Ёшлар форумида нуроталик Нурали Исломовнинг Президентга "талаб"и

Тадбирда кутилмаган, қизиқарли ҳолатлар ҳам кузатилди. Масалан, Навоий вилоятидаги ёшлардан бири минбарга чиқиш арафасида турганидан энг охирги қаторда ўтирган йигит қўл кўтаргани кўринди. Президент ҳоким ва минбарга чиқишга тайёрланаётган номзодни тўхтатиб, ўша йигитни чақиришларини сўради.
«Ўзим Нуротаданман. Бизда тарихий жойлар жуда кўп, лекин тарихий филмларимиз кам. Ҳалигача 40-50 йил аввал олинган филмларни томоша қиламиз. Таклифим, тарихий сериал олинса ва мен шунда бир рол ижро этсам», - деди сўзга чиққан йигит.
Давлат раҳбари бу таклифни қабул қилишини ва бу йигитга, албатта, рол берилишини мутасаддиларга тайинлади.