पंजाबराव देशमुख (जन्म : पापळ-अमरावती जिल्हा, २७ डिसेंबर १८९८; - दिल्ली, १० एप्रिल १९६५) यांचा जन्म पापळ या गावी झाला. उच्च शिक्षण घेऊन ते स्वातंत्र्य लढ्यात सामील झाले. इ.स. १९३६च्या निवडणुकीपश्चात ते शिक्षणमंत्री झाले. स्वतंत्र भारतात ते भारताचे कृषी मंत्री होते. विदर्भात शिक्षणाचा प्रसार व्हावा म्हणून त्यांनी श्री शिवाजी शिक्षण संस्था काढली. या संस्थेच्या पश्चिम विदर्भात म्हणजे अमरावती विभागात अंदाजे १,००० च्या वर शाळा आहेत. महाविद्यालये, अभियांत्रिकी पदवी, तसेच पदविका तंत्रनिकेतन, कृषी महाविद्यालय, वैद्यकीय महाविद्यालय अशी अनेक महाविद्यालये सुरू करून त्या संस्था शिक्षण क्षेत्रात फार मोठे योगदान देत आहेत.
१ जुले १९३२ रोजी 'श्री शिवाजी मराठा शिक्षण संस्थेची स्थापना पंजाबराव देशमुख यांनी केली.आरंभी कोणतेही पद त्यांनी संस्थेच्या कार्यकारिणीत घेतले नाही. एल.एम.महाजन,व्हि.के.देशमुख,गुलाबराव देशमुख,बी.वाय.भोपळे,व्हि.जी.ताकोडे आणि नगरकर या सर्वाची कार्यकारनी तयार केली.डिसेंबर १९३२ मध्ये संस्थेची नोंदणी केली.