اذا عجبكم الفيديو لايك واشتراك وتفعيل الجرس للي ما مشتركين 🥰 الفيديو الجاي راح يكون ٣ قصص مرعبه ومربكه بنفس الفيديو مو قصه وحده ...لو باجر لو اللي بعده ينزل🖤 ruclips.net/video/g8E6HDrGlCk/видео.html فيديو قصه مقتل مايكل جاكسون بالرابط هذا انصحكم بمشاهدتة ....مشاهدة ممتعه اسف الصوت صار ناصي شويه بالفيديو هذا لان المايك كانت اعداداته ناصيه هالمره
السلام عليكم عاشت ايدك على التقرير واسلوب السرد الشيق... هناك ملاحظات أود تثبيتها: أولا: الحادثة حصلت سنة ١٩٨٥، وبالتحديد يوم ٤ آذار ١٩٨٥ حيث كان يوم المرأة العراقية او يوم الماجدة العراقية، أما يوم ٨ آذار فهو يوم المرأة العالمي. بقي الدكتور ضياء نوري في مستشفى مدينة الطب بالانعاش من يوم ٤ آذار ١٩٨٥ لغاية ١٤ آذار ١٩٨٥. حيث كانت وفاته يوم ١٤ آذار ١٩٨٥. قبل يوم من الوفاة جاء أمر من مديرية الأمن العامة برفع كل الأجهزة عن المرحوم لأن ليس هناك أمل بشفاءه... يعني الموت الرحيم للمرحوم ضياء. ثانيا: الجهة التي أمرت بتشريح جثة الدكتور ضياء نوري هي مديرية الامن العامة، وهي نفس الجهة التي اعلنت الوفاة وحسب ما موجود بشهادة الوفاة حيث موجود أن الجهة التي أبلغت عن الوفاة هي مديرية الأمن العامة. ثالثا: الدكتور ضياء نوري لم يكن معارض للحكم، إنما لم يكن منتميا لصفوف حزب البعث الحاكم آنذاك. رابعا: الطالبة مي، كانت في المرحلة الرابعة عندما حصلت هذه الحادثة، وكان من سخرية القدر، أن مجلس الكلية قرر أن يرقن قيدها كونها رسبت سنتين متتالية. لكن السيد الدكتور ضياء نوري قد طلب من مجلس الكلية اعطاء الطالبة فرصة كونها وصلت للمرحلة الرابعة ولم يتبق لها سوى سنتين وتتخرج الطالبة من الكلية. خامسا: كان النظام البعثي الحاكم آنذاك يتخلص من اعداءه وخصومه بطرق معينة، وكان ضحايا النظام الحاكم يحالون الى الطب العدلي لمعرفة سبب الوفاة، فكان الدكتور ضياء نوري يمارس عمله بمهنية ولم يخش النظام الحاكم ويكتب بتقريره سبب الوفاة بكل مهنية وبدون مجاملة. لذا لم يكن محبوبا من قبل النظام الحاكم (لم يكن منتميا لصفوف حزب البعث، وكان يفضح جرائم النظام بكتابة تقريره بكل مهنية وبدون مجاملات ). لهذا تجد أن هناك نظرية تقول أن الموضوع ليس طالبة معجبة بالمعيد، بل يعتقد البعض أن الموضوع سياسي أكثر مما هو رومانسي. سادسا: مصير الطالبة مجهول، قسم يعتقد انه تم اعدامها، وهذا غير مؤكد وغير مثبت علميا، وقسم يعتقد أنها لا تزال على قيد الحياة وهناك أدلة علمية دامغة لا مجال لذكرها. سابعا أكرر شكري وتقديري نيابة عن عائلتي وعن والدي لأسلوب طرحك وسردك لقصة الوالد. رحم الله والديك وممنون من عندك اخوك... محمد ضياء نوري
هاي القصة امي شهدت عليهة لان امي من خريجات هذه السنة من كلية الطب والى الآن تذكر هذه الحادثة وميعرفون شنو السبب الي دفع الطالبة على هذا التصرف فعلا ذكرى حزينة
اذكر الحادثة جبدا وكنت ازور كلية الطب كثيرا لوجود عدد كبير من الاصدقاء هناك.. كان المرحوم ضياء الموسوي مرجعا محليا بل وعالميا في الطب العدلي. أعدت لنا أياما طننت ان احدا لن يذكرها.. شكرا لك
الله لايوفقها لا بالدنيا ولا بالأخره تسببت في قتل رجل ذو علم حتى لو كان عدو لي لايجب أن أفعل ذلك خاصة قتل النفس حرام وحرم في القران لا اله الا الله محمد رسول الله صل الله على من لا نبيه من بعده صل الله عليه وسلم لاحول ولاقوة الا بالله هذه مو بشر شيطان بهيئة بشر تستحق الاعدام مليون مره وعنده الله تجتمع الخصوم سوف يأخذ حقه هناك لانه لامفر من العقوبه لله الأمر من قبل ومن بعد تحياتي خديجه الزبيدي العراق بغداد 😢😢😢😢😢😢😢😢😢😢😮
@@vxjxjxghxjxnj طيب مادام عند الله تجتمع الخصوم هل حسبت حساب اجتماعك مع هذه البنت المظلومة المسكينة التي ستكون خصمك يوم القيامة ؟ البنت عدموها ظلما ولحد الان الناس تسميها الشهيدة استغلوا كونها على نياتها واعطوها بطل المشن توصله للاستاذ لان كان طبيب عدلي ورفض يزور تقارير الجراىم وانعدمت ظلم والرجل انقتل ظلم
كمية التنمر من الطلاب على زميلتهم بدل ما يتعاملون وياها بإنسانية من يشوفون تصرفاتها مضطربه ومحد يعرف شنو ضروفها الي خلتها هيج مريضه نفسيا وهذي النتيجة تحولت مجرمه وهي شابه وطالبة طب واعتقد بيوم الاحتفال شافت الكل فرحان وهي ضاع مستقبلها من انفصلت والكل ضدها ياريت الناس تتعلم تنبذ التنمر وتتعامل برحمة وإنسانيه
ماكنت معاهم وقتها ممكن تكون اول الناس الي يبتعد عنها محد يقدر يضل مع شخصيه غريبه الاطوار او عندها امراض نفسيه وابداا التنمر مو عذر للاجرام مهما كان الاعتداء يكون بمقابله من الاعتداء والاذيه لكن القتل جريمه شنيعه وماكان همها احد انه تقتل خمس انفس بدم بارد اعذرني لو كان كلامي هجومي لكن مو هو القصد هجوم اقصد ابين وجهة نظري بالموضوع
ايبااااااه هاي وين رجعتني إلى أجمل أيام أيام الدراسة وايام شبابي في كلية الطب كنت طالب عند الدكتور ضياء رحمه الله ولكن كنت في يوم الحادثة عندنا مجلس عزاء وما داومت لان جابوا عمي شهيد في حرب ايران 🥹😭
انا كنت طالب مرحله رابعه وكانت مي معنا بنفس المرحله واذكر انها كانت تدخل معنا بعض المحاضرات للمرحوم د.ضياء ومحاضرات اخرى وفعلا كانت انعزاليه.. وفي،ذلك اليوم المحزن كنت انا وصديقي واقفين قرب الممر المؤدي للطب العدلي وجاءت مي وسلمت علينا وسألتنا عن تواجد د.ضياء في القسم ام لا..وبعد دقائق بدأت الضجه وتفاجأنا بمرور سديه وعليها المرحوم د.ضياء فاقد الوعي وبعدها شاهدنا د.جبار(على مااتذكر) وهو يترنح ويتقيأ.. رحمه الله كانت محاضراته عباره عن دروس ممتعه يحضرها كل المرحله وفي قاعة التشريح كان يبدع في الشرح حول العلامات الجنائيه وتفسيرها ..وللاسف لم يكمل تلك السنه معنا وانتقل الى رحمةالله شهيدا سعيدا.
@@raadraad3661 لو هيج التراث لو مينراد .. ناس تعلمت على الصوندات مو بديه اعذرهاا بعلم النفس اكو ثله بالنسبه الي مااكدر اسميهم وجريمه ينحسبون على البشر .. كلما تهينه وتذله يصير يشوفك شي عظيم العظمى لله فقط ويعوف الله ويصير يعبدك .. المهم ناس تشتاق .
اختيار موفق للقصة التي تركت حزنا عميقا في قلوبنا .. ١٩٨٣ كنت في الصف الاول في كلية الطب جامعه بغداد .. لذلك سببت هذه الحادثة صدمة كبيرة لنا وخصوصا نحن في المراحل الاولى للكلية .. الدكتور ضياء الموسوي هو من وضع منهج وكتاب الطب العدلي في كلية الطب جامعه بغداد وكان يدرس المنهج بنفسه بحب وشغف وابداع وبقى يدرس بعده لسنوات طويلة .. الرحمة والمغفرة لهذا الاستاذ الجليل .. ولكم التوفيق والمزيد من النجاح والتالق ..
انا بنت عم الدكتور ضياء الموسوي رحمه الله فعلا كان حادثا عظيما وكان المرحوم الدكتور قامه عضمى في الطب العدلي ومحاضراته الشيقه وكان الحادث ليس في سنه ٨٣ بل في سنه ١٩٨٥…رحمك الله سيد ضياء
انا ابنة اخ الدكتور ضياء الموسوي احب ان اقول لك ان المعلومات التي طرحتها معظمها خاطئ ومزيف والحادثة كانت سنة ٨٥ والطالبة مي لم تكن مفصولة من كلية الطب وسيانيد البوتاسيوم لايتوافر بالمختبرات بهذه السهولة . رحم الله عمي الحبيب القامة العلمية الكبيرة التي نفخر بها ويفخر بها العراق
وليش تكرهونهه يمكن تمر بحاله نفسيه او بيهه اكتئاب وما تكدر تحجي وياكم اي طالب واي شخص جان وياهه هو السبب بقتل الدكتور وضياع مستقبل مي تعلمو درس من القصه اي شخص منعزل لا تضغطون عليه وقدرو حالته الي يمر بيهه
القضية مُدبرة، الطالبة تم عمل لها تقرير بانها مريضة نفسية لتجنب الحكم لانها كانت مدعومة من جهات سياسية، رحمة الله عليك دكتور ضياء الموسوي. لحد الان نذكره في محاضرات الطب العدلي، فهو قدوة لنا جميعا.
لم اسمع بهكذا قصة لكن هناك فجوات في السرد كيف استطاعت هذه الطالبة ادخال السم الى القناني ومن المعروف ان القناني مقفلة ولم تفتح الا بالمفتاح وكيف قدمتهن لم يكتشفوها ...الا اذا كان الامر مدبر من امن النظام المقبور لذلك اخرجوها من السجن وسفروها الى الاردن
هاي القصة سامعتها من اني صغيرة لان والدي طبيب باثولوجي وعاصر هاي الاحداث وبالمدة نفسها ويعرف كل الاشخاص الي ذكرتهم . ودزيتله هسه لينك الفيديو . لان اني ناسية بعض التفاصيل مالتها . راح اشوفه شنو هو يتذكر منها .
واخيرآ فديوووووووو ، استمر ساررررري دومك متألق و different عن البقيه وهذا الشي المميز بيك متنوع ببرامجك وكلهم يجننون بس اكثر شي قصص الرعب روووووعه وحاول دائمآ تنزل قصص وذا تكدر يوميه هلكد ماتحمس عل فيديوهات لأن ننتظرك على نار كلنه 😖😭🙂❤ والله يوفقك ويرزقك مثل مدتسعدنه وتونسنه ببرامجك
السلام عليكم استاذ شياه الله يرحمه كان من أفضل أساتذة الطب العدلي علما واخلاقها وكان في نفس اليوم صباحا كان يلقى علينا محاضره عن موت الفجانه اي الإنسان الذي يموت سريري ويوضع علي الأجهزه متى يتم إيقاف الأجهزة ورأي العلم والدين من إيقاف هذه الاجهزه وبعد أن اكمل المحاضره في الساعه الثانيه عشر ظهراً ذهب للاستراحة وحدثت الجريمه كان دكتور ضياء عطشان جدا فشرب اكثر من الباقين وقد حدث له موت الفجانه ووضع على الاجهزه الكهربائيه ونفس الكلام في محاضرته تطبق عليه الله يرحمه كان انسان رائع جداً وهو الذي ساعدها للرجوع إلى الدراسه بعد فصلها من الكليه وقد كانت معنا في الصف الرابع عند حدوث الحادث
كل القصص الي ترويها اتجنن ..وغريبة وصدك ماسامعيها...والاكثر الي يعجبني طريقة سردك للقصة..مبدع جدااا يااخ سلري..عاشششت ايدك ع هذا المجهود ...استمر ياارووع اعلامي..👍👍👍👍💐
المفروض من الدكاترة في الجامعات ان يتعاملوا مع الطلبه مثل ما يتعاملون مع ابنائهم وهذا هو اللي يجنبنا الجرائم في المستقبل حفظ الله كل طلاب العراق الاعزاء من كل شر يارب العالمين 🤲🏻♥🇮🇶
حلو تعرف الاجيال على قصص من الثمانينات، واغلب الشباب ميعرفون هاي القصص، الله يرحم الاستاذ الدكتور الي توفى ويكون بعون اهله وعائلته واكيد هو خسارة بشرية، شكراً لاسلوبك المشوق و الحلو بالتقديم.
