الشاعر الكبير عماد حسن وقصيده الشتا
شعر والقاء عماد حسن لوحه تعبيريه سامح ياسين
الشتا
ـــــــ
الشتا باب للأمل
الشتا عيونك بتهدينى
طريق آمن
وعالم يُختمل
الشتا باب الحواديت القديمه والدفا
حضن ستى ..
والفطيره السُخنه والشاى والعسل
قلب جدى
اللى يساع الكون بحاله
الشتا حالة صفا
روحى دايما محتجالُه
إنما
بحتاج عنيكى فى الشتا أكتر وأكتر
إنتي ضد البرد
ضد الوحده
ضد الغربه
ضد الحزن
ضد المستحيل
الشتا وعنيكى هما
الضد والضد الجميل
لما شاء الرب واتلاقوا التأم قلبي المكسر
يا حبيبتى واكتمل
الشتا باب للامل
الشتا عيونك بتهدينى
طريق آمن
وعالم يُحتمل