#阿婆个拖箱
#徐秀英原著
★漾漾代表五年二班參加學校客語朗讀比賽榮獲第一名
#漾漾蕾蕾陪你玩
【阿婆个拖箱】徐秀英原作
阿婆間房裡背有一張老古董个桌仔。佢講係阿太請莊頭个張木匠䟓工做个。拶腹个樹枋仔，榫頭接到又正又密。六十零年咧，毋單淨無分蟲仔蛀，到這下還企到在在，就像阿婆雖然年紀已大咧，行起路來還像後生人樣，一息都看毋出老。
這張古董桌，3 尺長，尺半闊，囥1在壁角，毋會徑手徑腳， 盡好勢。這張桌仔有兩隻拖箱，一隻鎖頭壞忒咧，裡背放盡多東西。𠊎肚屎痛，阿婆就對拖箱肚揙出萬金油摎𠊎个肚屎挲挲仔， 打隻屁卵就好咧。手指甲長咧，阿婆乜揙得出手指甲剪摎𠊎剪手指甲，耳耙仔、梳仔、鏡仔、目鏡、羊羹、蘋果……，食个、用个、麼个都揙得出。
講著蘋果，阿婆个拖箱肚，長透就有一隻五爪蘋果。一放就係歸半個月，間肚个蘋果香味餳人流口水，阿婆正拿出來破析分
𠊎兜細人仔食。𠊎問阿婆，仰恁好食五爪蘋果，無水又冇冇2，今這下進口个蘋果品種，比這好食个有百百種。阿婆講：「頭擺生活無恁好過，五爪蘋果愛大戶人家正食得著，這係𠊎細人仔時節，發夢也想食个味緒。該兩時，𠊎就摎自家講：『斯愛𠊎煞猛做，愛麼个還斯愁？』」這係阿婆人生个味緒。
另外一隻拖箱，鎖頭還好好，阿婆摎鎖匙放在衫櫥頂用花布弇等。阿婆三不二時就會坐在桌仔頭前，摎拖箱肚个東西拿出來整理，一坐就歸半日。有一擺，𠊎毋堵好看著阿婆拖箱肚个祕密：一本相簿、幾下本貯金簿、一疊頂高有寫名仔个紅紙絡仔。𠊎問阿婆留紅紙絡仔做麼个？阿婆講：「紅包係大家過年分𠊎 个，𠊎這下還好手好腳，種兜菜還做得畜飽自家。𠊎摎這兜紅包拿去貯金，等哪晡日麼人愛用著錢，各人个額自家拿轉去，正毋會為...