السيسى يصدم المصريين ومشروع القرن لمنافسة رأس الحكمة و روسيا ترسل قطعة نووية لمصر وإنهيار الفائدة !!
HTML-код
- Опубликовано: 2 окт 2024
- صدمة السيسي للمصريين !!
_____________________________
🛑 الحكومة الجديدة
_______________________
🛑 خلاص الحكومة الجديدة برئاسة الدكتور مصطفى مدبولي شافت النور بتغيير كبير أهم شئ فيه هو تغيير وزير الدفاع الفريق محمد زكي اللي حسب المصادر إعتذر بسبب حالته الصحية وتعيين اللواء أركان حرب «عبد المجيد صقر» محافظ السويس الأسبق وزير للدفاع بعد ترقيته لرتبة فريق أول،
🛑 مفضلش من الحرس القديم مع دكتور مدبولي غير، أيمن عاشور التعليم العالي
أشرف صبحي وزير الرياضة
عمرو طلعت وزير الاتصالات
هاني سويلم وزير الري
خالد عبد الغفار وزير الصحة ونائب لرئيس الحكومة،
اللواء محمود توفيق وزير الداخلية
الفريق كامل الوزير وزير للنقل والصناعة ونائب لرئيس الحكومة.
🛑 كمان في حركة محافظين شملت تغيير 21 محافظ وبقاء 6 بس،
🛑 أبرز الأسماء وأهمها تعيين الفريق أحمد خالد حسن محافظ للإسكندرية
وكان قائد القوات البحرية وقائد للقيادة الاستراتيجية ومشرف على التصنيع العسكري بدرجة نائب وزير،
وكتير رشحوه عشان يكون نائب للرئيس وقت من الأوقات.
🛑 خلينا نمسك كده أهم الوزراء الجدد ونشوف خلفية كل حد منهم :
🔻 وزارة الدفاع :
🔻 الفريق عبد المجيد صقر كان مرشح لتولي وزارة التنمية المحلية لكن المفاجأة تعيينه وزير للدفاع،
🔻هو أحد قيادات الشرطة العسكرية وكان في الحرس الجمهوري وقت ثورة 30 يونيو مع الفريق أول محمد زكي وزير الدفاع،
🔻 مواليد عام 1962،
-وفي عام 2018 تولي منصب محافظ السويس وكان مساعد لوزير الدفاع عام 2015، ورئيس إدارة الشرطة العسكرية،
🔻 فكرة إن تعيينه غريبة لأنه من خارج تشكيل المجلس الاعلى للقوات المسلحة أو كان متقاعد ورجع مش حقيقية،
السادات رجع أحمد إسماعيل من التقاعد وكذلك مبارك مع يوسف صبري أبو طالب اللي كان محافظ للقاهرة حتى المشير طنطاوي كان تقاعد من قيادة الحرس الجمهوري.
🔻 وزارة التعليم
🔻 محمد عبداللطيف وزير التعليم الجديد هو واحد من المختصين بالتعليم الرقمي وهو الرئيس التنفيذي لمدارس نرمين اسماعيل وحفيد المشير الراحل أحمد إسماعيل
وكان رئيس تنفيذي لشركة ادفنست اد لمعادلة شهادات المدارس الأمريكية،
🔻 وزارة المالية
🔻 أحمد كجوك وزير المالية الجديد كان في منصب نائب وزير المالية لشؤون السياسات المالية، معاه ماجستير من كلية جون كينيدى للإدارة الحكومية بجامعة هارفاد الأمريكية
وماجستير العلوم الاقتصادية من جامعة يوركشاير البريطانية وبكالوريوس علوم الاقتصاد من الجامعة الأمريكية بالقاهرة،
📌 كمان كان خبير اقتصادي في البنك الدولى بالقاهرة من الفترة يونيو 2013 حتى مارس 2016.