عفيه ساري استمر ترى المجتمع العراقي بي قصص هواي نتمنى تختار الغريب والمميز منها وتطرحها … والله يحفظ الشعب العراقي ويهدي النفوس ويصير ارقى شعب بطيبته وشهامته وبعيد عن الحقد والجرائم آمين يا رب العالمين
دوووم مبدع ومتميز اشتقنا لقناتك الله يحفظك ويوفقك وتستاهل الدعم كونك تريد الناس تستفيد وكونك مو مثل بعض الناس اللي تجدي لايكات بمقاطع تافهه، تحياتي متابع من السعوديه 💚👋
من القهر اللي في قلبها ضحك عليها وبعدها تخلى عنها وفوق القهر من قوله انه ماحبها انفصلت من دراستها وانفضحت واكيد زملاءها شمتو فيها ترى القهر يعمي العقل الله يكفينا الشر
لاتبرر للجريمة …جريمة جماعية بشعة لايقوم بها انسان طبيعي مهما تكن الظروف ..الفتاة واضح انها متربية على حب التملك ولا احد يرفض لها طلب لذلك خططت وقتلت بدم بارد وكانت مستعدة لقتل اخرين فقط لان احد رفضها .
اول مرة اسمع بهذة الجريمة المخطط لها بدم بارد ..رغم اني من نفس ذالك الجيل ..شكراً لك على جهودك واستمر انت اسلوبك قريب للقلب والمؤثرات اللي حولك تزيد الطرح اثارة وتشويق 🌹🌹
اصحاب التعليقات لو تعلقون وتكولون شغلات تخص القصص وتناقشون بيها احسن ما..تكولون اجاني اشعار ومتت فرح ..وعفت شغل البيت ومدري شنو حتى اباوع القصة. وانت احسن واحد تسرد القصص..ياخي لازم تناقشون حول القصص حتى يصير تفاعل حلو مو بس تباوعون وهاهية هسة اريدلي واحد يناقش حتى ارد عليه ماكو..مع احترامي لصاحب القناة طبعا...هوة اصلا صاحب القناة ديكول شنو رائيكم بالنظريات وانتو مغلسين😅😅😅
التعليقات ليست فقط واصلة بين اصحابها إنما هي رسائل ايضا يخلوها المتابعين لصاحب القناة ليقرأها مثلا انا اول مرة شفت القناة ماكنت متوقعة انو يسرد الوقائع بطريقة جميلة ف خليت له تعليق قلت فيه شكرا على الفيديو طريقتك رائعة .. يعني كل واحد له حرية التعبير في ذلك أعتقد تعليقك أيضا ليس له فائدة بالنسبة لناس آخرين مع احتراماتي
اذا عجبكم الفيديو لايك واشتراك وتفعيل الجرس للي ما مشتركين 🥰
الفيديو الجاي راح يكون ٣ قصص مرعبه ومربكه بنفس الفيديو مو قصه وحده ...لو باجر لو اللي بعده ينزل🖤
ruclips.net/video/g8E6HDrGlCk/видео.html
فيديو قصه مقتل مايكل جاكسون بالرابط هذا انصحكم بمشاهدتة ....مشاهدة ممتعه
اسف الصوت صار ناصي شويه بالفيديو هذا لان المايك كانت اعداداته ناصيه هالمره
حماس فووول بنتضارك استاذ ساري
استاذ ساري عندي معلومات على قلعه نگليزيه في العراق بلدروز
متحمسين 😍😍😍
باجر باجر عفيه
❤
السلام عليكم
عاشت ايدك على التقرير واسلوب السرد الشيق...
هناك ملاحظات أود تثبيتها:
أولا: الحادثة حصلت سنة ١٩٨٥، وبالتحديد يوم ٤ آذار ١٩٨٥ حيث كان يوم المرأة العراقية او يوم الماجدة العراقية، أما يوم ٨ آذار فهو يوم المرأة العالمي. بقي الدكتور ضياء نوري في مستشفى مدينة الطب بالانعاش من يوم ٤ آذار ١٩٨٥ لغاية ١٤ آذار ١٩٨٥. حيث كانت وفاته يوم ١٤ آذار ١٩٨٥.
قبل يوم من الوفاة جاء أمر من مديرية الأمن العامة برفع كل الأجهزة عن المرحوم لأن ليس هناك أمل بشفاءه... يعني الموت الرحيم للمرحوم ضياء.
ثانيا: الجهة التي أمرت بتشريح جثة الدكتور ضياء نوري هي مديرية الامن العامة، وهي نفس الجهة التي اعلنت الوفاة وحسب ما موجود بشهادة الوفاة حيث موجود أن الجهة التي أبلغت عن الوفاة هي مديرية الأمن العامة.
ثالثا: الدكتور ضياء نوري لم يكن معارض للحكم، إنما لم يكن منتميا لصفوف حزب البعث الحاكم آنذاك.
رابعا: الطالبة مي، كانت في المرحلة الرابعة عندما حصلت هذه الحادثة، وكان من سخرية القدر، أن مجلس الكلية قرر أن يرقن قيدها كونها رسبت سنتين متتالية. لكن السيد الدكتور ضياء نوري قد طلب من مجلس الكلية اعطاء الطالبة فرصة كونها وصلت للمرحلة الرابعة ولم يتبق لها سوى سنتين وتتخرج الطالبة من الكلية.
خامسا: كان النظام البعثي الحاكم آنذاك يتخلص من اعداءه وخصومه بطرق معينة، وكان ضحايا النظام الحاكم يحالون الى الطب العدلي لمعرفة سبب الوفاة، فكان الدكتور ضياء نوري يمارس عمله بمهنية ولم يخش النظام الحاكم ويكتب بتقريره سبب الوفاة بكل مهنية وبدون مجاملة. لذا لم يكن محبوبا من قبل النظام الحاكم (لم يكن منتميا لصفوف حزب البعث، وكان يفضح جرائم النظام بكتابة تقريره بكل مهنية وبدون مجاملات ). لهذا تجد أن هناك نظرية تقول أن الموضوع ليس طالبة معجبة بالمعيد، بل يعتقد البعض أن الموضوع سياسي أكثر مما هو رومانسي.
سادسا: مصير الطالبة مجهول، قسم يعتقد انه تم اعدامها، وهذا غير مؤكد وغير مثبت علميا، وقسم يعتقد أنها لا تزال على قيد الحياة وهناك أدلة علمية دامغة لا مجال لذكرها.
سابعا أكرر شكري وتقديري نيابة عن عائلتي وعن والدي لأسلوب طرحك وسردك لقصة الوالد. رحم الله والديك وممنون من عندك
اخوك...
محمد ضياء نوري
الله يرحمه برحمته الواسعة 🤲
اللة يرحم والدك هذا واقع حال
اذا موضوع يخص حزب البحث وليس مي الطالبه
الله يرحمة برحمتة الواسعة
يعني الدكتور ضياء والد حضرتك؟؟
هاي القصة امي شهدت عليهة لان امي من خريجات هذه السنة من كلية الطب والى الآن تذكر هذه الحادثة وميعرفون شنو السبب الي دفع الطالبة على هذا التصرف فعلا ذكرى حزينة
لايك
اعتقد لان راسبه بدرسه
بسم الله الرحمن الرحيم
الشيطان يعدكم الفقر ويامركم بالفحشاء
والله يعدكم مغفرة منه وفضلا والله واسع عليم ..
فمن يوتي الحكمة فقد اؤتي خيرا كثيرا
...
ماشاءالله يعني امج دكتوره
ماشالله
اذكر الحادثة جبدا وكنت ازور كلية الطب كثيرا لوجود عدد كبير من الاصدقاء هناك.. كان المرحوم ضياء الموسوي مرجعا محليا بل وعالميا في الطب العدلي. أعدت لنا أياما طننت ان احدا لن يذكرها.. شكرا لك
الله يطول بعمرك ويحفظك لفت نظري تاريخ انشاء قناتك تقريبن انت واحد من أقدم مستخدمين اليوتيوب تحية لحضرتك ❤
تحياتنا لحظرتك
@@skhalis هل هو سيد ربما قتل
نعم سيد الموسوي@@arsenlopen2467
@@user-uo7bv9us9iيابوية صارلة 16سنة😂
اول مره اشوف عراقي يقدم هيج محتوئ اني اتابع كويلي وليمو وفارس يلا ندعم المنتج الوطني حبيت ياريت تبقئ ع هيج محتوئ حلو ومفيد اكو هواي احداث صارت واحنا مانعرفها والمتابعين الي يعرف هيج قصص وجرائم دزوهن لصاحب القناة حتئ نشجعه يستمر 👏👏👏👏👏
الله لايوفقها لا بالدنيا ولا بالأخره تسببت في قتل رجل ذو علم حتى لو كان عدو لي لايجب أن أفعل ذلك خاصة قتل النفس حرام وحرم في القران لا اله الا الله محمد رسول الله صل الله على من لا نبيه من بعده صل الله عليه وسلم لاحول ولاقوة الا بالله هذه مو بشر شيطان بهيئة بشر تستحق الاعدام مليون مره وعنده الله تجتمع الخصوم سوف يأخذ حقه هناك لانه لامفر من العقوبه لله الأمر من قبل ومن بعد تحياتي خديجه الزبيدي العراق بغداد 😢😢😢😢😢😢😢😢😢😢😮
تابع هبه سليمان هم تجننننن
كويلي وليمو محتواهم ممل
@@user-uk3su5fc9eفعلاااا جداا ممل وخصوصا كويلي
@@vxjxjxghxjxnj
طيب مادام عند الله تجتمع الخصوم
هل حسبت حساب اجتماعك مع هذه البنت المظلومة المسكينة التي ستكون خصمك يوم القيامة ؟
البنت عدموها ظلما ولحد الان الناس تسميها الشهيدة استغلوا كونها على نياتها واعطوها بطل المشن توصله للاستاذ لان كان طبيب عدلي ورفض يزور تقارير الجراىم وانعدمت ظلم والرجل انقتل ظلم
كمية التنمر من الطلاب على زميلتهم بدل ما يتعاملون وياها بإنسانية من يشوفون تصرفاتها مضطربه ومحد يعرف شنو ضروفها الي خلتها هيج مريضه نفسيا وهذي النتيجة تحولت مجرمه وهي شابه وطالبة طب واعتقد بيوم الاحتفال شافت الكل فرحان وهي ضاع مستقبلها من انفصلت والكل ضدها ياريت الناس تتعلم تنبذ التنمر وتتعامل برحمة وإنسانيه
آوافقك جدا... أسوأ جدا التنمر
ماكنت معاهم وقتها ممكن تكون اول الناس الي يبتعد عنها محد يقدر يضل مع شخصيه غريبه الاطوار او عندها امراض نفسيه وابداا التنمر مو عذر للاجرام مهما كان الاعتداء يكون بمقابله من الاعتداء والاذيه لكن القتل جريمه شنيعه وماكان همها احد انه تقتل خمس انفس بدم بارد اعذرني لو كان كلامي هجومي لكن مو هو القصد هجوم اقصد ابين وجهة نظري بالموضوع
هذا مو عذر حتلو يتمردون ع شخص هاي مريضه نفسيا بل مجرمه مستهتره
التنمر مو عذر هاذي كلبه
مو عذر هذا هي مريضه اكيد الطلاب مراح يمشون وياها لان مختله ونضراتها الهم تخوف بطلوا تبررون للمجرمين
ايبااااااه هاي وين رجعتني إلى أجمل أيام أيام الدراسة وايام شبابي في كلية الطب كنت طالب عند الدكتور ضياء رحمه الله ولكن كنت في يوم الحادثة عندنا مجلس عزاء وما داومت لان جابوا عمي شهيد في حرب ايران 🥹😭
انا كنت طالب مرحله رابعه وكانت مي معنا بنفس المرحله واذكر انها كانت تدخل معنا بعض المحاضرات للمرحوم د.ضياء ومحاضرات اخرى وفعلا كانت انعزاليه..
