2024-2025港九區中學校際足球比賽D1甲組決賽
香港國際學校 對 聖若瑟書院
Date: 29 November 2024, Friday, 4pm
Venue: Shek Kip Mei Park (石硤尾公園)
{Sportsoho} [學界足球】今日(29/11)下晝四點石硤尾公園，上演「2024-2025港九區中學校際足球比賽」D1甲組決賽：由上屆亞軍香港國際學校(HKIS)對上屆季軍聖若瑟書院。雙方今屆D1分組賽已經正面對決過，當時以1:1打成平手。
開賽早段，雙方都無明顯優勢，雙方都受制對手逼搶而無創造太多攻勢，球賽主要喺中場位置爭奪皮球。19分鐘，HKIS嘅「神奇小子」童祈樂藉反擊，突破聖若瑟中堅李澤淳，後者從後剷跌對方被罰黃牌，HKIS開出罰球，身材高大嘅中堅Liam McCaughey接應頂中，角度欠奉被聖若瑟門將許栢瑋接實，為全場雙方第一球中目標攻門。3分鐘後，聖若瑟還以顏色，楊焯鈞落底傳中俾劉宇浩射高。直至上半場中段，聖若瑟開始控制戰局，將HKIS壓喺半場進攻，27分鐘聖若瑟中場張青雲放長傳，接應嘅右翼蘇子然推大位起腳，柱邊出界，係上半場雙方最有機會破局嘅攻門。HKIS上半場逼和聖若瑟0:0，身材高大嘅左閘Niccolo Mandoli出色嘅防守，限制聖若瑟右路突破成為關鍵。
下半場處於僵局，整個下半場主要係雙方激烈嘅皮球爭奪戰。直至下半場中段，HKIS童祈樂藉反擊左路推大位，傳俾中路嘅李樂謙勁射高出。未幾，聖若瑟蘇子然還以顏色，右路推大位射遠柱，但被HKIS門將周若言飛身撲出。
雙方錯失入球機會下，互無紀錄要以互射十二碼分勝負。第三輪主射嘅聖若瑟張堯軒欠運...