🔻 وزارة التموين
🔻 الدكتور شريف فاروق كان رئيس الهيئة القومية للبريد ونجح في تطوير منظومة مكاتب البريد وإحداث طفرة كبيرة فى الخدمات اللي بيقدمها البريد وكان رئيس لبنك ناصر، والمدير العام الأول للبنك المصري الخليجي وأبوظبي الإسلامي وأكتر من بنك،
🔻 وزارة الخارجية
🔻 السفير بدر عبد العاطي كان سفير مصر في بروكسل وساهم بشكل كبير في تطوير العلاقات الثنائية بين القاهرة ودول الاتحاد الأوروبي، وقبلها
سفير مصر في ألمانيا، ونائب مساعد وزير الخارجية والمتحدث الرسمي باسم "وزارة الخارجية" ونائب مساعد وزير الخارجية لشؤون "الاتحاد الأوروبي"،
🔻 ومدير لشؤون فلسطين في "وزارة الخارجية" ومستشار في "سفارة مصر في واشنطن" والمسؤول عن ملفي الكونجرس والشؤون الأفريقية،
وسكرتير ثالث في "سفارة مصر في تل أبيب" والمسؤول عن الشؤون الداخلية الإسرائيلية وعملية السلام في الشرق الأوسط،
🔻 وزارة الطيران
🔻 الطيار سامح الحفنى هو قائد طراز ايرباص 330/340 وكان رئيس سلطة الطيران المدني، ورئيس الشركة القابضة للأكاديمية المصرية لعلوم الطيران، ورئيس الشركة القابضة لمصر للطيران،
🔻 وزارة الكهرباء
🛑 الدكتور محمود عصمت كان وزير قطاع الأعمال العام ومعاه دكتوراه في الهندسة من جامعة داهاوس بكندا،
كان رئيس مجلس إدارة شركة ميناء القاهرة الجوي ورئيس الشركة القابضة للمطارات والملاحة الجوية،
🛑 ورئيس مجلس إدارة القاهرة لتصنيع الزجاج وهو من رجال الأعمال المتخصصين في مجال صناعة الزجاج،
🔻 وزير الإستثمار
🛑 حسن الخطيب كان عضو مجلس إدارة بصندوق مصر السيادي ومدير تنفيذي للاستثمار المباشر بالبنك الأوروبي لإعادة الإعمار والتنمية
🛑 رئيس مجلس إدارة الشركة المصرية للتنمية السياحية وتولى مناصب قيادية بمجموعة كارلايل اللي تقدر أصولها ب 550 مليون دولار،
وتولى رئاسة مجلس إدارة شركة وادي النيل للأسمنت.
🛑 مشروع الساحل
_______________________
🛑 إمبارح أعلن هشام طلعت مصطفى مع دكتور مدبولي تدشين مشروع ساوث ميد في الساحل الشمالي،
🛑 المشروع حقق مبيعات
60 مليار جنيه أول 12 ساعة من فتح باب الحجز
🛑 تريليون جنيه استثمارات المشروع و 1.6 تريليون جنيه إجمالي المبيعات المتوقعة،
🛑 تريليون جنيه عوائد الدولة تمثل الضرائب وحصتها في المشروع
🛑 المشروع على مساحة 23 مليون متر مربع على خط ساحلي بطول 8 كيلو متر و2000 غرفة فندقية و 60000 وحدة سكنية،
🛑 المشروع هيضم مارينا فاخرة وملعب جولف عالمي،
🛑 المشروع هيوفر 1.6 مليون فرصة عمل
🛑 بعد الإعلان عن مشروع «ساوث ميد» بالساحل
سهم «طلعت مصطفى» زاد 3.3% وتصدر تداولات البورصة بقيمة 616 مليون جنيه.
