البراءة بجنحة الاصابة الخطأ لو عملت كدة -أزاى البراءة بحادث السيارة 🎁
HTML-код
- Опубликовано: 9 фев 2025
- 1*تعريف الإصابة الخطأ
2*الإجراءات الواجب اتباعها حال حدوث حادث سيارة من قبل سائق
3*الاوراق والاجراءات القانونية
4* مثال حادث سيارة
5*دفوع البراءة وتدمير المحضر وإخلاء سبيل المتهم
6*العقوبة واستئنافها
منور مشاء الله وربنا يجازيك كل خير على الافادة
واياكم
الف شكر
لو الناس مش عوزين يتصاحى خالص وطلبين مبلغ كبير جدا مش قادر عليه هل فى حبس ولا برائه
حضرتك انا سواق اتوبيس سرفيس وكنت بنزل ومركز مع الناس اللي بتنزل واول م اتحركت بالعربيه فوجئت بالناس وهي بتقول اوقف وقفت ونزلت من العربيه لقيت ست تحت العربيه تطلعتها واختها للمستشفي واتعمل المحضر وكان معايا ناس شافو الموقف ولما سألتهم قالو هي اغم عليها بس للاسف الظابط مرتيش يخليني اخد ارقامهم وزعقلهم لما قالو يجو يشهدو ع اللي حصل وانا مش عارف اوصلهم ومسبتهاش لحد م الظابط اخدني القسم واتعرط ع النيابه ووكيل النيابه ادني إخلاء سبيل بضمان محل الاقامه ويحاول الصلح معاها رافضه والقضية اتحدده جلسه في شهر 7 والأصابه اللي عندها لأن اتزنقت تحت العربيه كسر ف الرجل وكسر ف الكتف وكسر ف حوض الميه والحمد لله أنا مسبتهاش لحد م طلعت من المستشفي بس مش راضيه تتصالح ف بعد أذن حضرتك اي اللي هيتم ف الجلسه ولو القاضي حكم اي الحكم اللي ممكن يتحكم وشكرا ل حضرتك
غرامة واطلب عرض كاميرات مراقبة
السلام عليكم انا كنت ماشي بليل في مكان مظلم وفجأه فيه ست كبيره بتعدي الطريق علطول جري فجأه كملت بسرعه جري ناحيتي حاولت افاديها فرامل وكلاكسات ولكنها اسرعت في الجري مما أدى اللي أصابتها بجانب السياره الايمن للسائق وتوقفت فورا وطلبت الإسعاف واتعملي محضر اصابه بالخطأ وفي معاينه الحاله كتب انه لا يوجد آثار فرامل ولا زجاج وان المصابه كانت بتعدي الطريق المحضر اتثبت اصابه خطا اتحجزت يومين وخرجت علي زمة القضيه ولما طلعت لقيت ابن الست عامل بلاغ بيتهمني فيه بالسرعه والرعونه في القيادة مما أدى الي أصابتها عرفت انها اتكسر دراعها الأيسر ورجلها اليسري وشرخ في الحوض من جهه اليمين وطالبين مني ١٠٠ الف ممكن تفديني اي الا هيحصل؟
@@محمدإبراهيم-د5ل9ظ
حاول تثبت دفاعك وعمل مذكرة جيدة
وتاخد براءة او
إصابة أكثر من ٢١ يوم غرامة ٥٠٠ج
@@resala_struggler_legal لقيت موجود فديوا بمكان الحادث بيثبت اني مكنتش مسرع ووقفت في نفس المكان الا اتخبطت فيه وان هيا كانت بتعدي الطريق هيفيدني!
