1970 ರ ಜುಲೈ 18 ರಂದು ಜನಿಸಿದ ಮಾತಾಜಿ, ತಮ್ಮ18ನೇ ವರ್ಷಕ್ಕೆ ಭಕ್ತಿಯ ಪಥಹಿಡಿದು ಹೊರಟು ಗುರುಗಳಿಂದ ದೀಕ್ಷೆ ಪಡೆದು ತತ್ವದ ದಾರಿಯಲ್ಲಿ ಸಾಗುತ್ತಾ, ಪ್ರವಚನದ ಮಾರ್ಗದಲ್ಲಿ ಧರ್ಮಪ್ರಚಾರದ ಕಾಯಕವನ್ನು ಮಾಡುವ ಕೈಂಕರ್ಯ ತೊಟ್ಟು, ನಾಡಿನಾದ್ಯಂತ ಸಾವಿರರು ಗ್ರಾಮಗಳಲ್ಲಿ ಬಸವತತ್ವದ ವಿಚಾರಗಳನ್ನು ಅರುಹುತ್ತ ಆಚರಿಸುತ್ತ ತಮ್ಮ ೩೦ನೆಯ ವಯಸ್ಸಿಗೆ ಅನಾಥಾಶ್ರಮದ ಪ್ರಾರಂಭ ಮಾಡಿ, ಶ್ರೀ ಬಸವ ಸೇವಾ ಸಂಸ್ಥೆಯನ್ನು ಹುಟ್ಟು ಹಾಕಿ ಅದರ ಮೂಲಕ ಸರ್ವಧರ್ಮ ಸಮ್ಮೇಳನಗಳು, ಮಹಿಳಾ ಸಂಘಟನೆಗಳು, ಗ್ರಾಮ ಪಟ್ಟಣಗಳಲ್ಲಿ ಅನೇಕ ರೀತಿಯ ಸಾಮಾಜಿಕ ಧಾರ್ಮಿಕ ಕಾರ್ಯಕ್ರಮಗಳನ್ನು ಮಾಡುವುದರ ಮೂಲಕ ತಮ್ಮ ಜೀವನವನ್ನು ಸಾಮಾಜಿಕ ಸೇವೆಗಾಗಿ ಸಂಪೂರ್ಣವಾಗಿ ಮುಡಿಪಿಟ್ಟಿದ್ದಾರೆ.

ಕೇವಲ ಧಾರ್ಮಿಕ ಕಾರ್ಯಗಳಲ್ಲದೇ ಸಂಗೀತ, ಸಾಹಿತ್ಯ, ಬರವಣಿಗೆ, ಆಧ್ಯಾತ್ಮಿಕ ಶಿವಯೋಗದ ದಾರಿಯಲ್ಲಿ ಕ್ರಮಿಸಿದ್ದು ಸದಾ ಪರಮಾತ್ಮನು ಸೃಷ್ಟಿಸಿದಾ ಈ ಸೃಷ್ಟಿಯ ಆಗುಹೋಗು ಅರಿಯುವ ತತ್ವವೇ ನಾವಗಬೇಕೆನ್ನುವ ನಿತ್ಯ ಸತ್ಯ ಅರಿತವರೇ - ಮಾತೆ ಶರಣಾಂಬಿಕೆ.

ಮಮತೆಯ ಮಾತೆ ಅಮ್ಮಾಜಿ, ಸರ್ವರನ್ನು ಪ್ರೀತಿ ಗೌರವದಿಂದ ನೋಡುವ ಕರುಣೆಯ ಕಡಲು. ಬಾಗಿದ ತಲೆಯ ಮುಗಿದ ಕೈಗಳ ವಕ್ತಿತ್ವ, ಅವರ ಹೃದಯಾಂತರಾಳದ ನುಡಿಗಳನ್ನು ಕೇಳುವ ಭಾಗ್ಯ ನಮ್ಮದಾಗಿದೆ. ಬನ್ನಿ, ಕೇಳಿ, ಸಂತೋಷವನ್ನು ಅನುಭವಿಸಿ.