#السيسي #وزير_الدفاع #الجيش_المصري #اسامة_عسكر #الحكومة #روسيا #بوتين #الاسعار #الفائدة
تسلم يا جون يا مصرى يا أصيل كلامك الماس حر
كانت مفاجأة لما تمشى فى شارع الازهر وتجد معظم المحلات قاعد فيها سوريين وليس مصريين كذلك تجد جميع محلات الشاورما والبيتزا والفطار فى مدينة العبور سوريين وليس مصريين السوبرماركت فجاة تلاقى اللى قاعد على الكيس سودانيين وليس مصريين تفتح الفيس بوك واحد يقول عايز سباك اونجار او نقاش او منجد افرنجى تلاقى واحد يرص لك اسماء وتليفونات اشخاص ويقولك ده سورى واحسن من المصرى فى الاول تقبلنا الامر لكن مع الوقت ومع الاحتكاك مع بعض ه ضيوف مصر تلاقيهم يقولوا مصر بتستفيد من اللاجئين بتاخذ فلوس مننا ومن شئون اللاجئين بدانا نحس ان بلدنا اتخطفت مننا اضف على ذلك رفع سعر العقارات سواء ايجار اوتمليك بسبب ان السوريين بيجمعوا الاسرة ويساهموا فى ثمن الشقة او فى الايجار
بصراحه اولادنا من غير شغل وللاسف كا السوريين و السودانيين شغالين وملايين مصر وفى النهايه لما تقعد معاهم تلاقيهم ناكرين جميل مصر برغم أنهم مزاحمينا فى اكلنا وشربنا وبنفس السعر اللى بتدعمه مصر وفى الأخر تلاقى كل العرب ناقمين على مصر برغم فضل مصر الكبير على كل العرب..ياريت يرحمونا ويحلوا عننا علشان خلاص تعبنا وفينا ناس مش لاقيه تأكل حرام ارحمونا
آه طبعا زعلانين عليه لأنه مخلص، الله يشفيه.
@@AliAhmed-ev9li معلش يا بيضة، من اللى خطشفك وزعلك وخلاكى مش عارفة تنامى😂😂😂
@Zhm6احترم نفسك ياحلوف هو بيتكلم صح جدا ع الأقل بيتكلم عن بلده وحقه مش لاجئ زيك802
نشكر السيد سامح شكرى الخلوق الذى شرفنا فى المحافل الدوليه وتحمل الكثير فهو ٱعظم رجل من رجالات المهام الصعبة كل الإحترام والتقدير للسيد الوزير سامح شكرى
مش هو بتاع الكرافته وعدل الكرافته في محكمه العدل ياعم ارحمونا معملش حاجه ولا وزير عمل حاجه كلهم سكرتاريه
ًالمحترم سامح بيك شكرى خساره كبيره وكذا الفريق محمد بيك زكى خسارة كبيره وطنيين لهم انجازات متعهم الله بالصحة والعافية تحياتى لهم
سامح شكرى احسن من انجبت وزارة الخارجية
دبلوماسى من طراز فريد
ربنا يوفقة فى حياتة
اللاجئين بيشتروا كميات أدوية كبيرة وانا لا استبعد انها مدبرة لخنق الشعب والضغط علية المؤامرة كبيرة ومتشعبة
كلامك واقعي جدا تهريب الأدوية إلى سوريا والسودان شغال على قدم وساق وبمعاونة الاخوااااااان
طيب فين الحكومه فين الرقابه . .غلبتم تتكلموا في هذا الموضوع وعلاقته بأزمه الادويه ولا حد اهتم ولا راقب ولا حقق ذي كل حاجه بيلتزموا الصمت . .
