تلاقينا بلا موعد بعد سرّ الجفا ماباح
وجاني في عيونه شوق وبيمناه مسباحه
وقفت وكل مافيني رجف صحى بقلبي جراح
يظنون إنه يسلم وأظن يتفقد جراحه
حكى مدري وشيقول ابتلشت بدمع هل وطاح
أصد مرة ومرات أتصنع ضحكة الراحة
يقول الوقت من دونك يمر كن الثواني رماح
وقلت الله يجيرك ماعرفت الوقت ورماحه
أنا اللي من سبايب صدمتك هليت ليل وساح
على وجهي علامات الفراق الحيل فضاحه
ياليت لغيبتك عذرٍ ولو تافه عشان أرتاح
ولكنك حرمت القلب وهو ماذاق تفاحه
بكيتك لين مديت الفراق اللي بعينك لاح
وأكيد إنك تعرف اشكثر أنا أفهم ولمّاحه
وراك الباب وتدله وراك الباب والمفتاح
وبعد وياك خذ قلبي وخذ بابه ومفتاحه
وراح ويده تلوّح سنيني بعقدة المسباح
ياليت إني قبل يمشي من إيده خذت مسباحه
رقم الحجز : 0544975865
تيك توك :
www.tiktok.com/@hood...