@محمدإبراهيم-د5ل9ظ قدمه للمحكمة
فين محاميك
@@resala_struggler_legal
لسه عامل توكيل للمحامي انهارده الموضوع بقاله ٣ اسابيع وأهلها كان فيه نيه للصلح بس طالبين مبلغ فوق طاقتي
@محمدإبراهيم-د5ل9ظ خير باذن الله
السلام عليكم بعد اذنك انا عملت حادث والمجني عليها حصلها كسر شرايح ف ايدها وشعر ف حوض الميه وشعر بالفقرات والنيابه قالت اصابه خطأ والمرور قال ان الطريق ليست بها مشاه والمباحث شاف الكاميرات وقال ان بدون عمدا
واتحكم عليه ب ١٥ يوم حبس هل الاستئناف هيقل العقوبه ولا لا
@@حازمحازم-ف6ج6ر غالبا تأييد للغرامة وإزالة الحبس
أو الحكم مع الايقاف
جوزي كان سايق التوك توك وفجأه واحد سايق تروسكيل خبط فيه تسبب ف أصابه احد الموجودين بالتوكتوك وفقد ساقها بسسب التروسيكل وبقت قضيه وكان في شهود الست قالت سواق التوك توك مالوش زنب واللي ركبين معاها برده صاحب التروسيكل اعترف انه السبب بس بقت قضيه موقف صاحب التوك توك
جزاكم الله كل خير
المحكمة تقرر لوجود عاهة مستديمة
الا اذا اعترف ساق تروسيكل ويتحمل عقاب وحده
هو معترف فالمحضر
جزاك الله خير وشكرا لحضرتك
العفو
حضرتك في شاب كان ماشي بالموتوسيكل وكان قدامه عربيه كان طفل متشعبط في العربيه ولما وقع من العربيه جه تحت الموتوسيكل بتاع الشاب وكان متعور الشاب خده المستشفى وشاف اهله ابو الولد قال ابني وقع من علي السلم وبعدين الولد مات ورجع غير اقواله وقال ان الشاب هو خبطه رغم انه عارف ان ابنه كان واقع من عربيه بس مخدش رقم الموتوسيكل دلوقت طالب تعويض ورافع محامي ممكن اعرف من حضرتك العقوبه الجنائيه من فضلك رد عليا هوه تم اخلاء سبيله بس القضيه شغاله مش عارفه ممكن يكون فيها حبس
طيب سوأق صدم أتنين ستات ومن خوفه جرى بس نمر السياره وقعت واخد حبس سنه هتخلص على ايه
هروب بالذات لازم حكم خفيف راجع لتقدير القاضى
بالإضافة انك صدمت شخصين تعددية
طيب لو السياره بتاعه لواء ومش رضين بدوان شهادة بينات
قدم مايفيد تسليمك تصريح محكمة للمرور وده دليل لصالحك
شاب عندو١٨سنه اجر عربيه باسم صحبو وكان سايق على سريع خبط فى موتسكل عليه ٣اشخاص وتوفت واحده وهو مش معاه رخصه كده هيتحبس بالاضافه الى ان فى عربيه خبطتو من الخلف
غرامة فى الاستنئناف
وقدم مايفيد انه طالب
لو خبطت حد ع طريق سريع سرعه ٦٠ و جريت و كوبري المشاه كان قريب من الحادث اي اللي وضعي كدا و انا معرفش حاجه عن اللي حصل للشخص و لو في حاجه المفروض اعرف منين (مر ع الحادث ٢٤ ساعه)
السرعة مختلفة من طريق لاخر
الخبط والهروب جريمة منفصلة عن اصابة خطا
تابع ما حدث للمجنى عليه من بعيد وخط سير المحضر
@@resala_struggler_legal عقوبه الهروب اي و اتابع من بعيد ازاي
توكتوك قطع الطريق عليا وتسبب ف حادث وهوا عنده اصابه ف الدماغ هوا واللى كان راكب.. انا مش غلطان... اى الحكم اللى ممكن يصدر عليا؟؟
ولا حاجة خطا مجنى عليه
وياريت لو عكس الاتجاه
تطالب تعويض
