Видео

好好聽❤❤❤

請問音圓的代碼，謝謝。

支持親情動人好曲🎼🎤🍭🍭👍👍👍🧑‍🚒👏👏👏👏👏

好好聽❤❤❤

好聽 請提高畫質

支持動人好曲的對唱👏👏👏👏👏🎼🎤🍭🍭👍👍👍👍

好好聽❤❤❤

24640/《毋通佇我上愛你的時陣離開我》M̄-thang Tī Guá Siōng Ài Lí ê Sî-tsūn Li-khui Guá 劉惠兒Lâu Huī-jî ------------------------------------------ 冷冷的街路 líng-líng ê ke-lōo 落著一陣一陣小雨 lo̍h tio̍h tsi̍t-tsūn-tsi̍t-tsūn sió-hōo 孤單寂寞 koo-tuann tsi̍k-bo̍k 嘛是阮沉重跤步 mā sī gún tîm-tāng kha-pōo 一切敢是緣份 it-tshè kám-sī iân-hūn 造成今日的錯誤 tsō-sîng kim-ji̍t ê tshò-gōo 如今我的心肝頭 jû-kim guá ê sim-kuann-thâu 毋知是風抑是雨 m̄-tsai sī hong ia̍h-sī hōo 感情這條路 kám-tsîng tsit tiâu lōo 已經淋著雨 í-king lâm tio̍h hōo 無人會當阻止你 bô-lâng ē-tàng tsóo-tsí lí 行出的跤步 kiânn tshut ê kha-pōo 咱的感情 lán ê kám-tsîng 已經失去當日溫度 í-king sit-khì tong-ji̍t un-tōo 你離開的跤步 lí lī-khui ê kha-pōo 行出一步一步 kiânn tshut tsi̍t-pōo-tsi̍t-pōo 阮的真心付出 gún ê tsin-sim hù-tshut 一錯再錯 it-tshò tsài-tshò 事到如今 sū kàu jû-kim 猶是遮爾糊塗 iáu-sī tsiah-nī hôo-tôo 當初山盟海誓 tong-tshoo san-bîng hái-sè 如今煞做你行 jû-kim suah tsuè lí kiânn 你敢知影 lí kám tsai-iánn 我的心肝有偌疼 guá ê sim-kuann ū guā thiànn 毋通佇我上愛你的時陣 m̄-thang tī guá siōng ài lí ê sî-tsūn 毋講一句 m̄-kóng tsi̍t-kù 又閣離開我 iū-koh lī-khui guá ↓↓(口白)---(口白)---(口白)↓↓ 無講一句按怎 bô kóng tsi̍t-kù án-tsuánn 你煞離開 lí suah lī-khui 這段時間 tsit tuānn sî-kan 我毋知欲按怎袂記 guá m̄-tsai beh án-tsuánn buē-kì 我佮你的過去 guá kah lí ê kuè-khì 但是 tān-sī 離開已經成為事實 lī-khui í-king sîng-uî sū-si̍t 閣懷念也是無用 koh huâi-liām iā-sī bô-iōng 我只能 guá tsí-lîng 祝你過甲真好 tsiok lí kuè kah tsin hó 比我較好 pí guá khah hó ↑↑(口白)---(口白)---(口白)↑↑ ------------------------------------------ 臺語正字/orthography，請查見教育部《常用詞辭典》 →sutian.moe.edu.tw/und-hani/ 注音請見(spelling-to-sound correspondences, see) 臺羅教學網→tailo.moe.edu.tw/

