Andrew Azzopardi On 103 | 8 ta' Lulju 2023

Intervista ma' Dr Lawrence Gonzi
Politiku li jirtira, kif jgħix ħajtu? Xorta waħda jibqa’ jsegwi il-politika? Jibqa’ jagħti pariri?
Waqt il-programm Andrew Azzopardi on 103 issir diskussjoni flimkien mal-eks Prim Ministru Dr Lawrence Gonzi fejn jitkellem dwar ħajtu, issa li ilu diversi snin li irtira mix-xena politika.
Matul il-programm, li jixxandar kull nhar ta’ Sibt bejn id-9am u nofsinhar diskussi wkoll:
1. Il-bilanċ bejn is-satira bla limitu u li ngħixu ħajja ma’ xulxin b’rispett: Jiddiskutu l-opinjonisti Christine Amaira u Yannick Pace kif ukoll intervent telefoniku mill-opinjonista Aleks Farrugia.
2. Il-Kostituzzjoni: Kollegament telefoniku mal-Kostituzzjonalista, il-Prof. Tonio Borg, il-Prof. Kevin Aquilina u l-Avukat Dr Roberta Bonello.
3. Is-suwiċidju: Diskussjoni ma’ Gertrude Cachia, omm li tilfet lil binha b’suwiċidju, Maria Barbara, id-Direttur ta’ Victim Support Malta Karl Grech kif ukoll intervent telefoniku ma’ Nicola Camilleri li tilfet lil missierha permezz ta’ suwiċidju.
4. Qatt kellek xi rimors wara li mietet Nirvana?: Jitkellem Joseph Azzopardi, missier Nirvana Azzopardi li mietet bil-marda tal-kanċer u intervent telefoniku ma’ Josef Bonello, ħabib ta’ Nirvana.