Buubu Dafa Sisoxo. l’auteur de la retranscription en Soninké Xaramoxo Foodiye Siise h.a

Xaranmoxonun na o wara kille gelli ga na ñi hella ga yilande ke noxo ŋa.
Na a toxo ti o ku na xaralenbucunun ña yi.
Xa aaxi, xarallenma Foodiye Siise.
O su da a faamu.
Ke xiisa, ke xaransuuge digaamunu kallen ña kanma.
Alla gan na lagari moxo sire ña o su da.
La ilaaha illala
La ilaaha illala
Xoro na muñi me da
Duna ni fankenen ña
Duna ni dundon ña
I be ga na duna banbu
Duna ga na an banbu
Banbaadon ga na kuti
Duna ga na an fitta
Laahara ga na an jaasu
Haadama ni sankunte
Haadama ni mungunte
Yillen ga na tifi
Yillen ken na bogu
Mollen ga na tifi
Mollen ken na bogu
Haadama ga na tifi
Haadama ntaxa bakka
Haadama ni sankunte
Badabada sankunte
Saara yaxaru ku, haqi toxo in da
Saara yugu ku, haqi toxo in da
N faayi xasiidan koono
Faaren xasiidan ŋa
Muhanmadu xasiidan ŋa
Lenmen ga noxon ŋa
Siinen xasun tanmi,tanmun do fillo ŋa
Ken ña yaxare ba ?
A tuwaaxun nta saaran da.
Ken ña yugo ba?
A tuwaaxun nta saaran da.
Saara yaxaren da, saara yugon da, a gan nta Allahu falle, Allahu Taala falle.
Senben nta kome da
Feeran nta kome da
Sekkon nta kome da
A gan nta Allahu falle, Allahu Taala falle.
Laahara maañon xa?
N dangi a konpen ŋa
Sorogondi konpen ŋa
N dangi a konpen ŋa
Jaarandi konpen ŋa
Anjarayilu na an golli
An da an golli na an saaga
Jiinun na tewo
Jiinun ga na tewo
I na an wutu kittun di
I do an na taŋa jooxen di
I na an wanqi ma an ga laabe
I na an suusa ma an ga kaawa
Raqen seedan xa ?
A seedan ni lepan ya
Nuxunboton seedan xa ?
A seedan ni lepan ya
Torunboton seedan xa ?
A seedan ni lepan ya
Kittindoronmun seedan xa ?
A seedan ni lepan ya
Tandoronmun seedan xa ?
A seedan ni lepan ya
Boron na tinto
Misellun na tinto
Doroken na ro maañon
Badabadan doroken ŋa
Doroke kitten nta a yi
Doroke xannen nta a yi
I na maañon luusa
Maañon ga na luuse
I na an ro sollun ŋa
Sanbaxan sollun ŋa
I do an na taŋa gunne
Baanan gunnen ŋa
Sonqon wa do maaño
Xaaruyen wa do maaño
Juugan wa do maaño
Sunpun su na kamari
Xattin su na kamari
I do an na daga gunne
I do an na daga gunne
I na an ro konpen ŋa
Konpe raqen nta a yi
Konpe fenetirin nta a yi
"Yindanxotonfilli", i na ri sigi an kanma
Baanen wa teeyen ŋa
Baanen wa noogen ŋa
Ñuma Haadama wo
Baaba Haadama wo
O ri an tirindi gollun ña
Golli sire golle
Golli bure golle
Keti o ma a kono an da
Sokkun ma a kono an da
Yittun ma a kono an da
Haadama ni sankunte
Xa ti: La ilaaha illala
La ilaaha illala
An toxo?
Buubu Dafa Sisoxo.
~~~~~~~~~~~~~~~~~~
Xaranmoxonun na o wara kille gelli ga na ñi hella ga yilande ke noxo ŋa.
Na a toxo ti o ku na xaralenbucunun ña yi.
Xa aaxi, xarallenma Foodiye Siise.
O su da a faamu.
Ke xiisa, ke xaransuuge digaamunu kallen ña kanma.
Alla gan na lagari moxo sire ña o su da.
...