دي حقيقه في سودانيين بيشتروا أدوية كتير اوي من مخزن الأدوية اللي قريب من بيتي
@@tarekoraby9051المفروض تهريب الادويه والسلع الحيويه والدولار محاكم عسكرية لاننا في حاله حرب
@@ميميمحمد-و4ق ما هم بدأوا يقننوا أوضاع اللاجئين
تحيا مصر 🇪🇬❤️
الوزير الحقيقى اللى كل المصريين زعلوا على رحيله من الوزارة هو العظيم سامح شكرى اسد الخارجية شكرا شكرا شكرا سيادة الوزير سامح شكرى لن ينساك المصريين ابدا
احنا مع رئيسنا مهما كان وتحيا مصر ورئيس مصر ويارب احفظ مصر
فرحتنا بكامل الوزير لاتوصف
كلنا مبسوطين ان وزير المالية والتموين اتغيروا وزعلانين علي سامح شكري
يابنى افهم التموين والمالية هيعملوا ايه هل بياخذوا قرارات أصلا ولا القروض وفوائدها وغلاء الاسعار والجديد هيعمل ايه شوف مين سبب خراب الاقتصاد المصرى
ترحيل المهاجرين والضيوف مطلب شعبى وأمن قومى وجودهم خطر على مصر أمنيا واقتصاديا واجتماعيا نرجو التعامل بجدية فى هذا الملف بجدية وحزم قبل فوات الأوان
ههههههههههه المهاجرين والضيوف بيجيبوا للدوله عمله صعبه كتيرررر اصحى يا باشا
يا استاذ جون. أدوية القلب. وتنظيم. ضربات القلب. لانجدها. حتى دواء. العين المصاب بالمياه البيضاء. النجده بسهولة وعندما وجد علبة وجدها ارتفعت. من ٨٠ جنيه إلى ٣٢٠ جنيه. وكل ما نستطيع قوله ربنا يصيب كل شخص يرف٠ع الاسعاربكمية الأمراض. ولا يجد طبيب يداويه ولا د اء يعالجه وكلامى موجه لعوف المسؤول على الادوية. وتشربين المكالمة مع عمرو. اديب
الوزير الوحيد اللي الكل زعلان عليه هو سامح شكري أسد الخارجية
كلامك ثح ولكن ان شاء الله ربنا يوفق الوزير الجديد
تبالك
و انا والله هموت و اعرف مشوه ليه
هو و وزير الدفاع هما اللى رفضوا يكملوا بسبب ظروفهم الصحية
@@Great_Egypt0_2052 بسبب ظروفه الصحية هو و وزير الدفاع
زعلانين علي وزير الخرجيه ووزير الدفاع😢
ياجون اللاجئين بينفذوا خطه تعطيش الشارع للادويه فيه نقص حاد في كل الادويه واللاجئين بيشترةا بكميات كبيره ويهربوها الادويه كلها مش موجوده
@@wardaelamal9170 سبب نقص الدواء من الحكومه الفاشله وليس اللاجئين. ومانعرف هل الحكومه الجديده تصلح الأوضاع ولا هتكمل الدمار والخراب إللى إحنا فيه لله الأمر من قبل ومن بعد
ياجون نرجوك لاتمل من فتح ملف اللاجئين دمرونا دمرونا
سامح بك شكرى ... شايل حمل من ٢٠١٤ ثقيل ..وربنا يشفيه ويديله الصحه
المواطنيين المصريين من سكان فيصل...بلاغات كثيرة تقدم للامن والشرطة ..بسبب الرعاع والبلطجية اللاجئين اللى ماشين بالسلاح الابيض وعاملين قلق ومشاكل هناك...المسئولين اللى بيتابعه القنوات ...عايزين اجابة...ليه الشرطة لا تستجيب لبلاغات المواطنين؟
لأن الشرطة المصرية أساس الفساد في مصر ترعى البلطجية وتجار المخدرات وتقبض منهم
الشكاوي دي علي كل القنوات ومحدش بيساؤل علينا حاننتظر لما تقع كارثةومصيبة
@@mamamodo4327 دورنا ننشر على كل قناة نقابلها....لغاية ما الاطرش يسمع .. والحكومة تتحرك
نداء خاص وهام جدا جدااا.
نرجو غلق باب الاقتراض نهائياً.
نرجو عدم افتعال الحجج لفتح شهيه الاقتراض نهائياً.
نموت وناكل عيش حاف ونقاطع الاقتراض.
