خضار الشتا وجماله 😋😋🔥 عملنا احلي تورلي بالفراخ سخن من الفرن وطعمه ايه توووووووحفه بجد ❤️❤️ تورلي الخضار بالفراخ
كيلو ونص دبابيس فراخ
الخضار ربع كيلو من كل حاجه (كوسه وجزر وبطاطس بسله فاصوليا باذنجان) متقطعين مكعبات متوسطه الحجم
بصله مفرومه
لتر طماطم معصوره ومتصفيه
معلقة توم مفروم
مكعب مرقه
معلقة صغيره سكر
معلقتين كبار زيت او سمنه
البهارات
٢ورق لاورا فلفل كمون ورشه حبهان بودر ورشه بهارات سبعه
للتقديم ارز بشعريه مستوي
الطريقه
هانحط الزيت ونشوح الدبابيس كويس
نشيل الفراخ ونحط مكانها البصل والبهارات لما يدبل نضيف الطماطم ومكعب المرقه والملح والسكر
لما تتسبك نضيف الخضار ومايه مغليه
ولما يغلوا كويس
نفضيهم في طاجن ومعاهم الفراخ ونغطيهم وندخلهم فرن حار جدا حتي تمام النضج
نحمر وش الصينيه ونقدمها بالهنا والشفا