Видео

Ամենէն առաջ հանեցէք ձե'ր աչքին քերանները յետոյ ուրիշին շիւղը։

Ողջույն Ձեզ։ Մեր եկեղեցում երկու ճյուղ ունենք՝ կուսակրոն քահանա եւ ամուսնացյալ քահանա։ Ընդհանուր բոլորն էլ քահանա են կոչվում։ Կուսակրոնները չեն ամուսնանում եւ աստիճանաբար զբաղեցնում են զանազան բարձր պաշտոններ։ Աստիճանավորումը այսպես է՝ աբեղա, վարդապետ (որը ստանալու համար հատուկ մի հոգեւոր նյութի մասին ուսումնասիրություն պիտի պատրաստվի)։ Հանձնախմբի կողմից հաստատվելուց հետո, նրան տրվում է վարդապետական աստիճան եւ գավազան)։ Ծայրագույն վարդապետությունը աստիճան չի, որեւէ հոգեւորական կարող է մի նյութի մասին ուսումնասիրություն պատրաստի եւ նրան կշնորհվի այդ տիտղոսը։ Եպիսկոպոս, տրվում է ձեռնադրությամբ եւ օծումով։ Արքեպիսկոպոս - շնորհվում է Վեհափառի կողմից առ ի գնահատանք իր ծառայության։ Կաթողիկոս - ձեռնադրությամբ եւ օծումով։ Երկու տեսակ կաթողիկոսություն կա. Ամենայն Հայոց Կաթողիկոս, որի կենտրոնը Սուրբ Էջմիածինն է եւ Մեծի Տանն Կիլիկիո, որի կենտրոնը Լիբանանն է։ Կան նաեւ երկու Պատրիարքություններ՝ Երուսաղեմի եւ Կ. Պոլսի (Ստամբուլ)։ Այս բոլորը վերաբերում է կուսակրոն քահանայության։ Մյուս ճյուղի քահանաները ամուսնանում են, ընտանիք են կազմում, երեխաներ են ունենում եւ չեն զբաղեցնում բարձր պաշտոններ։ Միայն կարող են լինել ծուխի հոգեւոր հովիւներ, կատարել ժողովրդի խնդրանքները (պսակ, մկրտություն, թաղում եւ այլն)։ Այսքանը կարծում եմ բավարարեցի ձեր խնդրանքը։ Տերը թող լինի ձեզ պահապան։ Օրհնյալ լինեք։

@@DERHOVSEP անչափ շնորհակալ եմ ձեզ, այսպես մանրամասն պատասխանելու համար։ Թող Տերը օրհնի ձեզ նույնպես։

Kkkihkiopkkkj

👍❤

Հարգելի Տիար Նախ շատ շնորհակալ եմ Ձեր կարծիքը մեզ ներկայացնելու համար, որտեղ Ձեզ բնորոշ ««հարգալիր»» ոգով ինձ (և ցավոք սրտի նաեւ Արժանապատիվ Տեր Հայրին) ««Դելետանտ»» անվանեցիք: Ի սկզբանե ասեմ, որ նմանատիպ երևույթների վրա նախընտրում եմ ժամանակ չտրամադրել, այլ դրա փոխարեն ինքնազարգացմամբ զբաղվել, և Ձեր ինքնաքննության կոչն է, որ ինձ դրդեց այս գրությունը գրելու: Այս գրությամբ նախ և առաջ դիմում եմ մի անձի, ով ճշմարտության ջատագով է, և ճշմարտությունը վեր է դասում միջազգային, ազգային, ցեղային, բարեկամական, ընտանեկան և անձնական կեղծ շահերից ու կարծրատիպերից: Այլ խոսքով օբյեկտիվ ճշմարտությունն ու սրբությունը վեր է դասում ամեն ինչից: Ավելին, հանձին Ձեզ դիմում եմ այն անձին, ով պատրաստ է ինքնաքննությամբ և ԱՆԱՉԱՌՈՐԵՆ վերլուծել իր ներկայիս կեցվածքն ու մոտեցումը` Քրիստոնեության և ի մասնավորի Հայց. Առաքելական Սուրբ Եկեղեցու հանդեպ: Ուստի, անցնելով բուն նյութին, հիշեցնեմ, որ մեր թեման Աբգար թագավորի մասին էր, այսու ցանկանում եմ իմանալ, թե բացի Խորենացուց և