كمان وكان ممكن انام وانا قعدة وربنا كان بيسترها بدعوة امي والله
وانا كمان مكنتش باقدر اقوم من قدامه....اقول لامى ماتطفيهوش الا اما اقوم....لان لو طفته قدامى بزعل جدااا....ربنا يرجع احلى ايام....وانا الحقيقه باستمتع جدا اما باقرا التعليقات شكرا للجميع وحضرتك استاذ تامر❤
اتمنى لك اوقات سعيدة
@heartheart2589
الصوت عال العال تسلم يا قائد
حبيبى الله يسلمك
اللهم صل وسلم وبارك علي سيدنا محمد صل الله عليه وسلم تسلم ايدك ياستاذ تامر الوحد لم بسمع الصوت الببور بحس باحسس غريب الهو الدمغ بتلف الي زمن الناس الطيبن ايام البركة ايم الخير ام اليوم نحنو في زمن السرعات ❤❤❤❤❤❤
علية الصلاة والسلام ربنا يخرجنا منها على فطرتنا ونشأتنا تحياتى لك ربنا يعزك و يبارك فيك اتمنى لك ليلة سعيدة مليئة بالهدوء والسكينة
احساس القشرة بتاعه ده شئ لا يوصف ياالله على الجمال مش عارف مراتي مش طايقاه ليه
عادى انا كمان زيك مراتى مش بتحب البابور
باسم الله ما شاء الله
وش وش وش …..صوت البابور
متابعك الدكتور
تحياتى لك يا دكتور كل عام وانت بخير
الله على الزمن الجميل كانت امى تشغله يدفى الاوضه علان ننم جد كانت ايام كله بركه وخير
الله عليك الباجور ده العشق كله تحفه من تحف الزمن الجميل ❤❤❤
تحياتى يوم سعيد عليكم
ياه علي ايام زمان والذكريات الحلوة كان فيهاالدفء والحنان والعطاء والناس الطيبة ياريتهاترجع من تاني والله يرحم والدتي كانت بتشغله ونقعد حواليه ندفاربنايديم عليناالصحة والخيروراحة البال اللهم امين
اللهم امين
تسلم افكارك الفيديو جميل❤❤
ليلة سعيد وجمعة مباركة عليكم الله يسلمك
بجد ربنا يسعد ايامك زي ماأسعدتنا ورجعتنا لأجمل أيام كان صديقي الوحيد وونيسي اثناء المذاكره
شكرا جزيلا اتمنى لك اوقات سعيدة
@EmyElsify
الله عل الجمال تسلم يا عم تامر ديمان مبدع عوزين فيديو للغساله بعد اذنك احلي تحيه ليك وجمعه مباركة عليك ❤متبعينك من الشرقيه زقازيق
فعلا الفديو دا كان محتاج الغساله معاه علشان زي ما كان امهتنا بتعمل تغسل وتحمينا يوم الخميس
@HassanHassan-ku6bc حبيبى ان شاء الله تحياتى لك ولاهل الشرقية الغالين
@@emanelaraby2771 ان شاء الله
جميل اوي احلي ايام واحلي ذكريات ❤❤❤❤
ليلة سعيدة على حضرتك
العشق فعلا ياحج تامر فعلا وهوه في الحمام خصوصا بليل خيال
الله ينور عليك ياصديقي ياشبراوي يااصيل بمسي عليك من الشرابيه
حبيبى ابن منطقتى ومسقط رائسى اجمل منطقة فى القاهرة والله نفسى انزل الشرابية بقالى20 سنة مرحتش من ايام الجيش تحياتى لك😘😘
@yasserbadr1046
@tamr1411 تنزلها ان شاءالله علي خير
حبيبى
ربنا يجازيك خير على كل قلب قدرت تسعده وترجعه لاحلى ايام حياته
وأنتم خيرة الخيرة ولولا جهودكم لما تمكنت من المواصلة وا الاستمرار تحياتى اتمنى لك ليلة سعيدة
يا سلام على الجمال كل يوم زي ما ده
اهاا انا السنة دى متوصى اهو ليلة سعيدة على حضرتك وجمعة مباركة
ربنا يسعدك ويرزقك الصحة والعافية والستر وطولت العمر والله انا بكون مبسوطه جدا لما اشوف فيديوهاتك الجديد معلش احنا بنتعبك معنا بس بصراحة احسن فيديوهات بشوفها عند حضرتك والله ومش مجامله والله تسلم الأيادي يا ملك الفيديوهات ❤😊😊@@tamr1411
@Randa-b9dالله يسلمك شرف لى والله متابعتك شكرا جدا لحضرتك❤️❤️
ايه الجمال ده يا استاذنا الغالي والله ♥️♥️♥️♥️
دا من جمال قلب حضرتك اتمنى لحضرتك اوقات سعيدة