تحيا مصر واهلها الطيبين الطاهرين وقيادتها و جيشها وشرتطها يارب العالمين 🤲
@@mimimaram4045حكومة ايه اللى تتحرك متقدرش تعمل حاجة على اساس السبب فى دخولهم مش الرئيس والمجلس العسكرى
ترحيل اللاجئين المحتلين 👉👉 مطلب شعبي للحفاظ على أمننا القومي والهويه المصريه👉👉 والحفاظ علي مواردنا واقتصادنا
@@wardaelamal9170 كل عام وانتم بخير دول اخواتنا ذي الرئيس ما قال استحملوا جت علي دي الصبر اصبروا وستروا خشوا ناموا خشوا بعد ما تسمعوا اخوكم جون المصري
أحنا نتمنا الخير لمصر ونفسنا نحس بالتغيير للأفضل
كلامك صحيح كنت الشقق ولعت جداً والناس مش عارفه تسكن والشباب مش عارف ياجر علشان يتجوز
لأ ده أنا فرحانه إللي زعلانه عليه أسد مصر سامح شكرى بتمنى له كل الاحترام والتقدير والخير من الله عز وجل
إن اللة مع الصابرين ربنا يسترها
تحيا مصر🇪🇬🇪🇬🇪🇬
#مصر_للمصريين
لا للاجئين يجب ترحيلهم صعبوا علينا العيشة
الايجارات زادت ٥ اضعاف والاسعار زادت ٢٠ ضعف تعبنا والله
لابد من فرض رسوم زي الخليج الزوجه والأولاد والزوج رسوم شهرية تدفع عند كل تجديد إقامة حوالي ٣٥٠٠ دولار
شكرا استاذ جون ربنا يعمل الخير لمصر
التشكيل الوزارى معقول جدا وإن شاء الله نتفائل خير ..وبالنسبة لوزير الخارجية والدفاع والكهرباء كان واضح عليهم المرض جدا ودى سنة الحياة والسن ليه حكمه.
وزير الدفاع واسد الخارجية حقيقي لن يأتي مثلهم
كنت اتمنى ان السيد/ سامح شكرى يكون رئيس للحكومة
؟ حرام وانت مش واخد بالك من شكله انا عشان مريضه قلب وشه بيبقى ازرق ربنا يشفيه
الأدوية معظمهما غير موجود. وحتى الموجود وصل زيادة سعره أكثر من مئاتان بالمائة. لنا الله
الشقه كانت ايجار ب2000 بقيت ب7000 آلاف جنيه بسبب ضيوف سيادة الريس
غبي متى كانت 2000 لما كان اقتصاد في 2022 كان دولار 15 دالواقتي كام 47 يعني 3 أضعاف الصيانة برضوا ارتفعت يعني تصلح حنفية 20 جنية دالواقتي 60 جنية كل حاجه ارتفعت مشكلة أساسية هي اقتصاد وارتفاع أسعار بكل شي
@@قناةالأمل-ه1صماترد بادب
لابد من محاسبة حكومة الفشل اللى ضيعت كل انجازتنا وتضحياتنا
شكلك مش مصري ياسليب مالك ومال الجيش المصري دلوقتي احنا بنتكلم في حكومة البلد ارحم نفسك شوية😂😂😂😂😂😂@@SleepyJo-d4k
خخخخخخخ قول ماء@@SleepyJo-d4k
@@SleepyJo-d4k مصرائيلي ! شكلك لاجئ معفن
@@SleepyJo-d4k الجيش المصري تاج راسك انت ايه اللي جايبك هنا اصلا يا لاجيء ؟
@@SleepyJo-d4kمالك ي لاجيء خليك ف بلدك انت مالك بشؤن بلدنااا ي عووويل
معظم اللي رفضو المناصب بسبب أنهم حيتلقو أوامر ومش حيتصرفو بأفكارهم وليه كل المحافظين لواءات مافيش مدني بيفهم
اللواءات فقط فى الصعيد لطبيعه المكان وشمال سيناء بالطبع الباقي مدنيين وراجع اسماؤهم حتعرف
صح قوي
إحنا يا استاذ جون لزعلين ولافرحنين ربنا يولى الصالحين انشأ الله فوضين أمرنا لله من قبل ومن بعد
وزيرين محترمين وزيري الخارجية والدفاع أكرمهما الله وجزاهما خيرا
تحياتي لكم المتألق دائما مستر جون
خساره كبيره آوي سامح شكري . بس الراجل تعب كتير و كبر و راجل كان اد المسؤليه.
