Општински новогодишен натпревар во футсал, кошарка и забавен училишен спорт 2024

Општински новогодишен натпревар во футсал, кошарка и забавен училишен спорт
На 13.12.2024 година учениците од ООУ „Свети Јоаким Крчовски“ - Крива Паланка учествуваа и постигнаа солидни резултати на Општинскиот новогодишен натпревар во футсал, кошарка и забавен училишен спорт.
Настанот беше организиран од Општинскиот сојуз на училишен спорт Крива Паланка, заедно со наставниците по ФЗО, кои несебично придонесоа се да помине во најдобар ред. Учениците се забавуваа и натпреваруваа заради развивање на другарството, спортскиот дух и фер - плеј игра.
Честитки и благодарност до нашите ученици и нивните ментори Жарко Ангеловски, Горан Цоневски, Мирослав Ивановски и Кирил Стојчевски. Благодарност до Општината што го поддржува училишниот спорт. Се стремиме да го одржиме континуитетот на оваа манифестација, за да прерасне во традиција на градот.