وفي،ذلك اليوم المحزن كنت انا وصديقي واقفين قرب الممر المؤدي للطب العدلي وجاءت مي وسلمت علينا وسألتنا عن تواجد د.ضياء في القسم ام لا..وبعد دقائق بدأت الضجه وتفاجأنا بمرور سديه وعليها المرحوم د.ضياء فاقد الوعي وبعدها شاهدنا د.جبار(على مااتذكر) وهو يترنح ويتقيأ..
رحمه الله كانت محاضراته عباره عن دروس ممتعه يحضرها كل المرحله وفي قاعة التشريح كان يبدع في الشرح حول العلامات الجنائيه وتفسيرها ..وللاسف لم يكمل تلك السنه معنا وانتقل الى رحمةالله شهيدا سعيدا.
بـﹻٰـ؏ـډ عــندڪ َٰٰٰ، معلومات عن الحادثة
كلش احب اسمع قصص السبعيات والثمانينات احسها تراث مهما كان نوعها
شكراً على هذا الطرح اسلوبك كلش حلو وانتَ تروي القصة
يمعوده يا تراث ناس سممت وماتت هذه جريمة قتل متعمد
نفسي والله احسه جان وكت حلو بناسه .
نفس شعورج احب اسمع القصص القديمه
@@raadraad3661 لو هيج التراث لو مينراد .. ناس تعلمت على الصوندات مو بديه اعذرهاا بعلم النفس اكو ثله بالنسبه الي مااكدر اسميهم وجريمه ينحسبون على البشر .. كلما تهينه وتذله يصير يشوفك شي عظيم العظمى لله فقط ويعوف الله ويصير يعبدك .. المهم ناس تشتاق .
@@raadraad3661 اتفق
اختيار موفق للقصة التي تركت حزنا عميقا في قلوبنا .. ١٩٨٣ كنت في الصف الاول في كلية الطب جامعه بغداد .. لذلك سببت هذه الحادثة صدمة كبيرة لنا وخصوصا نحن في المراحل الاولى للكلية .. الدكتور ضياء الموسوي هو من وضع منهج وكتاب الطب العدلي في كلية الطب جامعه بغداد وكان يدرس المنهج بنفسه بحب وشغف وابداع وبقى يدرس بعده لسنوات طويلة .. الرحمة والمغفرة لهذا الاستاذ الجليل .. ولكم التوفيق والمزيد من النجاح والتالق ..
انت طبيب حاليا
انت طبيب حاليا
بس ابن الدكتور في تعليقه اعلاه اكد ان تاريخ الحادث كان 4 اذار 1985 !!!
فشلون انت دخلت الكليه عام 1983 وصار الحادث !! يبدو انك متيه الموضوع
قصه جميله جداً وحزينه وخبيثه نشكرك على سردها لنا محبيك من اليمن 🇾🇪
﴿قَالَ رَبِّ بِمَا أَنْعَمْتَ عَلَيَّ فَلَنْ أَكُونَ ظَهِيرًا لِّلْمُجْرِمِينَ﴾
من رغم كامرات ما موجوده بذاك الوقت مع ذالك كدرو يكتشفون الفاعل .. احسنت استاذ ساري محتوه قناتك اكثر من رائع
طريقة سرد القصص واختيارها رائع جدا شكرا ساري حسام على هذا المحتوى والطرح تستحق الدعم من الجميع
انا بنت عم الدكتور ضياء الموسوي رحمه الله فعلا كان حادثا عظيما وكان المرحوم الدكتور قامه عضمى في الطب العدلي ومحاضراته الشيقه وكان الحادث ليس في سنه ٨٣ بل في سنه ١٩٨٥…رحمك الله سيد ضياء
مستحييييللللللل كل قرايب السيدهنا😢
عظمى **
رحمة الله عليه طيب الله ثراه
الله يرحمه ويغفر له انا لله وانا اليه راجعون
يمكن لقتلته سنيه حاقده
شكرا لجهودك لكل قصة ترويها بهذا الأسلوب الراقي وفقكم الله وهذه القصص هي عبرة ونستلهم منها الحيطة والحذر
انا ابنة اخ الدكتور ضياء الموسوي
احب ان اقول لك ان المعلومات التي طرحتها معظمها خاطئ ومزيف والحادثة كانت سنة ٨٥ والطالبة مي لم تكن مفصولة من كلية الطب وسيانيد البوتاسيوم لايتوافر بالمختبرات بهذه السهولة .
رحم الله عمي الحبيب القامة العلمية الكبيرة التي نفخر بها ويفخر بها العراق
اذا انتي بنت اخوه وضحي القصه انتي
وضحيلنة القصة ان امكن ؟؟
@khadija ممكن تسرديلنا الحقيقة حابين نعرف الحقيقة وين؟
لعد وين الحقيقه
هل الطالبه فصلت ام قتلت ارجو الرد
وليش تكرهونهه يمكن تمر بحاله نفسيه او بيهه اكتئاب وما تكدر تحجي وياكم اي طالب واي شخص جان وياهه هو السبب بقتل الدكتور وضياع مستقبل مي تعلمو درس من القصه اي شخص منعزل لا تضغطون عليه وقدرو حالته الي يمر بيهه
اتفق
@@rilll. 🥀
يوم القيامه تجتمع الخصوم عند الله كل أنسان ظالم مستبد راح يخذ جزاته من الي ظلمه 😢😢😢😢
والله استاذ ساري طريقة كلامك مشوقه جدا وتخلي القصه تصير احلئ هذا من جهه ومن جهه اخرئ اكوا اهواي أمور كانت غامضه علينه وأوضحت من خلال فديواتك بالتوفيق
الله تجننننن😍😍 شقد احب القصص العراقية 😍😍عاشت ايدك استاذ ساري
اني سامعه هاي القصه من أستاذ جان يدرسنه ونفسها بالظبط هاي الأحداث والله يرحم الدكتور ضياء الموسوي
القضية مُدبرة، الطالبة تم عمل لها تقرير بانها مريضة نفسية لتجنب الحكم لانها كانت مدعومة من جهات سياسية، رحمة الله عليك دكتور ضياء الموسوي. لحد الان نذكره في محاضرات الطب العدلي، فهو قدوة لنا جميعا.