سلام عليكم جوزي خبط واحد علي الدائري كان بيعدي الطريق وخد 6 شهور غيابي وعملنا معارضه ممكن ياخد براءه ولا حكم المحضر مكتوب في ان المجني عليه كان علي الدائري وبيعدي الطريق
حسب السرعة ومسافة فرامل ورؤية والمحضر
بس غالبا هياخد حكم غرامة والغاء حيس
حضرتك الإشارة واقفه كنت واقف أول ما فتحت إتحركت أحد سياس الشارع أثناء عبوره الشارع صدمته ووقفت حملته ووصلته لأهله وبعدين تواصلت معهم تليفونيا كي أطمئن قالوا لي محتاج شرائح ومسامير قولت لهم ظروفي صعبه شويه إتصرفت بمبلغ 5000جنيه ووصلته لزوجته على أساس تتنازل عن المحضر إكتشفت إن المحضر شغال
سؤال؟
إيه رأي حضرتك القانوني
@@mohamedshapan3035 جنحة حكم محكمة
يعني حضرتك حبس ولا كفالة
مع العلم إنهم مش معاهم أي معلومات عني وعن السياره
ممكن اسال حضرتك سؤال
المجني عليه هل ممكن انه يتحكم عليه ولو حكمت بالبراءة للجاني المجني عليه بيستفاد اي
اكيد مجنى عليه لايتم الحكم عليه الا فى حالة كذب واقعة
اما براءة جانى امر طبيعى وفق تقدير محكمة ولا استفادة للمجنى عليه
فيه واحد كان مقتحم شقه ف محل سكنى و اتعمله محضر من صاحب الشقه و بعدين فوجائت انه عملى محضر اتلاف و المحضر اتحفظ و بعدين زق زوجتى من ع السلم و اتعمل محضر و اتحفظ برضو و جالى حكم شهرين اصابه خطا لانه خلى بنته سبع سنين تعملى محضر انى خبطتها و مفيش شهود و تحريات المباحث عدم الاستدلال و التقرير الطبى سحجه واحدة ف الوجهه و عملت معارضه راى حضرتك ايه
الراى بدون اوراق صعب
اعرضهم على محام حنح
@@resala_struggler_legal طيب سؤال تانى معلش قضيه االاصابه الخطاء بتحريات مباحث عدم الاستدلال و عدم التاكد من صحه الواقعه ع الرفم انى اتحكم بشهرين و مائه جنيه غيابى ف المعرضه ممكن تبقي الاحكام ايه
شخص اتبلي ع جوزى وقال انه خبطه بعربيه وعمل تقرير طبي انه عنده شرخ فاليد وجوزى اخد حكم غيابي
لكن مفيش شهود ع الواقعه
ولا حتى كتب مواصفات لسياره جوزى ولا ارقام السياره
سؤال
بعد اذن حضرتك انا اخويا قبط واحد بالموتوسيكل وخبطته وحكموا عليه بي سته شهور هو عنده 18 سنه ومعهوش رخصه ست شهور فيهم براءه او استئناف او ممكن ينزلوا ثلاث شهور حتى ارجوك رد علي بعد اذنك
ده حدث
هيخفض غالبا لثلاثة شهور مع ايقاف التنفيذ
او تاييد حكم الغرامة
بس هيظل محبوس حتى جلسة الاستئناف
قرصة ودن
بس بشرط مجنى عليه عدم وفاة
لو سمحت كنت ماشي بعربية دبابة وخبطت وحدة بمراية العربية وتم كسر رجلها طلبتلها إسعاف ورحت معاها المستشفى وعملت عملية وانا دفعت ثمن العملية بالكامل
ورحت بعد اسبوع اطمن عليها ومضت على إقرار تنازل وأختها شهدت عليها واتحولت للنيابة وتم إخلاء سبيلى بضمان محل اقامتي وتم فحص السياره من فني فحص من المرور واسبت كسر في المراية وكل شيء تمام في العربيث
كدة أي موقفي بعد أذنك أرجو الإفادة وجزاك الله خيرا الجزاء
لابد من متابعة محضر وهل تم حفظه
طيب لو كان المحضر لم يتم الحفظ حيكون في حبس
واذاى أعرف القضية وصلت لأى وانا خايف اروح أسأل اتحبس