24639/《歡喜的所在》Huann-hí ê Sóo-tsāi 張雪芳Tiunn Suat-hong(泉州晉江) ------------------------------------------ 風輕輕咧吹 hong khin-khin teh tshue 雲慢慢佇咧飛 hûn bān-bān tī-leh pue 彩色蝴蝶雙雙黏做伙 tshái-sik ôo-tia̍p siang-siang liâm tsò-hué 花芳綿綿飄過 hue-phang mî-mî phiau--kuè 鳥仔自由飛 tsiáu-á tsū-iû pue 予我的心情遮爾美麗 hōo guá ê sim-tsîng tsiah-nī bí-lē 來到這个 lâi kàu tsit-ê 歡歡喜喜 huann-huann-hí-hí 使人欣羨迷人的所在 sú-lâng him-siān bê-lâng ê sóo-tsāi 美妙歌聲 bí-miāu kua-siann 聲聲句句 siann-siann-kù-kù 用心唱出來 iōng-sim tshiùnn--tshut-lâi 踮在這个城市以外 tiàm-tsāi tsit ê siânn-tshī í-guā 輕輕鬆鬆 khin-khin-sang-sang 解憂的所在 kái-iu ê sóo-tsāi 滿腹鬱卒全部排解 muá-pak ut-tsut tsuân-pōo pâi-kái 我的人生衝衝衝 guá ê jîn-sing tshiong tshiong tshiong 衝出光彩 tshiong tshut kong-tshái ------------------------------------------ 臺語正字/orthography，請查見教育部《常用詞辭典》 →sutian.moe.edu.tw/und-hani/ 注音請見(spelling-to-sound correspondences, see) 臺羅教學網→tailo.moe.edu.tw/

24638/《一生等待你》It-sing Tán-thāi Lí 吳逢逢Ngôo Hông-hông ------------------------------------------ 窗外小雨落袂離 thang-guā sió-hōo lo̍h buē-lī 今夜又閣想起你 kim-iā iū-koh siūnn-khí lí 毋知你踮佇佗位 m̄-tsai lí tiàm tī tó-uī 為你茫茫到深更 uī lí bâng-bâng kàu tshim-kinn 無奈目屎漸漸滴 bô-nāi ba̍k-sái tsiām-tsiām tih 輕輕摸著你相片 khin-khin bong tio̍h lí siòng-phìnn 當初相愛我佮你 tong-tshoo siong-ài guá kah lí 如今煞來拆分開 jû-kim suah lâi thiah hun-khui 我是愛你閣想你 guá sī ài lí koh siūnn lí 想欲放棄無勇氣 siūnn-beh hòng-khì bô ióng-khì 對你付出真情意 tuì lí hù-tshut tsin tsîng-ì 甘願為你病相思 kam-guān uī lí pīnn-siunn-si 無論海角抑天邊 bô-lūn hái-kak ia̍h thinn-pinn 想你的心袂停止 siūnn lí ê sim buē thîng-tsí 痴情註定無藥醫 tshi-tsîng tsù-tiānn bô io̍h i 甘願一生等待你 kam-guān it-sing tán-thāi lí 等待你 tán-thāi lí ------------------------------------------ 臺語正字/orthography，請查見教育部《常用詞辭典》 →sutian.moe.edu.tw/und-hani/ 注音請見(spelling-to-sound correspondences, see) 臺羅教學網→tailo.moe.edu.tw/

24637/《偷偷離開》Thau-thau Lī-khui 阿漫A-bān ------------------------------------------ 一粒心 tsi̍t-lia̍p sim 一場夢 tsi̍t-tiûnn bāng 一个人 tsi̍t-ê-lâng 駛孤帆 sái koo-phâng 為何毋甘將你放 uī-hô m̄-kam tsiong lí pàng 敢是傷我無夠重 kám-sī siong guá bô-kàu tāng 一枝薰 tsi̍t-ki hun 一杯酒 tsi̍t-pue tsiú 啉著歲月的憂愁 lim tio̍h suè-gua̍t ê iu-tshiû 緣份袂當將你搝 iân-hūn buē-tàng tsiong lí khiú 最後沃澹阮目睭 tsuè-āu ak-tâm gún ba̍k-tsiu 毋免你對我虛情假意 m̄-bián lí tuì guá hi-tsîng ké-ì 只求你會記得我的名字 tsí kiû lí ē-kì-tit guá ê miâ-jī 思念你 su-liām lí 這間房間 tsit king pâng-king 有你的氣味 ū lí ê khì-bī 隨著時間 suî tio̍h sî-kan 不再膏膏纏 put-tsài ko-ko-tînn 我愛你 guá ài lí 為何情份到遮為止 uī-hô tsîng-hūn kàu tsia uî-tsí 我想你 guá siūnn lí 為何袂當重新開始 uī-hô buē-tàng tiông-sin khai-sí 緣若止 iân nā tsí 只有恬恬叫你名字 tsí-ū tiām-tiām kiò lí miâ-jī 遠遠看你 hn̄g-hn̄g khuànn lí 偷偷離開 thau-thau lī-khui ------------------------------------------ 臺語正字/orthography，請查見教育部《常用詞辭典》 →sutian.moe.edu.tw/und-hani/ 注音請見(spelling-to-sound correspondences, see) 臺羅教學網→tailo.moe.edu.tw/

