Quru sərhədlər həmişəlik bağlı qalacaq? İqtisadçı Natiq Cəfərli ilə müzakirə

2020-ci ilin martından etibarən Azərbaycanın quru sərhədləri bağlıdır. Elə bu günlərdə Baş nazir Əli Əsədov Azərbaycan Respublikasının ərazisində xüsusi karantin rejiminin oktyabrın 1-nə kimi uzadılması barədə qərar imzaladı. Qərar hələ də müzakirə edilərkən dövlət rəsmiləri bunu təhlükəsizlik və daxili turizmlə, müxalifət isə AZALın borcları ilə əlaqələndirir. ReAL partiyasının siyasi komitəsinin üzvü, eyni zamanda iqtisadçı Natiq Cəfərlinin fikirncə ölkədə təhlükəli vəziyyət yoxdur. Sərhədlərin bağlanmasının səbəbi isə valyutanın xaricə getməsinin qarşısının alınmasıdır.