وهل حيكون عندى علم بنزول القضية في المحكمة ولا أى
@@هانيالشاذلي-ض8ي
ارسل محام يتابع المحضر
غالبا طالما مفيش اصابة افراد يبقى غرامة
لو اصابة علاج اكثر من 21يوم فيه حبس
@@resala_struggler_legal طب حضرتك أنا روحت المستشفى وحاسبت على كافة المصاريف وهي مضت على إقرار تنازل وبصمت وأختها شهدت عليها واستلمت إيصال با المبلغ
دة ينفع يلغي الحبس لو لاقدر الله حصل حبس زى حضرتك مزكرت ولو كان في حبس مدتة قد اي
@@هانيالشاذلي-ض8ي خد تنازل وقدمه للقضاء
ابني قضيته بكره خبط راجل طلعله من ورا مشروع الراجل كبير في السن راح في غيبوبه ٣ شهور ابني ساعه ماخبطه كان شغال محاسب في مستشفي بنيته جري علشان يجيله إسعاف المستشفي خاصه مردتش تروح اسئله المهم اللي شلته إسعاف الطرق المهم الراجل فاق بعد عذاب علشان عنده ٧٠ سنه بعد ماعاش رفع قضيه واتحكم علي ابني ٣ شهور هو مصمم علي مصاريف المستشفي علشان يتنازل عاوز ٧٠٠ الف جنيه هل يتحكم عليه بالبرأه ولا ايه
غرامة بالاستئناف
او براءة حسب نقدير القاضى
وتقرير معاينة حادث وارجع لمحاميك
ممكن اعرف لو واحده كانت بتعدي السكة وفي نفق ف مسافة اقل من ٥٠ متر وانا مش فاكرة السرعه بتاعتي كام بس انا اضطريت اجي يمين عشان العربية ال اودامي هدت ف خوف ف هي كانت بتعدي ورجلها اتكسرت كسر مضاعف وانا عالجتها وعملت عملية ومضت انها عملتلي تنازل دي غلطة مين انا ولا هي والحكم ايه ؟
أقل من ١٠٠م المصاب هو الخطأ
عدا حالة الوفاة غرامة ٥٠٠ج من أجل تعويض مدنى ضد شركة تامين
@@resala_struggler_legal طيب اسفه سوال تاني انا مش فاكره السرعه بتاعتي كام بس هي السرعه القانونية عالبحر ٦٠ حتي لو كنت ازيد منها ؟ يبقي خطأ المجني عليه ولا ساعتها ايه ال بيحصل ؟
@@mernagamal6928 العبرة بتقرير معاينة نيابة
طيب صدمت توكتك والمحاضر جايبه الخطأ عليه وتوفي واحد جمب سواق التوكتوك تخلص علي ايه الله يكرمك
لابد من قراءة محضر
أغلب حالات وفاة غرامة للتعويض
@@resala_struggler_legal بتكون كام الغرامه
محكمة وشانها
ارجوك من حضرتك رد الله يبارك لك ويكفيك شر لو سمحت يافندم انا خبطت شخص كنت نازل نازلة كوبري وعبر أمامي وطريق سرعته ٦٠ وكانت نازلة مزدحمه مما صعب لي الاتجاة يمين او يسار والمجني عليه تردد ف عبور ومثبت ذلك ف محضر عبور مفاجئ وتردد ولاكن لم يحدث له إصابات بسبب السيارة إنما من صدمه الخفيفه سقط على جنب الرصيف وتكسر فكه وليس من صدمه سيارة
واخدت حكم أصابه خطأ من وكيل النيابة ولاكن لسه ف جلسه
استئناف غالبا غرامة للتعويض ضد شركة تامين
@@resala_struggler_legal جزاك الله خير وحفظك انت وأهلك جميعا يارب
@@resala_struggler_legal حضرتك خدت حكم مبدأي ٣ سنين و١٠ آلاف غرامه وهعمل معارضه ممكن المعارضه تكون اي حكمها او الاستئناف
غالبا تاييد للغرامة وتعويض
@@resala_struggler_legal ودا والراجل انا لم اصدمه ثم ليه يتم تايدد حكم ب ١٠ آلاف ميكونش براءه او ٦ شهور دا طريق سريع ومكيونش تعويض ضد التأمين
