Aholi bandligini taʼminlash - oilalar farovonligini taʼminlash demakdir

Yangiyoʻl tumani Gʻalaba mahallasida bugungi kunda 5116 nafar aholi istiqomad qiladi.
Mahallaning drayveri tikuvchilik va xizmat koʻrsatish hisoblanadi.
Mahallaning oʻzida 2 ta yirik tadbirkor avtomobil gʻiloflarini ishlab chiqarishni yoʻlga qoʻygan. Mazkur tikuv sexida mahallaning va yon atrofdagi mahallalardan jami 300 nafardan ziyod xotin-qizlar jalb etilib, bandligi taʼminlangan.
Darxon mahallasida “Bir mahalla - bir mahsulot” tamoyili asosida gulchilikni rivojlantirish yoʻlga qoʻyilgan. Bugungi kunda issiqxona yoʻnalishida mahallaning 975 nafar fuqarosi band boʻlib, foiz hisobida oladigan boʻlsak, 97 foizni tashkil etadi.
Mahallada gulchilik bilan shugʻullanadigan xonadonlar soni 375 tani tashkil etib, ularda 200 xildan ortiq gul turlari yetishtiriladi.