DAĞLAR DÜŞÜNÜRDÜ
Bələd oldum suyu dəycək dilimə,
Bu yerlərin torpağına, daşına.
Cığırları dəstələyib əlimə,
Kəmənd atdım zirvələrin başına.
Alçalmağa məcbur etmə ucanı,
Bir gözəllik sərgisi var çəməndə.
Zirvələri tərpətməyə güc hanı,
Kəmənd atan özü düşər kəməndə.
Vətənimə gələn oxa sinə gər,
Belə olub bu dağların tələbi.
Göylə yerin sərhəddidir zirvələr,
Qartallarsa sərhədçidi elə bil.
O tapıbdır ucalığın yolunu,
Kim birinci can atıbsa günəşə.
Göydən gələn ildırımın, dolunun
Qarşısına çiyin verib həmişə.
Bu dağların nisgilini kim duyub? -
Görünsə də zirvəsindən uzaqlar,
Bu dağların ayağına baş qoyub,
Hönkür-hönkür ağlayırdı bulaqlar.
Uzaq düşüb el-obadan, yaxşı bax,
Nə ucadı, nə hündürdü bu dağlar.
''Papağını ...