Sen menga hammadan zarursan degin

Ishq degan imorat ketmasdan nurab,
Xaqqiga yetti yurt o‘lponin so‘rab,
Mening bor yo‘g‘imni umidga o‘rab,
Sen menga hammadan zarursan degin.
Jonimni larzaga keltirsin yurak,
Sinmagan qolmasin bironta suyak,
Menga shu so‘zlaring juda ham kerak,
Sen menga hammadan zarursan degin.
Nega tushunmaysan, chora yo‘q o‘zga,
Hozir gumonlarim chang kabi to‘zgan,
Jahoni tor kelib qolmayin ko‘zga,
Sen menga hammadan zarursan degin.
Barcha gunohlarim yuvilsin desang,
Xijronlar Xirotga quvilsin desang,
Tunlar ham tong kabi tuyulsin desang,
Sen menga hammadan zarursan degin.
Tomirlar ichida yonib oqsin qon,
Ikkila ko‘zimdan otilsin vulqon,
Bo‘lmaydi amallab topmasang imkon,
Sen menga hammadan zarursan degin.
Yolg‘onmi, rostmi bu farqi yo‘q, bilsang,
Xaqqing ketmaydiku iltifot qilsang,
Tomoqda tiqilib turar bir xarsang,
Sen menga hammadan zarursan degin.
Rahm qil, joyida tursin shu osmon,
Jangu-jadallardan toliqqan jahon,
Yomon istayapman, juda ham yomon,
Sen menga hammadan zarursan degin.
O‘lib qolishimni istaysanmi yo,
Aytmasang jon chiqib ketadi go‘yo.
O‘tinib borsinmi qoshinga Dunyo,
Sen menga hammadan zarursan degin.
SEN MENGA ZARURSAN DEGIN...
✍Malika Salimova
🎙Zuliw Altmus

[@user-lh8ld9hb8b]

Гап йук омад жуда хам зур ❤❤

[@xusainovxayot2371]

👏👏👏👏👏👏👏

[@JovoxirShomirodov]

❤❤❤

[@JovoxirShomirodov]

❤❤❤❤❤🎉

[@ChinibuviS.H.]

🎉

[@ToxirzodaMuxamadjon]

☝️☝️😢😢😔😔

[@JovoxirShomirodov]

❤❤❤❤❤🎉

[@JovoxirShomirodov]

❤❤❤❤❤🎉