իրենից առաջ գրած Եվսեբիոս Կեսարացուց դուք գիտեք արդյոք այլ հավաստի աղբյուրներ, որո՞նք խոսում են Աբգար Թագավորի մասին: Ցավոք, այսօր տարածում են գտել Սբ. Գրիգոր Լուսավորչի մասին թյուր կարծիքներ, և դրանցից բխած բազմաթիվ մեղադրանքները, այսու կրկին հարց. բացի Ագաթանգեղոսից, Խորենացուց եւ ոսկեդարի ու հետագա դարերի հայ պատմիչներից գիտե՞ք արդյոք մի այլ հեղինակի, որ ներկայացնում է Լուսավորչի կերպարը:Եթե այո, ապա շնորհակալ կլինեմ, որ ինձ լուսավորեք Ձեր իմացությամբ, այլապես ո՞րտեղից է Ձեր ««ոչ դելետանտի»» իմացությունը անձի մասին և ավելին իրավունքը անձին ««դեսանտնիկ»» կոչելու և փոքրատառով անունը գրելու: Օգնելու համար ասեմ, որ ընդհանրական Եկեղեցու մեծագույն դեմքերից Սբ. Հովհան Ոսկեբերանը, ով ապրել է 4-5-րդ դարերում, նույնպես անդրադառնում է անձին: Սրտանց խորհուրդ կտայի ծանոթանալ հեղինակին ու, մանավանդ, այս անձի գրության միջոցով` Լուսավորչի կերպարին: Ձեր գրության մեջ նշեցիք 2 հեղինակի անուն` Ագաթանգեղոս և Խորենացի: Արդյոք ո՞րքանով անաչառ է Ձեր մոտեցումը նրանց գրությունների հանդեպ: Օրինակ դրական չարտահայտվեցիք Ագաթանգեղոսի մասին, բայց յուրովի օգտագործեցիք նրա նշած տեղեկություններից մեկը: Եվ վերջինը: Ձեր խոսքի վերջում մեջբերեցիք Ռաֆֆուն և Լեոյին: Մեծ հույս ունեմ, որ Դուք նրանց հետ համամիտ չեք, կամ գոնե այս համեստ գրությունը Ձեզ կօգնի անդրադառնալու Ձեր մոտեցմանը, այլապես կամա թե ակամա Դուք հիմար և հարբած կոչած կլինեք մեր սրբություններին, ինչպիսիք են`Սբ. Մաշտոցն ու Խորենացին, Դավիթ Անհաղթն ու Շիրակացին, Օձնեցին ու Նարեկացին, Իմաստասերներն ու Շնորհալիներն, Որոտնեցին ու Տաթեւացին և այլոք: Մի խոսքով դուք հիմարության և հարբածության արգասիք կհամարեք Մեսրոպ Մաշտոցի անունը կրող մեր Մատենադարանի ժառանգությունը և կամա թե ակամա համախոհ կլինեիք այն վայրագ ցեղերին, ովքեր անօգուտ ու անպետք համարելով մեր ձեռագրերը հրո ճարակ էին դարձնում նրանք: Քրիստոնությունը ճշմարտություն է և լույս, Քրիստոս եկավ ճշմարտությունը մարդկանց վկայելու համար (Հովհ. 18) եկավ խավարում նստածներին լույս բերելու (Մատթ. 4), չնայած նրան, որ մարդկանց մի զգալի մասը ինչպես հնում, այնպես էլ այսօր, խավարը նախընտրեց (Հովհ. 3): Ես օրհնված եմ արձանագրելու այն փաստը, որ իմ հայրերը իմաստությունն ունեցան ոչ միայն առաջինը գիտակցելու, այլև ամենից կարեւորն ու հիմնարարը նկատելու Լույսը, Սրբությունն ու Ճշմարիտի իմացությունը: Ավելին, ի խնդիր ամեն զոհողության նրանք քաջություն ունեցան այն արյան գնով ԱՆԱՂԱՐՏ պահելու և «Բաշխելու մասունքը [այդ] լույսի» (Սբ. Գրիգոր Նարեկացի): Այսօր ցավոք նույն հայ մարդու մի յուրահատուկ կերպար այն անարգում է, պիտակավորում իսկ սրբերի հուգու մասունքը` աղբ համարում: Այս իրավիճակի հիմնական պատճառը Քրիստոնեական արժեքների մասին իր ունեցած ««դելետանտի»» իմացությունն է և շատ հաճախ նաեւ անտարբերությունը: Եթե ցանկանում եք մասնագետի կարծիք մեջբերել Աստվածաշնչի վերաբերյալ, լավ կլիներ մեջբերում կատարեիք վերոնշյալ Սբ. Գրքի մասնագետներից, ովքեր դարեր շարունակ իրենց կյանքն են նվիրել այն սերտելու համար, և ոչ` Լեոյից: Ավարտելով խոսքս ցանկանում եմ հույս հայտնել, որ գրությունս կնպաստի Ձեզ և Ձեզ համախոհ անձանց նախանձախնդրորեն և անաչառորեն ««Ոչ դիլետանտի»» մոտեցմամբ մերձենալու մեր Հայրերի կենդանի ժառանգությանը: Հարցերս հիմնականում ուղղված էին ինձ և Ձեզ օգնելու, որ շատացնենք մեր իմացությունը: Ի սկզբանե հայտնում եմ, որ այս նամակը իմ առաջին ու վերջինը պիտի լինի: Վստահեցնում եմ, որ սա կապված չէ Ձեզ որևէ ձևով անարգելու, անտեսելու կամ խուսափելու հետ: Ընդհակառակը, գրությանս ամբողջ ընթացքում ի տարբերություն Ձեզ փորձեցի հարգալից լինել, քանզի դրան իսկ կոչված եմ իմ Տիրոջ կողմից, իսկ ջատագովական բնույթի հարցերը ինձ համար նորություն չեն. նրանցով ես զբաղվում եմ գրեթե մի ամբողջ տասնամյակ: Ուղղակի ես այլ ասպարեզ ունեմ եւ նախընտրում եմ իմ ասպարեզի մեջ մնալ: Եթե կպատասխանեք իմ հարցերին երախտապարտ կլինեմ, իսկ եթե ինչ ինչ պատճառով պատասխան չլինի, դա էլ կընդունեմ: ԱՍՏՎԱԾ Ձեզ օգնական Հայկ Մ.

+Hovsep Hagopian Հարգելի հայրենակից կարիք չկա խորամանկորեն բուն նյութից շեղվել։ Նախ ինչպես դուք եք վերը նշում «Ի սկզբանե ասեմ, որ նմանատիպ երևույթների վրա նախընտրում եմ ժամանակ չտրամադրել…», բայց մի ողջ դիսերտացիա եք գրել ամեն գնով սեփական սխալները քողարկելու համար։ Անցնելով բուն թեմային։ Վերը նշված իմ կողմից ո՞ր տողում է խոսվել Աբգար արքայի մասին։ Ցույց տվեք մի տող կամ բառ ուր ես խոսել եմ Աբգարի մասին։ Հասկանալի է փորձում եք ինձ աննկատ ներքաշել Աբգարի թեմայի մեջ, նախ իմ քննադատության պատճառները քողարկելու եւ աստվածաբանական թեմաներում ինձ մխրճելու ուր դուք ձեզ կզգաք ինչպես ձուկը ջրում եւ լայն հնարավորություն կունեանաք խուսանավելու։ Այս ամենը մի վերածեք շուկայի։ Ինձ ձեզ վերաբերվող քննադատությունները եղել են հետեւյալ կետերով. Առաջին - գրիգորի հրեա լինելուն (որը դուք չնկատելու տվեցիք) Ի գիտություն ձեզ նրա հրեա լինելու հանգամանքը կա ոչ միայն Խորենացու այլ նաեւ Գեւորգ Մեսրոպի 1910-ին Պոլսում տպագրված «Քրիստոնեության մուտքը գրիգոր լուսավորչից առաջ» աշխատության մեջ։ Սա անհերքելի փաստ է ու կարկանդակի բաղերն ընկնելու եւ խուճուճ-մուճուճ տարբեր տեսակի ԱՆՀԵԹԵԹ մեկնաբանություններ անելու կարիք չկա։ Մի փորձեք ձեզ վայել բառախաղերով խուսանավել։ Երկրորդ - քրիստոնեության տարածումը գրիգորի կողմից ՍՐՈՎ եւ ոչ թե ՔՐԻՍՏՈՍԻ ՍԻՐՈՎ եւ ՀԱՆԴՈՒՐԺՂՈԱԿԱՆՈՒԹՅԱՄԲ է եղել… Երրորդ - Գառնու տաճարը ձեր կողմից հելենիստական տաճար որակելը ՄԵՐԿԱՊԱՐԱՆՈՑ հայտարարություն է։ Այսքանի մասին ասելիք չունենալով անցել էք «վարդապետության երանելի դաշտերի շտեմարաններից» ծաղկաքաղ անելուն։ Երբ ասում եք «Ցավոք, այսօր տարածում են գտել Սբ. Գրիգոր Լուսավորչի մասին թյուր կարծիքներ, և դրանցից բխած բազմաթիվ մեղադրանքները…» դա մեղմ ասած չի համապատասխանում իրականությանը եւ դա ասվել է ոչ «այսօր» ու մեղմ ասած այդ մեղադրանքները ունեն ամուր հիմքեր։ Իսկ ինչ վերաբերվում է «այսօր»-ին, եթե ըստ ձեզ Ագաթանկեղոսը, Զենոբ Գլակը եւ շատ այլ մատենագիրներ ԱՅՍՕՐ են, ապա ըստ ձեր «կուռ տրամաբանության» կարելի է պնդել որ հավն էլ ինքնաթիռ է։ Երբ ՕՏԱՐԱԾԻՆ գրիգորն ու իր դեսանտնիկ-գրոհայինները պատերազմի մեջ էին մտել ՀԱՅ Արձան քրմապետի եւ նրա ՀԱՅ հետեւորդների հետ, որում ի դեպ ԶՈՀՎԵՑԻՆ ՄԻ ՔԱՆԻ ՀԱԶԱՐ ՀԱՅԵՐ, եւ որի արդյունքում զոհվեց նաեւ Արձան քրմապետը (մի կողմ թողնելով կրոնական համուզմունքները թե ով էր ճիշտ), ՔՐԻՍՏՈՆԵԱԿԱՆ Ո՞Ր մի ՊՈՍՏՈՒԼԱՏՈՎ էր զինվել գրիգորը ՄԱՐՏԻ ԴԱՇՏ նետվելով։ Միայն թե չասեք կոտորած եւ արյուն, ավեր ու կրակ էր սփռվում վասն Քրիստոսի, կամ վասն Հայրենյաց։ Կամ երբ նույն այդ հրեաց գործակալը նամակ էր հղում Կեսարիա եւ պահանջում օտար կղերականներ եւ ասում, որ Հայքը մեծ է ու պարարտ եւ երբ պատասխան էր ստանում, որ շուտով կգործուղվեն ՉՈՐՍ ՀԱՐՅՈՒՐ կղերականներ (իմիջայլոց ոչ հայ), վրդոհվում էր ասելով, որ դրանք շատ քիչ են, արդյոք նա դրանով ի՞նչ խնդիր էր լուծում։ Հավաստիացնում եմ ձեզ այս վերը նշված եւ ոչ մի հարցումին ոչ մի լուրջ, տրամաբանական պատասխան չեք կարող տալ եթե ճգնեք անգամ ԴԱՐԵՐ եւ մի ողջ ՀԱՎԵՐԺՈՒԹՅՈՒՆ։ Լավագույն դեպքում կշարունակեք նույն ԴԵՄԱԳՈԳՅԱՆ։ Կամ երբ դուք ինձ «սրտանց» խորհուրդ եք տալիս այս կամ այն հեղինակին կարդալու, ցիտելով նրանցից, ես խորհուրդ կտամ ձեր վերը նշված ձեր ականջը շոյող եւ ձեր սրտին հաճելի հեղինակների կողքին բարի լինեք կողք-կողքի դնել նաեւ հակառակ բեւեռի հեղինակներին։ Դա է պահանջում անաչառ մոտեցումը։ Թե չէ տպավորությունն այնպիսին է «ճնճղուկը յոթ երգ գիտի յոթն էլ սարի սմբուլի մասին»։ Դա նման է դատավարության ժամանակ դատավորի միայն հանցագործի մեկնաբանություններին կարեւորություն տալու ու խոսքի իրավունքից մեղադրող կողմին զրկելու հանգամանքին (կամ հակառակը)։ Ինչ վերաբերվում է «Ձեր գրության մեջ նշեցիք 2 հեղինակի անուն` Ագաթանգեղոս և Խորենացի: Արդյոք ո՞րքանով անաչառ է Ձեր մոտեցումը նրանց գրությունների հանդեպ: Օրինակ դրական չարտահայտվեցիք Ագաթանգեղոսի մասին, բայց յուրովի օգտագործեցիք նրա նշած տեղեկություններից մեկը:»։ Սա ուղակի ԱՆՀԵԹԵԹՈՒԹՅԱՆ ժանրից է։ Նախ ճիշտ հակառակը. դուք եք միակողմանի ներկայացնում նշված հեղինակին։ Ըստ ձեզ ինչպե՞ս պիտի մեկնաբանել ավերն ու հսկայական քրմական տաճարների ալան-թալանը, բազմահազար զոհերը։ Ինչ պրիզմայով ներկայացնել ամիսներ այրվող ՄԵՀԵՆԱԳՐԵՐԸ, որի պատառիկներից մի քանի փշրանք հայտնվեցին Խորենացու աշխատությունում (իսկ թե ինչքան մեհենագրեր եւ գրականություն ինչ գոհարներ ոչնչացվեց դրա մասին ավելի լավ է լռենք)։ Դե իսկ մարդկային բազմահազար զոհերը ըստ ձեզ երեւի պետք է ներկայացնել որպես մանկական զվարճանք եւ գրիգորի եւ նրա հետեւորդների մեղմ չարաճիճիություն։ Իսկ երբ մատնանշվում է այդ փաստը լավագույն դեպքում կրոնավորներդ չքմեղանում եք, թե հա բայց գրիգորը մենակ չէր Տրդատն էլ էր նրա հետ։ Տրդատի այդ գործում լինելը չի կարող արդարացնել ոչ Տրդատին եւ առավել եւս ՄԵՂՄԱՑՈՒՑԻՉ հանգամանք լինել գրիգորի համար ինչքան էլ դուք ճգնեք։ Քրիստոս էլ վրդոհված տաճարից վռնդեց վաշխառուներին եւ ավազակներին, բայց նա ոչ մեկին սրի չքաշեց եւ մարդկային զոհերի չմատնեց ի տարբերություն գրիգորի… Այդ ամենի արդյունքում մի քանի տասնամյակ անց Հայքը թուլացավ, կիսվեց եւ երբեմնի իր հզորությամբ աշխարհի լավագույն հինգյակում եղած պետությունը դադարեց գոյություն ունենալուց։ Դրանից հետո նույնը արեց պետրոս գետադարձը Անին հանձնելով… Ինչ վերաբերվում է «Ձեր խոսքի վերջում մեջբերեցիք Ռաֆֆուն և Լեոյին»: Նրանց թիվը շա՜տ շա՜տ է. էլ չասեմ Սեւակին եւ մյուսներին։ Բայց ես չեմ ուզում Սեւակի եւ մյուսների գրվածքներն էլ դնել նմանվելով ձեզ ու միայն իմ ջրաղացին ջուր լցնել, ինչպես դուք եք անում միայն ձեր զուռնայի փողը փչելով։ Ձեր վերը նշված հայ երեվելիների ցանկին կարող եմ հակադրել ոչ պակաս ստվարածավալ այլ հայ հեղինակավոր մտավորականների եւ երեւելիների ցուցակ եւ ի՞նչ։ Եթե դա մարմաջ է ամեն գնով սեփական տեսակետը փրկելու դա կարելի է ինչ որ տեղ հասկանալ։ Թեմայից թեմա ցատկ կատարելով եւ Մատենադարանի եւ մեր մեծերի անունների ու հեղինակութլյոիւնների ետեւում թաքնվելով դուք ձեզ պատիվ չեք բերում։ Ինչ վերաբերվում է իմ գրելու ինչ որ տեղ խիստ ոճին, ապա եթե սպասում էիք որ կարմիր գորգով եւ մեղրաբլիթներով պետք է դիմավորեի, երբ Գառնու տաճարը անվանում եք «հելենիստական», ապա խիստ սխալվում եք։ Ամեն իրեն հարգող սկսնակ ուսումնասիրողն անգամ, գոնե նյութը հրապարակելուց եւ ամպագորգոռ հայտարարություններ անելուց առաջ նախ առնվազն կծանոթանար Գառնու ինչ-ինչ լինելուն եւ թութակի պես չէր կրկնի վաղուց հնացած այն տեսակետը թե Գառնին հելենիստական է։ Վատ չէր լինի գոնե ծանոթանաիք Արտակ Մովսիսյանի աշխատություններին։ Ի դեպ ի գիտություն ձեզ անգամ հույն ԱՆԱՉԱՌ մասնագետները չեն հերքում որ ամբողջ հելենիստական տաճարների նախատիպը Վանի արարատյան թագավորության