24636/《破鏡難圓》Phuà-kiànn Lân-înn 黃文彬N̂g Bûn-pin(泉州晉江) 陳雪玲Tân Suat-lîng ------------------------------------------ 男) 想欲將你放 siūnn-beh tsiong lí pàng 放袂記 pàng-buē-kì 才知舊情也綿綿 tsiah tsai kū-tsîng iā mî-mî 女) 感情這兩字 kám-tsîng tsit nn̄g-jī 離我千萬里 lī guá tshian-bān-lí 虛情假意 hi-tsîng ké-ì 敢有啥意義 kám ū siánn ì-gī 男) 又閣借酒來麻醉 iū-koh tsioh tsiú lâi bâ-tsuì 才知痴情無藥醫 tsiah tsai tshi-tsîng bô io̍h i 女) 花言巧語 hua-giân khá-gí 將阮放一邊 tsiong gún pàng tsi̍t-pinn 阮無需要虛偽的安慰 gún bô-su-iàu hi-guī ê an-uì 男) 請問天 tshiánn-mn̄g thinn 為何來創治 uī-hô lâi tshòng-tī 女) 望天星 bāng thinn-tshinn 莫予阮心碎 mài hōo gún sim tshuì 男) 問伊 mn̄g i 女) 問你 mn̄g lí 合) 問自己 mn̄g tsū-kí 既然無愛 kì-jiân bô-ài 不如分開 put-jû hun-khui 男) 醉規暝 tsuì kui-mî 為何袂醒 uī-hô buē tshínn 女) 情難離 tsîng lân-lî 害阮睏袂去 hāi gún khùn buē-khì 男) 想伊 siūnn i 女) 想你 siūnn lí 合) 想過去 siūnn kuè-khì 咱的情 lán ê tsîng 已經破鏡難圓 í-king phuà-kiànn lân-înn ------------------------------------------ 臺語正字/orthography，請查見教育部《常用詞辭典》 →sutian.moe.edu.tw/und-hani/ 注音請見(spelling-to-sound correspondences, see) 臺羅教學網→tailo.moe.edu.tw/

24635/《成功的路》Sîng-kong ê Lōo 蘭蘭Lân-lân ------------------------------------------ 前路風雨無算啥 tsîng-lōo hong-hōo bô-sǹg siánn 為著理想毋認命 uī-tio̍h lí-sióng m̄ jīn-miā 無論路途偌險崎 bô-lūn lōo-tôo guā hiám-kiā 嘛敢去拚 mā kánn khì piànn 毋管別人咧笑我 m̄-kuán pa̍t-lâng teh tshiò guá 提出結果予怹看 the̍h tshut kiat-kó hōo in khuànn 排行榜上 pâi-hâng-póng siōng 會寫著阮的名 ē siá tio̍h gún ê miâ 毋是所有的付出 m̄-sī sóo-ū ê hù-tshut 攏會成功 lóng ē sîng-kong 毋是所有的人 m̄-sī sóo-ū ê lâng 攏會做英雄 lóng ē tsuè ing-hiông 著愛謹記 tio̍h-ài kín-kì 心中一直的理想 sim-tiong it-ti̍t ê lí-sióng 跤踏實地 kha ta̍h si̍t-tē 來照步向前衝 lâi tsiàu-pōo hiòng-tsiân tshiong 但若是有付出 tān-nā sī ū hù-tshut 就會成功 tiō ē sîng-kong 人講小卒仔 lâng kóng sió-tsut-á 會變人中之龍 ē piàn jîn-tiong tsi liông 著愛勇敢 tio̍h-ài ióng-kám 毋驚風雨的阻擋 m̄-kiann hong-hōo ê tsóo-tòng 最後一定會見美麗太陽 tsuè-āu it-tīng ē kìnn bí-lē thài-iông ------------------------------------------ 臺語正字/orthography，請查見教育部《常用詞辭典》 →sutian.moe.edu.tw/und-hani/ 注音請見(spelling-to-sound correspondences, see) 臺羅教學網→tailo.moe.edu.tw/

