لیۆ فێغێ (١٩١٦-١٩٩٣)، گۆرانیبێژ، دەقنووس، نووسەر، ئەکتیڤیست، ئاوازدانەر و ڕابەری ئۆرکێسترا، کە بە "مۆنیۆمێنتی گۆرانیی فەڕەنسی" ناسراوە، لە مۆناکۆ، لەنێوان فەڕەنسا و ئیتاڵیا لەدایک/گەورە بووە. بەدرێژایی ژیانی فێغێ لەنێوان ئەم دوو وڵاتە ژیاوە و کاری کردووە. خوێندنی زانکۆی لە ساڵی ١٩٣٤ لە ڕۆما تەواو کردووە، پاش ئەوەی باوکی ڕێگەی نەدا کە بچێتە پەیمانگای موزیک، بۆ خوێندنی یاسا چووە پاریس و ساڵی ١٩٣٩ دیپلۆمی لە زانستە سیاسییەکان بەدەستهێنا. بەژداری دووەم جەنگی جیهانی کردووە، بەڵام پاش خۆبەدەستەوەدانی پاریس، ڕۆیشتەوە بۆ ڕۆما. یەکەم گۆرانی ئەم هونەرمەندە لە ڕادیۆی مۆنتی کارلۆ نووسی و پێشکەش کرد. پاش بڵاوکردنەوەی ئەلبۆمێک و چەندین گۆرانی، لە کۆتاییی پەنجا و سەرەتای شەستەکان فێغێ زنجیرەیەک ئەلبۆمی ...