ճարտարապետությունն է մասնավորապես Արդինիի տաճարի ճակտոնային հորինվածքը։ Իսկ դուք մեկ թեթեւ գրչի հարվածով 3 հազարամյա ճարտարապետական ժառանգությունը առանց խղճի խայթ զգալու անվանեցիք «հելենիստական»։ Եթե նյութին չեք տիրապետում ավելի լավ է համեստաբար լռեիք, հելենիստական տաճար անվանելու եւ մերկապարանոց դատողություններ անելու փոխարեն։ Հիրավի եթե դուք սխալվեիք ձեր սեփական խոհանոցում մի քանի մարդկանց առջեւ դա կլիներ չարյաց փոքրագույնը, բայց բազմահազար համացանցային դիտողներին սխալ տեղեկությամբ կերակրելը դիլետանտիզմ է։ Դա էլ թողնում եմ ձեր ու մյուս ճամարտակների խղճին, որոնք հպանցիկ վերլուծություններ են անում եւ ՍԽԱԼ, հաճախ դիտմամբ ՄԻԱԿՈՂՄԱՆԻ լույսի ներքո նյութերը ներկայացնում։ Ավելի լավ է մեկնաբանեք հայ կաթողիկոսների եւ եպիսկոպոսների ՈՐՄՆԱՐԴՐԱԿԱՆ օթյակներում անդամ լինելը, գարեգին Բ-ի Էջմիածնի վեհարանում ամերիկահայ մի խումբ որմնադիրների կաթողիկոսի կողմից որմնադրական շքանշանով պարգեւատրելն ու օծելը եւ այդ պահը լուսանկարում հավերժացնելը, «Էջմիածին» օթյակի հիմնումը, երկու կաթողիկոսների որմնադիր լինելու հանգամանքը, հայ առաքելական եկեղեցու էկումենիկ շարժման ժողովներին մասնակցելը եւ շատ անգամ այդ ժողուվներիում ՆԱԽԱԳԱՀԵԼԸ, հսկայածավալ փողերի լվացումը, ԲԵՆԹԼԻՆԵՐՈՎ եւ արքայական դղյակներով շվայտ կյանքը, Մոսկվայի եկեղեցու քսան միլիոնի դրամաշորթությունը, որոշ եվրոպական թեմերում դատական հայցերն ու խայտառակությունները… Էլ որն ասեմ էլ որը…. ՃՇՄԱՐՏՈՒԹՅԱՆ ԼՈՒՅՍԸ փնտրող եւ ՔՐԻՍՏՈՍԻ արդարության մասին կուրծք ծեծող իմ հայրենակից եթե այդքան ազնիվ ես խոսիր այս խնդիրների մասին եւ գորգի տակի աղբը դուրս հանիր եւ ոչ թե մարդկանց գլխին ճառ կարդա։ Հայոց եկեղեցին ամբողջությամբ որմնադրության ճիրաններում է իսկ դուք նույն ԴԵՄԱԳՈԳՅԱՆ եք շարունակում։ Եթե իրոք ՃՇՄԱՐԻՏ ՔՐԻՍՏՈՍԻ հետեւորդ եք խոսեք հայ կղերականների որմնադիր լինելուց։ Չնայած հասկանալի է չեք անի նման բան, քանզի նույն կերակրատաշտակից եք օգտվում եւ չեք ցանկանա տաքուկ տեղից զրկվել։ Շատ ավելի հեշտ է խելացի մարդու կեցվածք ընդունել ու օսլայած օձիքներով բարձր ամբիոններից մերկապարանոց ելույթներ ունենալ։ Քանզի այսուհետ չեմ անրադառնալու ձեր անհեթեթ մեկնաբանություններին ու ճամարտակություններին մի վերջին խորհուրդս ձեզ. գործով ապացուցեք որ ուզում եք որ հայոց եկեղեցին ազատագրվի հուդայաորմադրական ճիրաններից։ Քրիստոնեական վեղար եւ կոկիկ հագ ու կապով եւ բիբլիայից անգիրա արած տողերը թութակի պես ցիտելով դուք մեր ազգին ավելի եք վանում եւ անդունդը գլորում։ Աղբը թաքցնելով գարշահոտում է։ Հարցն այն է թե այդքան տղամարդկություն եւ համարձակություն կունենա՞ք բարձրաձայնելու այս ամենի մասին։ Խիստ կասկածում եմ....

