Атырдьах ыйын 11 күнүгэр "Чэгиэн" түмсүүнэн улууспутун аатырдар, күһүҥҥү кэм биир кэрэ көстүүтүн туруйалары көрө Баатаҕай бөһүөлэгэр айаннаатыбыт. Аара көтөр арааһа үөскээбит күөллэрин,киэҥ да киэҥ көнө ньуурдаах оттуур сирдэри,бааһынаны көрөн, бөһүөлэк таһыгар,иһигэр биир да бөх суоҕун сөҕө көрдүбүт,астынныбыт. Олохтоох Белолюбская Е.П. арыаллаан бэлиэ сирдэрин, урукку өбүгэлэрин олоҕун,үлэтин сырдатар,хас биирдии киһи хаартыскатын таһааттаран ыйаабыт анал оҥоһууларын, тутуулар, миэлиҥсэ оннун, кырдьаҕастар түмсэр бэс чагдаларын көрдөрдө. Өбүгэлэрин үйэтитэн, үлэлээбит үлэлэрин,кылааттарын умнубакка кэлэр көлүөнэҕэ хаалларар ытык иэстэрин Баатаҕайдар толорбуттар, дьарыктарын ситимин бысп...