Potpouri Solo a sali/Maria den kushina- Kor Santa Famia - Despedida Sùrnan Roosendaal - 23 yüni 2024

Kor Santa Famia ta kanta un potpouri di kantika, entre nan “Solo a sali, Maria ta den kushina ta waya kandela, Baka pinta, pesei ela keda hippie, hippie hippie hippie”, durante e evento di Despedida Sùrnan Franciscanessen di Roosendaal.
Djadumingu dia 23 di yüni, pa 5 ‘or di atardi Obispado di Willemstad a organisá un Atardi di Homenahe i Gradisimentu na e Kongregashon di Sùrnan Franciscanessen di Roosendaal (Sùrnan di Klooster Alverna), ku despues di a sirbi komunidat di Kòrsou i Bonaire pa 182 aña largu, ta terminá nan mishon den nos Diosesis Willemstad, i ta regresá Hulanda, dia 4 di yüli.
A kuminsá ku un momentu festivo riba Brion Plein na Otrobanda, siguí pa Santa Eukaristía presidí pa Obispu di Willemstad, Mgr. Luis Antonio Secco, kompañá pa varios saserdote di nos Diósesis, Diákono, Sirbidónan di Misa i hopi invitado spesial.
Kor Santa Famia i Kor Guadalupana a kompañá e anochi ku nan bunita kantikanan di antaño i kantikanan religioso.
Brion Plein tabata kompletamente yen di hende ku a bin tuma despedida di e sùrnan.