Շնորհակալություն, ուղղակի վերջին անգամ հիշեցնեմ, որ մեր թեման Աբգար թագավորի մասին է, որ խուսափելու խնդիր բացարձակ չունեմ: Ուղղակի Սբ. Գրիգոր Լուսավորչին ու Սբ. Տրդատ թագավորին, հեթանոսությանն ու հրեության, Քրիստոնեությանն ու ուղղափառ Քրիստոնեությանը, Աստվածաշնչին ու մեր մատենագիրներին մենք տարիների ընթացքում ԱՌԱՆՁԻՆ ԱՌԱՆՁԻՆ անդրադարձել ենք: Եթե ժամանակ ունեք կարող եք նրանց ծանոթանալ նույն կայք էջերում ԱՌԱՆՁԻՆ ԱՌԱՆՁԻՆ: Աստված Ձեզ օգնական, դուք այդ օգնության կարիքն իրապես ունեք, թերեւս ավելի քան ես պատկերացնում էի: Ես էլ խոնարհաբար մեծ սրբի (Սբ. Գրիգոր Նարեկացի) օրինակին հետեւելով փորձեցի <<բաշխել մասունքը լույսի>>, ավաղ…, երեւի լույսի սերմերը ճանապարհի եզրին ընկան (Մատթ. 13):

***** Սա ինչ է մարմաջ ամեն գնով ինքնահաստատվելու։ Որոշել էի չպատասխանել, բայց ձեր պնդաճակատ համառությունն ուրիշներին բան սովորեցնելու ու այս մեծամիտ ճոռոմաբանությունն «դուք այդ օգնության կարիքն իրապես ունեք, թերեւս ավելի քան ես պատկերացնում էի» ինձ ստիպեց նորից մխրճվելու այս արդեն ինձ համար գարշելի դիալոգի մեջ, որից անկեղծ ասած արդեն ձանձրացա։ Հավանաբար սեփական անձի համար դուք բացառել եք, որ բոլորից առավել միգուցե հենց ԴՈՒՔ ունեք նմանատիպ «օգնության» կարիք։ Ձեր սեփական «պատկերացումներն» ու սրտաճմլիկ կարեկցանքները խնայեք ձեր «պատկերացրած» հերթական «մոլորյալների» ուղեղը բռնաբարելու համար։ Ինչպես եվ վաղորոք կռահել էի. «Հավաստիացնում եմ ձեզ այս վերը նշված եւ ոչ մի հարցումին ոչ մի լուրջ, տրամաբանական պատասխան չեք կարող տալ ...Լավագույն դեպքում կշարունակեք նույն ԴԵՄԱԳՈԳՅԱՆ։»։ Ավաղ այդպես էլ կա... Դե հասկանալի է երբ պատասխան չկար հարցադրումներիս, այլեւս ի՞նչ էր մնում ձեզ, եթե ոչ ձեր կարծիքով մի «յուղոտ» վերջակետով ավարտեիք ձեր կարապի երգը։ Ի ՍԵՐ ԱՍՏԾՈ շարունակեք զբաղվել ձեր անանիզմով, բայց ՎԵՐՋԱՊԵՍ ինձ հանգիստ թողեեեեեե՜ք։ Հուսամ այսքանից հետո ինձ չեք անհանգստացնի....