TOMPO Ô IANAO NO ITOKIAKO
Sambatra izay miankina amin'ny fahasoavanao
Dibo-kafaliana, feno fiadanam-po
Mino sy matoky fa Ianao tsy mba mandao
Ambany elatrao n'inon'inona atao
Fiv : Tompo o Ianao no itokiako
Hovatolampiko Ianao
Tsy hahasaraka ahy ny fitsimbinanao
Fa asanao no ataoko izao
Tsy hanan-tahotra aho, Ianao no heriko (x2)
Sambatra izay mibanjina ny Hazofijaliana
Ilay hazo sarobidy izay nandresenao
Ka matoky fa ny lalana nodiavinao
No hizorana miakatra ao andanitra ao
Sambatra izay manetry tena sy manompo Anao
Ao amin'ny olona rehetra izay notiavinao
Handre 'lay teny antoky ny ho mandrakizay
Hoe mandrosoa ry sakaiza sitraky ny Ray.