驚喜連連！廣東話輕鬆學，無須背誦！廣東話俗語，有關貓字的俗語。#語言教室 #廣東話教學 #廣東話 有趣廣東話：貓字俗語（一）粵語俚語，地道香港俗語。
今集嘅内容係有趣廣東話，其中同貓字有關嘅俗語，甚至係一啲潮語，噉佢哋嘅意思係褒還是貶，
係好定係唔好？
40個同貓字有關嘅俗語，你係咪全部都認識咧？
首先出貓，考试嘅时候偷睇答案嚟作答，即係考試作弊。
病貓講一個人病咗個樣好可憐，好似病咗嘅貓咪噉。唔發火你當我病貓，唔發惡你就以為我好欺負。貓奴，好愛貓嘅貓主人，比喻自己係貓嘅奴隸，對佢嘅愛貓千依百順。
高竇貓，睇唔起别人，覺得自己高高在上。
扯貓尾掹貓尾，意思即係話合伙呃人，暗中串通嚟到蒙蔽别人。
賴貓，無赖唔願負責嘅意思。醉貓，貓咗，貓貓哋即係飲多咗酒醉咗喇。貓樣，睇你個貓樣
都係貶義。即係話人哋个樣子唔好，樣衰啊，或者係没有自知之明。
貓王所指係邊個咧？係五六十年代搖滾樂盛行一時嘅搖滾樂之王 Elvis Presley，喺香港佢嘅名翻譯為皮利士利。除咗佢嘅歌舞好勁之外，特别勁嘅地方咧，就係佢唱歌跳舞嘅時候咧下身嘅擺動係非常之勁非常之震嘅。話人貓王，震過貓王，意思一般都係話人哋對脚好震，即係表现出好驚慌嘅意思。為食貓指好鍾意食嘢嘅人。食死貓，屈人食死貓，變成强加于人嘅意思，
而啃/鯁咗隻死貓即系畀人屈（冤枉），受咗氣被冤枉，但係都冇辦法，唯有接受。
花臉貓可以畫塊臉污糟咗，或者係塊臉畫上了圖案。
食貓麵，被責罵被訓斥，一般係指員工畀老板狠狠噉樣鬧，但係又唔可以駁嘴。
野貓式，冇計劃冇良好組織安排嘅行動，好突然噉發生亦都好快嘅結束。
夜貓，即系話一啲喜歡夜晚先出嚟活動嘅人。
💥有趣廣東話，貓字俗語（二）👉
三...