استاذي الله يفرج همك انا فعلا احناج استشارتك
من شهرين حصل ان السعوديه عملت اغلاق مع مصر. بسبب كرونا ونا كنت متجه للمطار للسفر في نفس اليوم بسيارتي ومتاخر جدا عن معاد اخر طياره
صدمني متوسكل في الباب الايمن الاماي للسباره ونزلت لقيته بيتكلم وفايق قلتله انت سليم فالي. رجلي وجعاني
اظطريت اسيبه واروح المطار للسفر
الان هو رفع قضيه
ونا. هتجنن مش عارف انام اعمل ايه؟
١-هل الاعلان بالحضور معناه اني الان علي قايمه ترقب وصول؟
٢-في حاله عمل التوكيل ..واصر المدعي علي عدم التنازل او طلب مبلغ كبير هل يوجد حل؟
٣-في حاله حكم هل يمكن الاستئناف؟ وهل اكون ممنوع من السفر لحين انتهاء الاستئناف؟؟
اولا حضرتك ده جنحة
العبرة بالمحضر
لست على ترقب وصول الأبعد حكم نهائى
الاستئناف براءة أو حكم غرامة لابد
@@resala_struggler_legal
يعني مفيش حبس ؟ الله يكرمك طمني
لاء مفيش حبس
خبطت واحد على الدائرى واتحبست يوم واخدت اخلاء سبيل والراجل توفى بعد أسبوعين واتحولت قضية
المحضر مثبوت فيه ان المجنى عليه كان بيعدى جرى وكان فى كوبرى مشاه مثبوت فى المحضر والسرعة ٧٠كم ووكيل النيابة طلب منى ان العربية تتفحص وبالفعل اخذت واحد من المرور لفحص العربية امام القسم عشان كان محجوز عليها وتقرير الفحص بيقول ان الاطارات جيدة والفرامل جيدة واله التنبيه تعمل والإنارة تعمل
وهل لو صدر حكم فى اول جلسة وعملت إستئناف وفى جلسة الإستئناف محضرتش والمحامى بس اللى حضر هل فى ضرر عليا لعدم حضورى جلسة الإستئناف.
لازم جضور شخصي امام استئناف
غالبا هتاخد حكم مع ايقاف التنفيذ وغرامة
@@resala_struggler_legal ولو محضرتش الإستئناف ايه الضرر اللى بيكون عليا
انا كنت واقف امام البريد على جانب الطريق وكان شخص عنده 70 سنه يمشي ببطأ خلف السياره او كان واقف مش عارف بالضبط
بعدما انتهيت من البريد شغلت السياره وحركتها للخلف عشان اعرف الف
وهي بتتحرك للخلف اصطدمت بالرجل السبعيني كسر بسيط في يده اليمنى و شفته اتفحت
ماتعملش محضر ودفعت تكاليف العملية أسلاك في كف يده اليمنى وغرز في الشفاه بمبلغ 15000
سؤالي هل هذا خطأ لايمكن ادراكه لان انا ماعرفش ان في حد واقف خلف السياره ؟
بعد الواقعه باسبوعين عملوا محضر لالزامي بعمل زرع اسنان ....ما رأي حضرتك؟؟
مصاريف دفعتها معاك وصل بها باسمك
السلام عليكم ورحمه الله وبركاته أنا عملت حادث علي حربي اصتطدم بيا توتكتوك والعربيه بتاعتي مخبوطه من الخلف والتكتكوك مخبوط من الامام وصاحب التككتوك مات حكمت عليا بي سنتين سجن والمحامي جابلي استئناف من وجهة نظر ايه إللي هيتم رد عليا الله يباركلك
لابد من غرامة لحدوث للوفاة
@@resala_struggler_legal غرامه ولا تعويض معلش آسف لازعاج حضرتك
غرامة اولا
ثم دعوى مدنية تعويض
@@resala_struggler_legal معلش لو محامي شاطر وفي كذا صغره في القضية في صالحي ممكن لا حبس ولا تعويض
بعد اذنك ممكن رقمك للشرح
هاتفيا بمقابل نقدى
سؤالك هنا رد مجانا
الف شكر
الف شكر