تمام أنا معاك ياجون .... مصر محتاجه تهيئ الفرصة للقطاع الخاص لعمل مصانع في المجالات التي تهيئها الحكومة للصناعات التي تحتاجها مصر
بالنسبة لارتفاع اسعار الادوية ديه تجارة قازرة وقلة ضمير
كنت اود أن يكون كامل الوزير رئيس للوزاره. فهو نعم القائد وخير من يقدر ظروف هذا الشعب
@@zahyshaaban1005 إحتمال يكون هو الرئيس القادم
@@العا-و4ث ياريت قمة الوطنيه قمة الحرص على تقدم الدوله فى المجال الذى يسند إليه حفظه الله ورعاه وبارك فيه ووفقه فكل أعماله
@@العا-و4ثلو حصل هتفضل الأوضاع غلاء أسعار واسوء من الآن
@@العا-و4ثاتمني
ياسيدي الفاضل وزير التموين ليس اختصاصه التموين فقط دوره الأول الرقابة على الأسعار وضبط السوق وتوفير السلع الاستراتيجيه وعمل رصيد احتياطي على الاقل 3 شهور لعدم حدوث مشكله ولكن افضل ساكت لما الدنيا تخرب ويضع الشعب تحت رحمة جشع المستورد ين
الله عليك اضغططططط بقوه لازم قانون شديد
الحمد لله ان سيادة الفريق كامل الوزير موجود في الوزارة ربنا يوفقة ومن نجاح الي نجاح .
كويس انك اتكلمت عن الطبقة المتوسطة احنا بنتطحن حرفيا ولازم اي كان اسمهم ايه اللي ميتسموش يمشو
الدولة لازم تعمل مصانع لكل الاساسيات في البلد
بدون امتيازات خاصة
ادارة حديثة وتحت رقابة جيدة ومحاسبة
تديرها كويس وتحافظ بيها على امننا القومي
وتشجع القطاع الخاص انه يبني مصانع جديدة في كل المجالات مع منافسة عادلة مع القطاع الحكومي
لكن نسيب البلد لرجال الاعمال سواء مصريين او اجانب دا ثبت فشلة وقبت انهم لا يعملون الا لمصلحتهم ويستغلون الشعب ويهدفون للسيطرة على البلد والقرار الاقتصادي والسياسي فيها
مافيش دوله ناجحة بدون القدرة على توفير احتياجاتها الاساسية بعيدا عن سيطرة الاحداث والتقلبات
لا يوجد شئ اسمه راسمالية كاملة تتحكم في الدولة والشعب وتستعبدهم
دا فشل ذريع
ربنا يستر علي وزارة الماليه يا جون
گامل الوزير رجل رائع لأنه متحمس جدا ونشيط ويعمل لصالح البلد
اكتر واحد زعلت عليه هو سامح شكري أسد مصر
انا وحوالى 8من اصحابي من الطبقه المتوسطه
بجد كلنا انطحنا واهل بيتنا
مش قادر اصرف على بيتى ونا وهما
يا جون المصرى
المهم الان والضرورى
هو معالجة المشاكل السابقه
لان شعب مصر انكوى بجد من الأسعار
وكملوها بقطع الكهرباء
وكمان الدواء غير متوفر حاليا
واسعاره جنونيه
يا جون المصرى
ان شاء الله خير
بس يكون التفكير بذكاء وحكمه
ويكون خارج الصندوق من الوزراء
ورءيس الوزاره
تحيا مصر حتى لو لم نحيا
كل الشكر والتقدير لمعالي الوزير سامح شكري اسد الخارجيه كان مثالا مشرف لمصر في جميع المحافل الدوليه في مرحله من اصعب المراحل التي تمربيها مصر
بوص ياجو براغم أن الحكومة اتغيرت بس هتشوف حاجات حلوة كتير بتتعمل فى مصر بس بردو البلد فى هتعيش فى أزمات وهتفضل من أسواء إلى الاسوء وده اللى احنا اتعودنا عليه مفيش نتيجة
انت انسان راقي مستر جون ال بيخبط بعضهم له اهدافه انت وطني للنخاع علشان لا اعطي دماغي لحد واسمع كلامه واقتنع بيه الا انت❤❤
ده بغض الظر عن أخطاء الحكومة او حسناتها
صح الطبقه المتوسطه تعانى من المعيشه والصحه وتشمل الدواء مع ارتفاع الأسعار وجشع بعض التجار
وارجو من الحكومة الجديدة أن تراعي أخطاء الماضي وتحيا مصر
وزاره ايه ياترى وزاره فاشله يابلد
أنا زعلانة علشان وزير الرياضة لسة موجود بعد الفساد الموجود في اتحاد الكرة
اللهم احفظ مصر وشعبها و چيشها و رئيسها
تحيا مصر وشعبها وجيشها ورئيسها السيسي
أصحاب القطاع الخاص بيهربو من دفع الضرائب الضرائب مش بتدخل الدولة مش زى عندنا فى اوربا..النمسا عايشة من الضرائب.. تحياتى لك من النمسا محمود رضوان
أصعب وزارتين هما التعليم و التموين لحجم الفساد الداخلي
وضع السيد كامل الوزير للنقل والصناعه ضربة معلم.