24634/《女中英雄》Lú Tiong Ing-hiông 何曉婷Hô Hiáu-tîng(漳州) ------------------------------------------ 自古早以來 tsū kóo-tsá í-lâi 人人攏認為 lâng-lâng lóng jīn-uî 女子不如男 lú-tsú put-jû lâm 敢講你無聽過 kám-kóng lí bô thiann-kuè 古時有一个英雄花木蘭 kóo-sî ū tsi̍t-ê ing-hiông Hua Bo̍k-lân 現代的社會 hiān-tāi ê siā-huē 女人攏已經自立佮自強 lú-jîn lóng í-king tsū-li̍p kah tsū-kiông 各行業的龍頭 koh hâng-gia̍p ê liông-thâu 攏有一半 lóng ū tsi̍t-puànn 放眼是女將 hòng-gán sī lú-tsiòng 啊~信念堅定 ah~ sìn-liām kian-tīng 個性倔強 kò-sìng ku̍t-kiông 我是女中的英雄 guá sī lú tiong ê ing-hiông 啊~言出必行 ah~ giân tshut pit hîng 勇敢進前 ióng-kám tsìn-tsîng 佮男兒仝款勇 kah lâm-jî kāng-khuán ióng 啊~信念堅定 ah~ sìn-liām kian-tīng 個性倔強 kò-sìng ku̍t-kiông 一切挫敗擲後爿 it-tshè tshò-pāi tàn āu-pîng 啊~言出必行 ah~ giân tshut pit kiânn 勇敢前進 ióng-kám tsîng-tsìn 女中英雄就是我 lú tiong ing-hiông tiō-sī guá 我就是女中英雄 guá tiō-sī lú tiong ing-hiông ------------------------------------------ 臺語正字/orthography，請查見教育部《常用詞辭典》 →sutian.moe.edu.tw/und-hani/ 注音請見(spelling-to-sound correspondences, see) 臺羅教學網→tailo.moe.edu.tw/

24632/《痴戀夢》Tshi-luân Bāng 廖燕玲Liāu Iàn-lîng(一玲) ------------------------------------------ 咱的愛 lán ê ài 猶是行袂到最後 iáu-sī kiânn buē kàu tsuè-āu 是你無算話 sī lí bô-sǹg uē 放捒我先走 pàng-sak guá sing tsáu 引阮規日規暝 ín gún kui-ji̍t kui-mî 心酸目屎流 sim sng ba̍k-sái lâu 予我肝腸寸斷 hōo guá kan-tn̂g tshùn-tuān 也全無效 iā tsuân bô-hāu 可憐我的愛 khó-liân guá ê ài 已經入心頭 í-king ji̍p sim-thâu 你煞予阮一場空等候 lí suah hōo gún tsi̍t-tiûnn khang tán-hāu 引阮每時每刻 ín gún muí-sî muí-khik 心碎一直吼 sim suì it-ti̍t háu 你敢有體會 lí kám ū thé-huē 我用情遮厚 guá iōng tsîng tsiah kāu 希望有一工 hi-bāng ū-tsi̍t-kang 你會當了解 lí ē-tàng liáu-kái 阮的這份痴情 gún ê tsit hūn tshi-tsîng 毋通遮爾無情 m̄-thang tsiah-nī bô-tsîng 予我的心冷冰冰 hōo guá ê sim líng-ping-ping 希望有一日 hi-bāng ū-tsi̍t-ji̍t 你會對阮用真心 lí ē tuì gún iōng tsin-sim 越過頭 ua̍t-kuè thâu 繼續咱的這段情 kè-sio̍k lán ê tsit tuānn tsîng ------------------------------------------ 臺語正字/orthography，請查見教育部《常用詞辭典》 →sutian.moe.edu.tw/und-hani/ 注音請見(spelling-to-sound correspondences, see) 臺羅教學網→tailo.moe.edu.tw/

