Ezgulik va saxovat ayyomi arafasida mehr-muruvvat ulashilmoqda

Muborak Qurbon hayiti mohiyatida xayru saxovat, mehr-oqibat, insonparvarlik singari azaliy an’ana va qadriyatlarimiz mujassam. Mehr-oqibat bayrami arafasida Boyovut tumanida savobli ishlar ko‘lami yanada keng quloch yoydi.
Bugun tuman hokimi Dilfuza Uralova mahallalardagi mehnat faxriylari, keksa-nuroniy va mehrga muhtoj oilalar holidan xabar olib, ularga bayram xursandchiligi ulashdi. Xonadon egalari bilan dildan suhbatlarda ularga samimiy tilak va bayram tabriklari yetkazildi.
Qurbon hayiti bayrami arafasida, inson qadrini ulug‘lashga qaratilgan mehr-oqibat va insonparvarlikni mujassam etgan bu kabi tadbirlar davom etmoqda.