ها قد بدأنا بالمظلوميات التي نسمعها من المرجعيات الفارسية ..
كأنت صحيح مريضه نفسيا وكانت حتى ملابسها غريبة عجيبة وألوانها صارخة كنت وياها بنفس المجموعة لان اسمي مي وبنفس المرحلة
انا كنت وقتهاطالبة بنفس مرحلة مي رحمها الله ولم تكن هناك اي علاقة بين مي والمعيد ..
وقد اعدمت مي ظلما
كل حجيه غلط البنيه كرايبنه
لم تعدم. (مى العبوسي) هربت من قبل النظام الى القاهرة. ورجعت الى العراق حوالي 2007
@@demadema8809يعني هسة هي ميتة لو عايشة
Toujours l'injustice dans ces pays d'orient et parfois partout. Ni preuves,ni ADN,ni vidéos ni preuves biologique... Juste kalam enassa 😢😢😢
@@demadema8809
لعد شنو سبب شدخلها بالموضوع
يعني صدك تستاهل توصل للمليون واكثر هم 🖤
ان شاء الله نشوفك انجح اعلامي بالعراق والوطن العربي 🖤🤝🥹
لم اسمع بهكذا قصة لكن هناك فجوات في السرد كيف استطاعت هذه الطالبة ادخال السم الى القناني ومن المعروف ان القناني مقفلة ولم تفتح الا بالمفتاح وكيف قدمتهن لم يكتشفوها ...الا اذا كان الامر مدبر من امن النظام المقبور لذلك اخرجوها من السجن وسفروها الى الاردن
قصص السبعينات والثمانينات من القصص اللي نحب نسمعه شكرا استاذ حسام
أحسنت.. أستمر على هذا النوع من القصص طريقة سردك للقصة كلش رائع ومشوق موفق 🙏♥️
اطروحاتك واختيار القصص كلش لطيف واسلوبك بعد احلى موفق
فعلا قصه جميله ومشوقه وتصلح تصير فلم برغم النهايه المأساويه وياريت استاذ ساري تبحث بعد على مثل هيج قصص من ملفات القضاء والطب العدلي العراقي بالتوفيق
كُلش اشكر حضرتك ع هذا المحتوى الي قليل نصادفه..
تستاهل كُـل خير 🫂❤️🩹.
هاي القصة سامعتها من اني صغيرة لان والدي طبيب باثولوجي وعاصر هاي الاحداث وبالمدة نفسها ويعرف كل الاشخاص الي ذكرتهم . ودزيتله هسه لينك الفيديو . لان اني ناسية بعض التفاصيل مالتها . راح اشوفه شنو هو يتذكر منها .
شنو كال والدج عن القصه
مشتاقلج
قصة جميلة وبيها عبرة احسنت السرد للقصة مشوق جدا
واخيرآ فديوووووووو ، استمر ساررررري دومك متألق و different عن البقيه وهذا الشي المميز بيك متنوع ببرامجك وكلهم يجننون بس اكثر شي قصص الرعب روووووعه وحاول دائمآ تنزل قصص وذا تكدر يوميه هلكد ماتحمس عل فيديوهات لأن ننتظرك على نار كلنه 😖😭🙂❤
والله يوفقك ويرزقك مثل مدتسعدنه وتونسنه ببرامجك
نريد قصة سجن ابو غريب و شنو الجرائم للي صارت بي وتعذيب
احسنت طريقتك في سرد الاحداث مشوقه حتى اختيارك للموسيقى يتناسب مع طبيعه القصه ..
عاشت ايدك على كل تقرير جاي تنشرة النه تدري صار عندي ادمان اتابع الفيديوات مالاتك لئن اكو بعض الأشخاص المعروفه انفقدت وياريت نعرف القصص اختفائهم
جمعه مباركه عليك استاذ ساري واخيراا هالقصه اتوصلت إلى حقيقته ردت اتمنى اعرف القصه كلش وطلبوه هوواي منك كل الشكر والتقدير عله تعبك بمحتواك الجميل وسردك المتميز الفريد🌹🌹
معلومات حلوه وقيمه ومحتواك ممتاز ويفيد الناس هوايه وقصص كلها بيها موعظه
راائع جداا
صرت مدمنه قناتك استاذ ساري عاشت ايدك
راقي جدا جدا بكل حلقات برنامج الي من صميم القلب تحجي وتوظح لمتابعينك ربي يحفظك انشالله
الراقي والمثقف والمتنوع بطرحه والمشوق باسلوبه ساري الذهب استمر يا مبدع
شلون قصه حلوه وتقهرر🥺اول مره اعرف هلشي صاير ..مع الاسف خسرنا استاذ ربي يوفقك ساري واشوفك انجح اعلامي قصصك اجنن استمر
كان المفروض عليك لاتذكر اسم المادة السامة وهذا يعتبر تحريض على استعمال المادة في قتل كثير من الناس ارجو الإنتباه .