24631/《左右》Tsó-iū 劉輝翔Lâu Hui-siông(漳州漳浦) 妮子Nî-tsú ------------------------------------------ 男) 今夜晚風真溫柔 kim-iā buán-hong tsin un-jiû 吹著你可愛模樣 tshue tio̍h lí khó-ài bôo-iūnn 有你陪我美夢千秋 ū lí puê guá bí-bāng tshian-tshiu 女) 看著你目睭 khuànn-tio̍h lí ba̍k-tsiu 體貼著你的感受 thé-thiap tio̍h lí ê kám-siū 我對你的情意無保留 guá tuì lí ê tsîng-ì bô pó-liû 男) 望著天星佮月娘 bāng tio̍h thinn-tshinn kah gue̍h-niû 咱著啉著一杯酒 lán tio̍h lim tio̍h tsi̍t-pue tsiú 我會認真對待你要求 guá ē jīn-tsin tuì-thāi lí iau-kiû 女) 請你免擔憂 tshiánn lí bián tam-iu 你佇我遮上優秀 lí tī guá tsia siōng iu-siù 我會佮你一生相愛相守 guá ē kah lí it-sing siong-ài siong-siú 男) 牽著你的手 khan tio̍h lí ê tshiú 幸福無需要太濟理由 hīng-hok bô su-iàu thài tsuē lí-iû 無論如何咱愛意不朽 bô-lūn jû-hô lán ài-ì put-hiú 女) 蹛仝一个岫 tuà kāng tsi̍t-ê siū 合) 做一對恩愛鴛鴦 tsuè tsi̍t-tuì un-ài uan-iunn 男) 無憂無愁 bô-iu bô-tshiû 合) 今生陪伴佇左右 kim-sing puê-phuānn tī tsó-iū ------------------------------------------ 臺語正字/orthography，請查見教育部《常用詞辭典》 →sutian.moe.edu.tw/und-hani/ 注音請見(spelling-to-sound correspondences, see) 臺羅教學網→tailo.moe.edu.tw/

棒、好聲音

支持動人好曲的作品👏👏👏👏👏🎼🎤🍭🍭👍👍👍

好好聽❤❤❤

支持抒情動人的對唱🎼🎤🍭🍭👍👍👍🧑‍🚒👏👏👏👏👏

好好聽❤❤❤

請問一下 有沒有 這首歌曲 送乎阿母的歌 閩南語歌曲😊

真水

好聽

你好，如何能跟你聯繫，此首歌曲 版權問題！

輕快舒心好曲🎼🎤🍭🍭👍👍👍👏👏👏👏👏支持

輕快好聽❤❤❤

我老婆婚前叫我寶貝，婚後只會連名帶姓叫我去倒垃圾

希望任何喜欢这个评论的人永远平安和生活中的好运🥰🥰🥰👍❤....

当你压力大到快要崩溃，不要跟别人讲，也不要觉得自己委屈，没有人会心疼你。要像余华说的那样:“在夜深人静的时候，把心掏出来，自己缝缝补补，然后睡一觉起来，又是信心百倍。无人问津也好，技不如人也罢，你都要安静下来，去做自己该做的事情，而不是让烦恼和焦虑，毁掉你本就不多的热情和定力。....

謝謝大家的支持，小弟一定不會讓大家失望，下個作品一定為大家作的更好愛你們。

謝謝大家的支持，小弟一定不會讓大家失望，下個作品一定為大家作的更好愛你們。

好好聽呀！讚🎉

太多了

支持有向心力~陽光好歌曲~🎼🎤🍭🍭👍👍👍😄🧑‍🚒👏👏👏👏👏

有寶島台灣台語的水平！❤❤❤

好好聽

好好聽❤❤❤

好好聽❤❤❤

❤❤❤晚安安

好听... 💗💗💗👏👏👏👏

好好聽❤❤❤

支持深情動人的對唱🎼🎤🍭🍭👍👍👍🧑‍🌾👏👏👏👏👏

好好聽❤❤❤

讚🎉

掌聲拍拍動人好歌曲🎼🎤🍭🍭👍👍👍👏👏👏👏👏

好好聽❤❤❤

好聽❤❤❤

Lagunya sangat enak di dengar...tetapi kalau boleh tolong dibuat translate nya kedalam bahasa indonesia..terima kasih

真的很好聽