Nau Mprơ Bu Nong - Nau Rŏng Mâu Blau Dŭt

Nau Rŏng Mâu Blau Dŭt I Nau Mprơ Bu Nong
Goh: Bưu BuNong
Rblang: MS. Hiêng
Nơm Mprơ: Y Tài
#Atochannel
Lyrics:
1. Ăp nar rlau năm, du sial đô̆, sial đô̆ lơi nau kâp gân,
nau rŏng gơnh roh hêng nâm bu dak ngo.
Geh du nar gâp tăng nau rŏng Kôranh Brah,
lŭ dak măt Mbơ̆ nau ji jong,
kô mâk kêng jâng Păng vơl dăn ndrel nau chroh ngăn.
Păng rŏng gâp hâu ngăn, khĭt ntrok ăn ma gâp,
gâp mâu geh nau gưt dơn nau Păng tâm chuai.
Ŭch prăp nau nây tâm nuih n’hâm kah gĭt tôr.
Yor rêh gâp ŭch prăp, rêh an ma Păng dơm.
2. Tâm trong jêh geh âk nau ndơm.
Gâp mbơi ma ngai đah Păng, njun leo gâp plơ̆ sĭt tâm ngih Mbơ̆.
Nau Păng rŏng ma gâp mâu blau ntĭt ôh,
n’âp gêh yôk rgâl geh nâm trơn.
Păng ăt hôm rŏng gâp mro mrăng gũ ndrel gâp ro.
Nau rŏng Păng toyh ngăn, nau rŏng mâu blau dŭt,
n’âp ma gâp gŭ ngai n’âp ma gâp dun Păng.
Păng ăt hôm rŏng gâp, kâp gâp lơi nau tih.
Plơ̆ sĭt hom ma Păng, Păng yô̆ nau tih gâp.
3. Gâp lah ueh Mbơ̆, mprơ rnê Păng.
Hŏ yô̆ lĕ nau tih gâp, abaơ Păng ăn nau mbên mhe ma gâp.
Dăn nau rŏng Mbỡ ang nâm bu măt nar,
sol ang ƀa ƀơ nau rêh gâp,
gay ăp nar nau rêh gâp srôih ăn nau rŏng Mbơ̆.
N’âp phŭt toyh sial kuăng, n’âp mih n’hiach hâu ngăn.
Gâp ŭch hăn ndrel ma Mbơ̆ lĕ du bông rêh.
Yor Păng rŏng ma gâp, nkhĭt ntrok an ma gâp,
lĕ bông rêh gâp rŏng ma Păng mro mrăng ngăn.
Păng rŏng gâp hâu ngăn, khĭt ntrok ăn ma gâp,
gâp mâu geh nau gưt dơn nau Păng tâm chuai.
Ŭch prăp nau nây tâm nuih n’hâm kah gĭt tôr.
Yor rêh gâp ŭch prăp, rêh an ma Păng dơm.