السلام عليكم استاذ شياه الله يرحمه كان من أفضل أساتذة الطب العدلي علما واخلاقها وكان في نفس اليوم صباحا كان يلقى علينا محاضره عن موت الفجانه اي الإنسان الذي يموت سريري ويوضع علي الأجهزه متى يتم إيقاف الأجهزة ورأي العلم والدين من إيقاف هذه الاجهزه وبعد أن اكمل المحاضره في الساعه الثانيه عشر ظهراً ذهب للاستراحة وحدثت الجريمه كان دكتور ضياء عطشان جدا فشرب اكثر من الباقين وقد حدث له موت الفجانه ووضع على
الاجهزه الكهربائيه ونفس الكلام في محاضرته تطبق عليه الله يرحمه كان انسان رائع جداً وهو الذي ساعدها للرجوع إلى الدراسه بعد فصلها من الكليه وقد كانت معنا في الصف الرابع عند حدوث الحادث
الدكتور الله يرحمه شكد كان عمره
وبلا زحمة ممكن اعرف شكد معدل كان انقبلتي طب عام وشكرإ
الحلو ساري بقصصك انها جديده وغير معاده ومن المجتمع العراقي اغلبها الله يبارك بعمرك
مبدع دائما استمر استاذ ساري صدقا احنا مستمتعين وهم دتزيد المعلومات الي عدنا اكثر الله يقويك
الله يرحمه برحمته الواسعة ويحفظكم قصة حزينة جدا تعددت الاسباب والموت واحد وين يروح المجرم بالآخرة أمام رب العالمين
المفروض انوصل ساري الاكثر من مليون وننشر قناتو عالكروبات ونطرحلهم شرحو وقصصو الواقعية فعلا انت رائع ياساري
فعلا قصه مؤلمه ومهمه تحذر ع السموم المجد والسكينه لروح الاستاذ. احسنت السرد من الواقع المرير. العيي يحفظك اتمنى لك التوفيق والنجاح الدائم
شكراً لك على قصصك الممتعه جداً 💗🍯🌺
ابداع 🥰🥰👍👍الله يوفقك. الميزة فيك يا ساري ان كل قصصك جديدة لم اسمعها من قبل 👏👏
احلى قصص واحلى سرد انت مثقف جدأ الف تحية لك وربي ايحفظك
اني من المعجبين حدا بالقصص اللي ترويها لنا وشاكرين لمجهودك وتعبك في هذه القصص مع تحياتنا كعائله نتابع فيويوهاتك
قصة جديده ومحد متكلم عنها من قبل كلعادة ساري مميز باختياره للقصص الغريبه والقديمة مبدع استمر🤍
كل القصص الي ترويها اتجنن ..وغريبة وصدك ماسامعيها...والاكثر الي يعجبني طريقة سردك للقصة..مبدع جدااا يااخ سلري..عاشششت ايدك ع هذا المجهود ...استمر ياارووع اعلامي..👍👍👍👍💐
قصصك حلووه تسوي واهس للاستماع 💜💜🥺
اسلوبك جدا ممتع ومشوق في سرد القصص والاحداث الله يبارك بيك ويحفظك
راااائع ياساري قناتك ادماااان❤️ طريقه سردك للقصص جميله جداااا ربي يوفقك ويحرسك 🙏❤️❤️❤️
رحم الله تعالى الأستاذ البرئ الذي توفي وشكرا لهذه القصه استاذ ساري حسام .
انت و خلف زون قمة فى محتوى القصص... إستمر الله يوفقك
المفروض من الدكاترة في الجامعات ان يتعاملوا مع الطلبه مثل ما يتعاملون مع ابنائهم وهذا هو اللي يجنبنا الجرائم في المستقبل حفظ الله كل طلاب العراق الاعزاء من كل شر يارب العالمين 🤲🏻♥🇮🇶
حلو تعرف الاجيال على قصص من الثمانينات، واغلب الشباب ميعرفون هاي القصص، الله يرحم الاستاذ الدكتور الي توفى ويكون بعون اهله وعائلته واكيد هو خسارة بشرية، شكراً لاسلوبك المشوق و الحلو بالتقديم.
القصة جدا جدا جدا جميلة أستمتعت بكل لحظة...
شكرا 🌹
قصه حزينه فعلا..بس سردك لهذه القصه تشد المستمع شكرا هواااي بالتوفيق
حتى لو نجت وخرجت من السجن أين تذهب من عذاب يوم القيامة
ابن حسام 😍 دائماً تبهرنا بقصة جميلة وعجيبه ولأول مره نسمعها منك استمرررر ربي يوفقك
الله يعطيك العافيه ياربي ويحفظك أن شاءالله دوم محتواك مختلف وبي فائدة وعبر
شكرآ الك أستاذ ساري محتواك دائما رائع
عفيه ساري استمر ترى المجتمع العراقي بي قصص هواي نتمنى تختار الغريب والمميز منها وتطرحها … والله يحفظ الشعب العراقي ويهدي النفوس ويصير ارقى شعب بطيبته وشهامته وبعيد عن الحقد والجرائم آمين يا رب العالمين
هستوني جنت داتابع حلقاتك السابقه واجاني اشعار نزلت فيديو جديد كوولش فرحت شكرا هوايه على هذا المحتوى الجميل يارب توصل للمليون استمررر 😭❤️🥺❤️❤️
دوووم مبدع ومتميز اشتقنا لقناتك الله يحفظك ويوفقك وتستاهل الدعم كونك تريد الناس تستفيد وكونك مو مثل بعض الناس اللي تجدي لايكات بمقاطع تافهه، تحياتي متابع من السعوديه 💚👋
قصة روعة سردك لقصة اجمل اروع اتمنى لك التوفيق والنجاح الدائم ❤
موضوع مثير جداً جزاك الله الف خير
عاشت ايدك ساري دائماً مبدع بأختيارك للمواضيع 👏🏻👏🏻بالتوفيق
من القهر اللي في قلبها ضحك عليها وبعدها تخلى عنها وفوق القهر من قوله انه ماحبها انفصلت من دراستها وانفضحت واكيد زملاءها شمتو فيها ترى القهر يعمي العقل الله يكفينا الشر
اتفق وياج
لاتبرر للجريمة …جريمة جماعية بشعة لايقوم بها انسان طبيعي مهما تكن الظروف ..الفتاة واضح انها متربية على حب التملك ولا احد يرفض لها طلب لذلك خططت وقتلت بدم بارد وكانت مستعدة لقتل اخرين فقط لان احد رفضها .