دلوقتى نتكلم عن العيوب
قبل كدا كانوا ناس كوادر
احنا كدا شعب منافق
نتكلم بعد ما تخرب مالطه
كله خايف على السبوبه
لكن ربنا كبير ❤
تحيا مصر ومنصور ومحفوظ باذن الله ياريس وجيشنا
حقيقي الشقه كانت عندي فالعمارة كانت خمس الاف في الشهر
دخل السودانيين وخذوها ب خمس عشرة الف
سعيده جدا ان الوزير كامل استلم ملف الصناعه كمان مع النقل وهو رجل شجاع تحيا مصر
اسماء كتير ورفضت. علشان مشاكل كتير وضغط نفسي. وعصبى.
مفيش راحة. وظروف العمل تحت ضغط
انا زعلانه علي وزير الخارجيه ووزير الدفاع
تقرير رائع.وشكرا لحضرتك
من 5 سنين كانت 2000 جنيه تكفيني كفرد واحد طول الشهر دلوقتي أقل حاجة 6 آلاف جنيه ليا برضو كفرد واحد
يامصر مين يقدر عليكي
ربنا اصلا حاميكي
ماتشيلييش الهم ابدا
ده اللي خلقك مش ناسيكي
ماتشيلييش الهم ابدا
طول ما فيكي جيش حاميكي 🇪🇬 🇪🇬
ماتخلقش اللي يعاديكي
ماتخلقش اللي يمسك
كلنا عايشين بحسك
رفرفي بعلمك ونسرك 🇪🇬 🇪🇬
ده انتي أقوى جند فيكي 🇪🇬 🇪🇬 🇪🇬
يامصر مين يقدر عليكي.
الايجار الجديد والزياده كارثه تدمرمصر
انا زعلانه على على اسد الخارجيه سامح شكرى ووزير الدفاع اللواء عباس كامل أما وزير الماليه والتعليم والصحه مع الف الف سلامه
تحيااااا مصررررر 🇪🇬
عندنا. امل. كبير. في الله والحكومة. الجديدة 🇪🇬✌️🇪🇬💪🇪🇬👍
وزير الأوقاف يااستاذ جوان
نتمني أن يكون في كل الوظائف ثواب وعقاب مهما علت الوظيفه مفيش حاجه يخلص مدته ويمشي
كان وزير مخلص. استريح.. كنت احب اشوف معاكى وزير الموارد المائيه السابق
تحيا مصر تحيا مصر تحيا مصر
واله ياجون اي حد بيشتم في الحكومة برد واقول احنا وحشين مع بعض
كل واحد بيسغل حتي لو ابوه وفعلا بيحلل لنفسه اي حاجة
#ضد_توطين_وتجنيس_اللاجئين_في_مصر
ايجار كان ٣٥٠٠ دلوقتى ٦٠٠٠ بس صاحب الشقة خلاه ٥٠٠٠ عشان عرفنا و علاقتنا كويسة
متفائل بوزير التعليم لكن ربنا يستر ولا يحارب من داخل الوزارة مثل سلفه طارق شوقي المحترم .