بحب الصوت دا جدا كنت بشغل الباجور دا رغم كان عندنا بتوجازت والله كان لازم يشتغل علشان اوافق اطبخ افضل قاعده جمبه واغني الله علي ايامه كانت جميله كنت لسه صغيره ماتزوجتش لسه كانت اجمل ايام 😅😅😅😅
انا مش مصدقه بجد انا ذكرياتي مع البابور وانا طفله باحب انام علي صوته ودلوقت للاسف معنديش بابور بس احلي حاجه اني من اليوم هانام علي صوت الفيديو ده كل يوم متشكره ليك بجد
تشرفنا بحضرتك اتمنى لك اوقات سعيدة
انا سعيد ا وانا بقرأ هذه التعليقات المتعه الجميله بذكوني بالزمن الجميل جزاكم الله خير اخي تامر
تحياتى لك اتمنى لك اوقات سعيدة
ياااه ع الدفا والله الواحد جسمه قشعر وحس بدفا وروايح ايام زمان الجميله تسلم حضرتك
هو الوابور حاليا سعره كام وممكن اشتريه منين
اخر سعر من شهرين لمقاس نمرة2عامل1000 وموجود فى العتبة محل بريموس
@@tamr1411 شكرا لحضرتك
العفو يا فندم
طيب لي مش من القاهره يعمل ايه من محافظاتها يشتري منين
@@emanelaraby2771 المحل فى توصيل للمحافظات
بالنسبة لي يخبرني صوته بأجمل الاشعار ويذكرني وثم يعيدني إلى عالم الأطفال عندما كنا صغار
ربنا يكتب لك عمر مديد تحياتى لك
احنا بقا كان عندنا حمامين ومطبخ جميل وطرقه طويله وشبابيك حديد مدخله النور والشمس من كل ناحية.. كنا نسمع صوت الباجور وعليه باستلة الغليا.. وكان في كمان عصايه للغليه والاذيه هههههه لو عملنا اي شقاوه. يوم الغسيل ده كان يوم شاق من بدايته من 8الصبح جدتي كانت تفضل تغسل وتزهر ياعيني للضهر.. نرجع من المدرسه نلائي الطبليه وعليها خيرات ربنا. بصاره بدنجان وعيش مقمر سخن ناكل ونستحما قبل اخر فوم. عشان كل حاجه تبقا زي الفل🌼🥀🍁الله عليكوا 🩷
رائع جدا جمعه طيبه
جمعة طيبة
احلى ايام العمر كله ياريت هترجع تاني وترجعي يا امي الله يرحمك من ساعه ما مشيتي وسبتيني الدنيا ما بقاش لها طعم الله يرحمك يا امي ويجعل مثواك الجنه يا ريت ايامك ترجع تاني
اللهم اغفر لها وارحمها واسكنها فسيح جناته يارب العالمين وجميع موتى المسلمين والمسلمات والمؤمنين والمؤمنات ويجمعنا بيهم على خير
كل ما اسمع هذا الصوت ادخل الى العالم الذي يشبهني
🌹🌹
الشعب المصري والله رائع
ازاي فكر الحاج تامر انه يسجل الفيديوهات دي ويرجعنا للزمن الجميل
البركة فى المتابعين المبدعون انا بنفذ طلبتهم بس تحياتى لحضرتك
والله فيديو روعى تسلم ايدك اخي تامر ❤❤
حبيبى ليلة سعيدة عليك
الله عليك ياحبيب أخوك
الغلايه والكوز الالمونيوم
واللوفه الخشنه واديها
تخرج جسمك بيزيق من النظافه
حبيبى والله كلامك صحيح امهاتنا زمان كانت بتعملنا تقشير للبشرة والجسم باليفة الطبيعية يااه الله يرحم الايام دى احنا دلوقتى مش عرفين رايحين على فين
اول لايك❤❤❤
شكرا جدا الله يسعدك جمعة مباركة عليكم
@tamr1411 جمعة مباركة علينا وعليك حبيبنا الغالي
حقيقي ربنا يبارك حياتك ويسعد ايامك كما اسعاتنا بذكريات ثمانها كبير جدا
🥰شكرا جزيلا
تحفة ماشاء الله
شكرا لمرورك الكريم
احلى فيديوهات تفكرنا بأحلى ايام ❤
❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤ذكريات عمري مازالت عايشة معايا ❤❤❤❤❤❤❤
🥰جمعة مباركة عليكم
@ اللهم امين يارب العالمين
صوت جميل ورائع يهدئ الأعصاب ويساعد على النوم المريح ذكريات أيام زمان
أتمنى لك وقت ممتع وجميل
صوت نقي وصافي
حقيقي الله يعطك العافي
شكرا جزيلا الله يسعد ايامك
يباع.في.محلات.بريمس.في.ميدان.العتبه.وما.اجمل.ايام.الطفوله..والزمن.الجميل.