الله يوفقك على مجهودك والله يبعدنا عن الناس الاشرار
اول مرة اسمع بهذة الجريمة المخطط لها بدم بارد ..رغم اني من نفس ذالك الجيل ..شكراً لك على جهودك واستمر انت اسلوبك قريب للقلب والمؤثرات اللي حولك تزيد الطرح اثارة وتشويق 🌹🌹
احلى محتوى وانته مبدع بالقصص استمر بالتوفيق🤍
اهلاً بيك استاذ ساري جمعة مباركه عليك🌿
شكرا جزيلا يا مؤدب 👍
اني تعين بوازاره الصحه سنه ١٩٩٣ وهذه المحادثه من تعينت وهيه يحجون بيه اسلوبك كلش حلو بسرد القصص استاذ يارب بارك الله بيك
اني يوميه انتظرك حتى تنزل فديو وقصه جديده لان احب اسلوبك وانصتلك من تحجيها شكد معبر ومقنع وشكراً الك كلش اكيد منتظرين القصص اللي جايه بفارغ الصبر موفق يارب❤🤲🏻
عندي قصص واقعية تحبين تسمعينها مختصرة
صوت الفديو دوم ناصي احب من اشتغل اسمع القصة ممكن اتعالج الموضوع مال الصوت وشكرا لك على الفيديوهات الي مسامعيها من قبل
تمام الصوت جدا واطي وبالزور ينسمع
عبالي بس جهازي
اللم صلي على محمد والي محمد الله يحغضك اخي ساري ادعيلك من كل كلبي على هل المواضيع والقصص الشيغه الحلوة والقديمه ربي يحفضك
اللهم صل علئ نبينا محمد وعلئ ال نبينا محمد وعجل فرجهم والعن اعدائهم
قصه حزينه جدا جدا شكرا لاسلوبك في سرد هذه القصه الحزينه جدا
واخيرا نزلت مقطع تستاهل توصل مليون 🤗
صلوا على من كان لا يؤذي ولا يجرح أحدًا بل كان كلامه طيبًا للقلوب💚🌿
اللهم صل على محمد وعلى اله وصحبه وسلم تسليما كثيرا عدد خلقه ورضا نفسه وزنه عرشه ومداد كلماته
اللهم صل على رفيع الرتب❤️ عز العرب ❤️ الحبيب المحبوب ❤️ العالي الرتب ❤️ العظيم الجاه ❤️ وعلى اله وسلم تسليماً كثيراً❤️
اللهم صل على محمد وال محمد
اللهم صل على محمد وال محمد وعجل فرجهم ❤️
اللهم صل على سيدنا وحبيبنا محمد وعلى آله وصحبه أجمعين
شكراا ساري علة هاي المعلومات ونريد بعد قصص حلوة الواحد لازم ياخذ حذر من اي احد تحياتي الك من متابعيك
اصحاب التعليقات لو تعلقون وتكولون شغلات تخص القصص وتناقشون بيها احسن ما..تكولون اجاني اشعار ومتت فرح ..وعفت شغل البيت ومدري شنو حتى اباوع القصة. وانت احسن واحد تسرد القصص..ياخي لازم تناقشون حول القصص حتى يصير تفاعل حلو مو بس تباوعون وهاهية هسة اريدلي واحد يناقش حتى ارد عليه ماكو..مع احترامي لصاحب القناة طبعا...هوة اصلا صاحب القناة ديكول شنو رائيكم بالنظريات وانتو مغلسين😅😅😅
أي هاي بكل القنوات هچي، فد غثة.
التعليقات ليست فقط واصلة بين اصحابها إنما هي رسائل ايضا يخلوها المتابعين لصاحب القناة ليقرأها مثلا انا اول مرة شفت القناة ماكنت متوقعة انو يسرد الوقائع بطريقة جميلة ف خليت له تعليق قلت فيه شكرا على الفيديو طريقتك رائعة .. يعني كل واحد له حرية التعبير في ذلك أعتقد تعليقك أيضا ليس له فائدة بالنسبة لناس آخرين مع احتراماتي
عاشت ايدك استاذ حسام على هيج قصص اني اتابع قصصك من زمان بس لاول مرة اعلق لان هالمرة القصة غير وشدت انتباهي اكثر. تحياتي الك
اول اعلامي عراقي يعجبني ويعجبني محتواه وتفكيرة يارب للأفضل وتقدم زاهر يا ساري يا مبدع أستمررر ❤️❤️
الله يوفقه ويوفق جميع شبابنا وبناتنا ربي يوفقهم
اسلوبك بالسرد كولش شيق ومرتب
موفق اكثر اعلامي ناجح حاليا انته
انشاءالله توصل المليون بأقرب وقت🌹❤
فديواتك صايرة ادمااان .. صدك احلى برنامج بالتوفيق ساري المبدع
شكرا جزيلا على الفيديوهات الكلش جميله ✨🦋
اتمنى تسوينه حلقه رعب 🌺🧚
أستاذ ساري بارك الله فيك ..تستحق توصل لل ١٠٠ مليون مشترك..تستحق كل الخير..الله يحميك❤
عاشت ايدك ع هذه القصص الجميله ربي يحفظك
أحسنت استاذ محتوى مفيد جدا استمتع بمتابعته حضرتك تحياتى لك 😊🌹
اللهم احفظ العراق🇮🇶 واهلة
اللهم إنآ نستودعك بلادي وأهلهآ ، فإحفظهآ بحفظك وحصنهآ بحصنك المنيع يآ من لآ تضيع عنده الودآئع يآ الله
اللهم إنصرنآ نصراً يليق بك ، اللهم فرج عنآ وكن معنآ وأمدنآ بجنودٍ من عندك وإربط على قلوبنآ وثبتنآ ورُد كيد من يكيد لنآ في نحورهم ، وإجعل تدبيرهم في تدميرهم فإنهم لآ يعجزونك يالله ياعظيم برحمتك نستغيث ..🇮🇶✌
امين يارب العالمين ...احسنتم بارك الله بكم ..ورزقكم خير الدنيا والاخره.
احسنت. على هذا الدعاء الي محتاجه العراق يارب برحمتك نستغيث
والله احب قناتك والقصص اعشقها استمر
سمعت القصه من الكاتبهه وردة الشيخ محمد < السند > وحبيت اسمعها مره ثانيهه حب كُلشش چبيرر للكاتبهه ولسند 😔♥️."