Ժողովրդավարական ուժերի հարթակի նախաձեռնած Եվրաքվեն՝ Եվրամիությանը Հայաստանի Հանրապետության միանալու գործընթաց սկսելու օրենքի նախագծի օգտին ստորագրահավաքը հավաքել է անհրաժեշտ 50․000 ստորագրությունը։ Եվրաքվեի շտաբի որոշմամբ այն կերկարացվի եւս մի քանի օր՝ հավաքելու համար 60․000 ստորագրություն՝ հնարավոր անճշտությունների բացասական ազդեցությունը չեզոքացնելու նպատակով։
Եվրաքվեի կազմակերպիչները հորդորում են քաղաքացիներին շարունակել գնալ համայնքապետարաններում/թաղապետարաններում գործող ստորագրահավաքի հավաքագրման կետեր եւ միանալ Եվրաքվեին։