جزاك الله خير
يا سلام على الروقان مساء الانوار
صباح النور اتمنى لك وقت سعيد
ياه على الذكريات الجميلة تسلم بجد انا خليت جوزي يتبعك بالعفية كان بيقول علية مجنونة😂🥰
ايوه كدة تسلمي😂
والله ناوي أدور على البابور وأعمل الحكاية دى من نفسي، الإستحمام دلوقت ما لوش طعم، فين الدفا والانقطاع عن العالم الخارجي والنوم في الطشت وكل شوية تزود مياه سخنه من الحله 😂😅
توكل على الله ولا تتردد يا أخي والله متعة
❤❤❤
ليت الزمان يعود يوما
احلي ذكريات جميلة
اجمل صوت بالاذن بقاا علشان بدات تاملاتى😘😘😘
ليلة سعيدة عليك
@@tamr1411 😘
كان الواحد مش مشغول الوقت كان فيه بركة الناس حلوة و الخير موجود الناس تروح لبعض و تزور بعض
❤❤❤❤❤❤❤جميله 😊
حبيبى
والله براڤوا عليك انت ماسبتش حاجه فاضل حمايه الطشت😅
ياااه فعلا
احلى لايك كانت اجمل ايام حياتنا ❤❤
شكرا جزيلا ربنا يحفظك ويسعدك ويوفقك
ما احلاها من ذكريات
كل عام وحضرتك بخير
تحياتي لك استاذ تامر وكل شتا وانت واسرتك بخير ، الشتا خلاص دق البيبان
وانت طيب يا استاذ اسامة الله يسعدك شتاء سعيدة عليكم
الله علي الجمال تحياتي لحضرتك❤❤❤
تحياتى لك شكرا لمرورك الطيب
❤❤اجمل ايام الصغر
هي كل الناس كانت زيي كنت باخده معايا الحمام استحاله اسيبه كنت بفضل بالساعات جوا وافضل احط مايه كل شويه علشان المايه ماتخلصش❤وافضل اغني ماكانش في سخان لكن كان في بوتجازات بس كنت استمتع بالباجور دا احب اخده معايا ❤ واحب اطبخ واعمل كل حاجه عليه 😂
كلنا زيك
منورنا دايما
حبيبى يا استاذ احمد انت اللى منورنا والله
احلى ايام ايام البرائة والنقاء كانت اي حاجة بتفرحنا وافتكر لما كنا بنشغل الوابور في ايام الشتا زي اللي احنا فيه كدة ونعمل عليه الاكل وانام وانا بتفرج عليه واسمع صوته كانت ايام لما ناكل الذرة المشوي ولا البطاطاا السخنة عليه الله يرحمك يا ماما بطة انتي وبابا كنا شبعانين حب نفس عزيزة وكرم وبيتنا مابيفضاش من القرايب والجيران وكنت اروح اجيب الجاز في الجرجن الملحوس بالجاز من برة عادي خالص واشتري التلج من الراجل اللي في الدكانة اللي اخر الشارع والفول في الطبق واللبن في اللبانة والعيش في ايدينا وهدومنا تتملي ردة عادي خالص احلى ايام كانت كوباية الشاي السادة ليها طعم وسندوتش المفتقةاحلي حاجة وعلى فكرة كنت باخد سندوتشات مفتقة للمدرسة عادي خالص وكان مصروفي شلن والمدرسة جنب البيت فين الايام دي الله يرحم الناس الحلوة اللي رابونا علي القناعة والحب والطبلية اللي كانت مشبعانة والوابور اللي مدفينا بيه
يااا نفس اللى كنت اعمله والله كانت احلي ايام ايام زمان ليتها تعود💔
إحساس بالدفى الله
جمعة مباركة عليكم