Shihemi ne gjyq - Gruaja kerkon ndarjen pas 46 vitesh martese (30 Janar 2022)

#EDielaShqiptare nga #ArditGjebrea prej vitit 2008 në #TvKlan, programi më popullor në të gjitha familjet shqiptare çdo të dielë. Një program i cili përfshin një fashë orari maratonë, prej 6 orësh transmetim.
Seanca e ndërmjetësimit në “Shihemi në Gjyq” rikthehet me dy personazhe të rinj, por me një çështje që është prekur edhe herë të tjera gjatë rubrikës. Pasho dhe Ikbale Shaqja, dy bashkëshortë, i janë drejtuar programit “E diela shqiptare” në Tv Klan për një çështje parash e tokash.
Prej vitesh, Pasho i jep para palëve të treta që nuk kanë lidhje me hapësirën tokësore në fjalë për të përfunduar procesin e pronësisë, por në të vërtetë është zhvatur. Ikbalja, e cila ka 10 vite që duron këtë gjendje, teksa në shtëpinë e tyre nuk ekzistojnë as kushtet minimale si uji, makina larëse apo mobiljet, kërkon të ndahet pas 46 vitesh.
Eni Çobani: Zotëria ka pasur një tokë në vendin që jetojnë. Tokën ia ka dhënë shteti,por ia ka zënë një bashkëfshatar dhe zotëria ka filluar një proces me të. Në gjithë këto vite nuk ka fituar asgjë, ka dhënë para lart e poshtë siç thotë zonja për ta ndihmuar që ta fitonte procesin. Deri sot s’ka fituar asnjë proces dhe zonja ia ka numëruar e i thotë janë bërë 10 milionë lekë. Ky i thotë i dhashë për të zgjidhur punën. Kjo i thotë “a zgjidhe punë ti zotëri me 10 milionë lekë? Unë do iki, ti vazhdo rri aty”. Tani unë dua ti them zonjës: Këto 10 milionë lekë i dha në një ditë apo i dha në 10 vjet?
Ikbale: Në 10 vjet. Çika-çika.
Eni Çobani: Po pse s’e ndalove që të mos jepte më?
Ikbale: Nuk më dëgjonte, më shtynte, më hidhte matanë, ç’ti bëja unë atij.
Ikbalja tregon edhe një episod kur ajo është trembur, pasi një person shkoi një natë të vonë në shtëpinë e tyre për të kërkuar sërish para. Zotëria hyri në shtëpi, ku nuk kishte as drita dhe Ikbalja u përpoq të lajmëronte fëmijët e saj. Në atë moment, ai është larguar.
Eni Çobani: Sa kohë keni me zotërinë që nuk komunikoni dhe qëndroni bashkë?
Ikbale: Kemi 10 vjet sherr e shamatë, 2-3 vjet kështu.
Eni Çobani: Që jeni si veç e veç? Pra ti qëndron në Itali, zotëria ku rri?
Ikbale: Zotëria te dhoma poshtë aty, aty rri. Atje le të rrijë se atje e ka kokën. Mos t’i jepte lekë njerëzve, mashtruesve, mos të merrej të më dëgjonte një fjalë mua e fëmijëve. Jo të hanë mashtruesit lekun tim.
Pasho: Kisha hall të mbaroja qëllimin moj zonjë.
Ikbale: Ta mbaruan qëllimin? Dua drejtësi ore.
Pasho: Po i besova unë ata. Isha njeri i sinqertë./tvklan.al
SUBSCRIBE to “RTV KLAN” on RUclips for more videos!
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow Tvklan on Instagram: / rtvklan
Programet e Tvklan mund t’i ndiqni edhe në faqen tvklan.al/prog...