اول واحد حارب طارق شوقى كان رضا حجازى منه لله
ياريت وزير التعليم يعمل تعديل ملموس في المنظومة كلها ويخلص الولاد من الحفظ والصم.
كمان ياريت يخلصنا من شبح الثانوية العامة وكفايه عذاب للولاد واهاليهم.
مش منطقي ادخل ابني جامعة خاصة ب ٩٦% بجد حراااااام
يامستر جو يعملوا شركات مساهمة تنشىً مصانع وتطرح فى البورصة وهو اهم دور للبنوك
الايجار في الهضبة الوسطي المقطم كان ب ٥٠٠٠ من شهرين حاليا بقي ١١٠٠٠ بسبب السودانيين
انا اسعد انسان فى العالم بعد رحيل وزير المالية .
ده لبس الشعب المصرى كله فى الحيط
انا.فرحانه.ان.وزير.التموين.مشى.ولعله.خير
بصراحه في تراخي في مدريات الامن والشرطه تتا❤خر في ان تستجيب للمواطنين
الايجار والتمليك زادوا علينا قوي لا عارفين نأجر ولا عارفين نشتري
انا مبسوطة للتغير اللي حصل وأهمها نفين القباح
لامؤاخذه المستثمرين فى مصر عباره.عن سماسره لذا يجب يكون هناك مشروعات حكوميه لايستطيع السماسىه تمويلها
لتوسيع والاكثار من المال السائب اللي مالوش أصحاب وزيادة الفساد والافساد ..
حضرتك ياريت تتكلم على وزير السياحه والاثار وربنا يستر هو ووزير العدل ووزير الطيران المدني
سامح شكري رجل المهام الصعبه خسارة بجد
الأخلاق العامة لازم تكون مادة اساسية في منهج التعليم
كلامك صح بخصوص الطبقه المتوسطه انا منهم
موضوع بزنس سيارات المعاقين من زمان وليس جديد
المشكله انهم جابولنا احباط من كل اللى شوفناه....وللاسف مدبولى ده قلل شعبية السيسى جدا
كل شئ بعلم السيسي
كل شيء بإرادة الله
@@اشرفاشرف-ف2ف1ز
😅
المشكل في مصر ليس مشكل مدبولي او شكري او حتى السيسي ....المشكل مشكل النظام و سيطرة الجيش على كل شيء في البلاد منذ انقلاب 52.....
@@gharibelhayani2772 الجيش المصري تاج راسك يا صغير
نحن من الذين تضرروا في موضوع الايجار ولي ابن صاحبة الشقة رفعت قيمة الإيجار والزيادة ٣,٥ ألف علي قيمة الإيجار فأصبحت ٩,٥٠٠ جنيه يعني أكثر من المبلغ المتبقي للمعيشة والمشكلة ما فيش وسيلة أن الايجارات تنزل لعدم وجود لجان تقدير مثل الماضي وحتي لو ضيوف مصر رحلوا عنها فما هو الحل
هذه هى الخصخصة لشركات الأدوية يا جون وسلملى على القطاع الخاص وحسبى الله ونعم الوكيل فى القطاع الخاص فى مجال الأدوية
رحيل وزير الخارجيه اعتقد انه خساره للمصريين ولكن نأمل انه الوزير الجديد يثبت نفسه لدي المصريين عشان ياخد نفس مكانة سامح شكري من حب الشعب ايضا وزير الدفاع ولكن مطمنين جدا لأن اختيار وزير الدفاع تحديدا مبيكنش اي حد لالا بيتم اختياره بدقه عاليه جدا جدا جدا لأنه اخطر منصب في الوزاره . اللي كنت عايزه يمشي هو رئيس الوزراء مصطفي مدبولي شكرا لحضرتك افتح الطريق لغيرك وكفايه عليك كده لأنه وعدنا كتير بحاجات ولم تتم ف كنت اتمني رحيل رئيس الوزاره شخصيا . وباقي الوزراء هنشوف وجودهم علي الأرض ونتمني يكونوا اكفاء ويلبوا مطالب الشعب .