మామిడి మౌనిక ప్రముఖ తెలంగాణ జానపద గాయని. ఆమె పాడిన పాటలు తెలుగు రాష్ట్రాల్లో మంచి ప్రాచూర్యం పొందాయి. మామిడి మౌనికది జగిత్యాల జిల్లా చిన్నాపూర్ గ్రామం. తండ్రి ఉపాధి నిమిత్తం గల్ఫ్‌ దేశాలకు వెళ్లారు. తల్లి బీడీలు చుడుతుంది. వాళ్ల మామయ్య కాసర్ల భీమయ్య పాడే పాటలను ఆమె చిన్నప్పటి నుంచి గమనించేది. అలా ఆమెకు చిన్నప్పటి నుంచే జానపదం మీద మక్కువ పెరిగింది. పాఠశాలలో ఏవైనా కార్యక్రమాలు ఉంటే తప్పకుండా ఒక పల్లె పాటను పాడేది. జానపద గేయ రచయిత, గాయకుడు మల్లిక తేజ్‌, కాసర్ల భీమయ్యల ప్రోత్సాహంతో 8వ తరగతిలో ఒక పాటకు కోరస్‌ ఇచ్చింది. క్రమంగా ఆమె కూడా పాటలు రాయడం, పాడటం మొదలుపెట్టింది.